1Mil Iesu ga se laa galil Galili, ngali man palaaen Judaia amuina no Jiu di liliisi ngali sas amantei.2Oro, biaa Luxaal ina no Tebanikel xadi no Jiu a se atat.3Xan no turumasen Iesu di paare sin ia, â Iu na se tapaas atala ma iu na se laa Judaia ngalibi num no tsi asasing di ba lasi no axixila xoror u ta xosaraa no.4A xap xa iwaa ta saan ngali atsapngen iesan na xosaraa no mat maarang na xuxii amuina iu xosaraa abala no ngali asen iu tsaa lalon xolkolmoxo ina inaman.â5Amuina xan no turamasen di xap taltaalnge bula sin ia.6Biaabi Iesu ga asaaiti di, â Biaa nugu leng axaau a xap mager tsap oro, sin gim no leng araraa axaau.7Xolkolmoxo naba xap ngutsulen gim oro a ngutsulen iaa amuina iaa paare leng we semaarang iaa ta xosaraa, a morokon.8Gim laa sin abia luxaal. Iaa ba xap mager laa sin abia luxaal amuina ngali iaa, biaa nugu leng axaau a xap mager tsap.â9A papaare araraa, tii suk manman tia Galili.10Mil sin xan no turamasen di tii se laa lapalaa sin luxaal, ia bula a laa, tii xap eses matan no inaman oro a es xuxii.11Sin abia luxaal no Jiu di lo nanen ma di ga atsura, â Inaai se aia taamat?â12Labatina no inaman di lo burburik taman ia, biexaal di paare, â Ia taamat axaau.â O biexaal di xisi, di ga paare, â A xap apanaai no inaman.â13Oro a xap xa na paare laba taman ia amuina di mataatine no Jiu.
Iesu asasing sin luxaal
14A se labatina luxaal, Iesu a laa tsiga lalon xolot ina Xan Anua Moroaa ma ga atiltsoli asingan no inaman.15No Jiu di tunga ma di ga atsura, â Ilawaa taamat asen sinaae we sin ta xap asasing?â16Iesu a xisi di, â Balawaa nugu asasing a xap nugu tsaa, a xaal sin iwaa ta tulen iaa.17Nawe xa axilangi ngali xosaraa xan sirsiir Moroaa, naba tsal tatanginai nawe balawaa nugu asasing axaal sin Moroaa o iaa paare mu taman nugu adodo tsaa.18Iwaa ta papaare mu taman xan adodo, a we di na paʼii ia tsaa, oro iwaa ta taxaa ngali manglen aia xa ta tulen xaalamengen, ia taamat so, amuina ia untutiik.19Moses tii tali lo sin gim. A xap xa lolobet ina gim na amusili abia lo. Ngalisa so gim ta saan ngali sas amantei iaa?â20Biaa malep di xisi, â Salawa tsaxa atsigaii iu, saa wena sas amantei iu?â21Iesu a xisi di, â Iaa tii xosaraa biexa axixila xoror ta xuuk o gim araraa gim ga tunga.22Amuina Moses tii tali namaang ina xasau (Moses a xap atsapngen abala namaang, a xap, tii xaal tsaa sin nagiem iaaiaa Abaram), gim axasaui tsi sin Saabat.23Nawe xa tsi a xasau sin Saabat, di xosaraa ngali amusili xan Lo Moses, ngali sa u ta magaa sin iaa ta atoaa taamat xiduul sin Saabat?â24Gim nangaam ininte taman no matan gim mu, ma axaau gim na ininte taman namaang tutiik.
Iesu ia Karisito
25Sin abia mu no maarang biexaa inaman in Jerusalem di atsura, â Ilawaa mu taamat aila di ta xonon ngali sas amantei?26Ia mu a tigiri paare laba lalon no matan no inaman o di ga xap paare taman xa totore sin ia. Amanaa no unbanam ina Jiu di adodo we, aso maase ia mu Karisito.27Oro, gita atii ilawaa taamat in itaa, oro biaa Karisito naba ta xaalame a xap xa naba atii itaa axaal.â28Iesu a lo xoxosaraa asasing tsaa lalon xolot ina Xan Anua Moroaa ga paare lot we, â Iou, gim atii iaa ma gim atii itaa iaa xaal. Iaa xap xaalame atala sin nugu adodo tsaa, a xap, oro iwaa xa ta tulen iaa, ia mu aso. Gim xap atii ia,29oro, iaa atii ia, amuina iaa xaal sin ia ma ga tulen iaa.â30Di lo xonkonon ngali tsiili ia, oro ga xap xa na logotsi ia amuina xan leng a xap mager xaalame.31Oro xuduxudu ina abia malep di ga taltaalnge tsaa sin ia, di ga paare, â Biaa Karisito naba ta xaalame naba xosaraa xuduxudu ina no axixila xoror ngen aila taamat?â32No Paarasi di alongen abia malep di ta burburik taman abala no maarang amusili ia, o no lalaamua ina no unsausawit ma no Paarasi di ga tulen no unxoxo ina Xan Anua Moroaa ngali tsiili ia.33Iesu ga paare, â Iaa ba manman dokdok mu mii gim o mil iaa na laa sangan aia xa ta tulen iaa.34Gim ba tsalei iaa, ma gim ba xap tatanginai iaa tsaa, ma biaa xolot iaa ba ta laa sin, gim xap pupua ngali xaalame sin.â35No Jiu di ga epaare engen di, â Itaa naba laa aila taamat, ngali gita ba xap pupua ngali tatanginai ia? Manaa, naba laa lalon abia xolot, xida no inaman di ta man tamtsaare labatina no Grik, ma na asingan di?36Sen muina abala ta we, â Gim ba tsatsel ngali iaa, o gim ba xap tatanginai iaa,â ma â sen xolot iaa ba laa lalon gim ba xap pupua ngali xaalame sin?â â â37Sin abia xariin leng ma xapkap ina leng ina luxaal, Iesu a til ma ga paare laba ga we, â Nawe xa ia ta marua, na xaalame sangan iaa ngali le nun.38Saa ia ta taltaalnge sin iaa, malen Inaatel Pat ta se paare; â No daan sal taman daan ina tino naba rue tsuul xaal sin ia.â â â39Tii papaare taman Nantanua, biaa no saa di ta taltaalnge sin ia, di ba adi mil. Amuina Nantanua a xap mager xale lapalaa, ma Iesu a xap mager adi xan minaalam.40Biexaa inaman lalon abia malep di ta alongmen ia ta paare, asuk so, â Ilawaa propet so.â41O biexaal di paare, â Ia Karisito.â Ma biexaal tsaa, di atsura, â Karisito naba sen xaal Galili we?42Inaatel Pat a paare we, Karisito naba xaal sin xan matenbung Dewit, ma xaal Betliem, biaa inaman laba Dewit tii manman tia.â43Biaa malep di suk tsekxirixi engen di, amuina sin Iesu.44Biexaal ina di, di saan ngali tsiili ia, oro a xap xa na logotsi ia.
Xadi lalaamua no Jiu di xap muun taltaalnge
45Biaa no unxoxo ina Xan Anua Moroaa di ta se laa mula, o no lalaamua ina no unsausawit ma no Paarasi di ga atsuraa di, â Ngalisa gim ta xap giwaa ia xaalame?â46No unxoxo di xisi, â A xap xa na paare malen aia taamat ta papaare!â47No Paarasi di ga axaraati di, â Apanaai gim bula?48Xa lalaamua o xa Paarasi a taltaalnge sin ia bula?49A xap! Biaa malep di xap atii lo, xoror tsaxa bia papan di.â50Nikodimas, iwaa tii setauan laa sangan Iesu, ia ina abia no lalaamua ina no Jiu, ga paare,51â Sin xida lo, gita xap pupua ngali atuti xa nawe gita xap mager alongen ia, ma tsaltatangine sen maarang ta se xosaraa.â52Di xisi ma di ga nen amagurusiki, â Iu bula in Galili? Nen puxen Inaatel Pat ngali u ba tatanginai we a xap xa propet na tsuul xaal Galili.â