Johan19dao_twf
1Acunüng, Pilat naw Jesuh cehpüi lü a kpaih.2Yekape naw nghling lukhüm pyang u lü ami ngbüngsak. Acun käna, jih sennu ngvüihsak u lü,3a peia law u lü, â Judahea Sangpuxang, xüng soaâ ti lü a hmai ami kbeih.4Pilat naw lut law betü lü, â Teng u, thih vai awnga mkhyenak i pi am hmu nawng ti nami ksing vaia, nami veia ka lawpüi bekiâ a ti.5Jesuh cun nghling lukhüm ngbüng lü jih sennu pi ngvaih lü kpunga lut lawki. Pilat naw, â Teng u, hina khyangâ a ti.6Ktaiyü ngvaie ja Temple ngänge naw ami hmu ja, â Kutlamktung üng taiha, kutlamktung üng taihaâ ti lü ngpyangkie. Pilat naw, â Nangmi naw cehpüi u lü, kutlamktung üng taih ua; kei naw ta thih awng vai a mkhyenak am hmu vengâ a ti.7Judahe naw, â Pamhnama Capaa mhnüneikia kyase, kami thuma tia kba, thi khaia nglawi veâ ti lü ami msang.8Pilat naw acun a ngjak ja kyühei law dämdäm lü,9a Bawingawhnaka cit be lü, â Nang hawia ka naw na lawki ni?â a ti. Jesuh naw mkhap mat am pi am msang be.10Pilat naw, â Am na na msang hlüki aw? Ning khyah be vai ja kutlamktung üng ning taih vai hin keia mkhyaha kya khai, ti cun ksingaâ a ti.11Jesuh naw, â Pamhnam naw a ning pet pänga phäh däk ni, ka khana khyaibahnak na tak ve. Acunakyase, kei hin na veia ning msum lawki cen mkhyekatnak akdäm bawk pawhki niâa ti.12Pilat naw acun a ngjak üngkhyüh Jesuh a mhlät vaia lam suiki. Acunsepi Judahe naw ngpyang u lü, â Hina khyang na mhlät üng Emperoa püia käh na kya khai. Sangpuxanga mhnüneiki naküt cun Emperoa yee niâ ami ti.13Pilat naw acun a ngjak ja Jesuh luh lawpüi lü, Hebru läk am Kabbata ami ti Ngthumkhyahnak Lungsüma khana ngawki.14Acuna mhnüp cun Lätnak Pawi am a pha ham mhnüp mat a hlüa mhnüpa; mhnüp ngsunga kyase, Pilat naw Judahea veia, â Teng u, nami sangpuxangâ a ti.15Amimi naw ngpyang u lü, â Hnima, hnima, mkhyüha, kutlamktung üng taihaâ ami ti. Pilat naw, â Nami sangpuxang, kutlamktung üng ka taih vai nami hlüeiki aw?â a ti. Ktaiyü ngvaie naw, â Emperoa thea sangpuxang akce am ta u nawngâ ti lü, ami msang.16Acunüng, Pilat naw Jesuh cun kutlamktung üng taih vaia a jah msum. Jesuh kutlamktung üng taiâ ¨h (Mt 27:32-44; Mk 15:21-32; Lk 23:26-43) Jesuh cun ami cehpüi.17Jesuh naw amäta phäha kutlamktung kawt lü â Luyuh Hnünâ ami ti, Hebru läk am Kolkothaa citki.18Acuia kutlamktung üng khyang nghngih am ami jah taih yüm. A peia mat cim jah taih u lü Jesuh anglung üng ami taih.19Pilat naw, â Nazaret Jesuh, Judahea Sangpuxangâ ti lü kca yuk lü kutlamktung khana a taih.20Jesuh kutlamktung üng ami taihnaka hnün cun Jerusalem mlüha peia kyaki. Acuna kca cun Hebru, Latin ja Krik läke üng ami yuka kyase Judah khyang khawhah naw khekie.21Ktaiyü ngvaie naw Pilat aw, â Judahea Sangpuxangâ ti lü käh yuka, â Kei, Judahea Sangpuxang ni, ti veâ ti lü yukaâ â ami ti.22Pilat naw, â Ka yuk päng cen ka yuka kba ve seâ ti lü a jah msang.23Yekape naw kutlamktung khana Jesuh ami taih päng üng a suisake jah lo u lü, kphyüa ktek u lü mat cima ami ngâ yatei. Akâ uma a phyang jih cun am xüi u, alu üngka naw ale cäpa taha kyaki.24Yekape naw, â Käh mi ktek vai, u naw a bi vai cungkek mi kphawng vai uâ ami ti. Acun cun Pamhnama cangcim üng,â Ka suisake jah ngâ yetei u lü,ka kcu nglünglawknak khaie niâ ti a küm lawnak vaia kyaki.Acun cun yekape naw ami pawha kyaki.25Jesuha kutlamktung peia, Jesuha nu ja Kalawphaa a khyu Marih ja Marih Makdalin ngdüikie.26Jesuh naw a nu ja a kphyanak axüisaw a peia ngdüi ni se jah hmu lü, a nu üng, â Na capa ta ani niâa ti.27Axüisaw üng, â Ani ni na nuâa ti. Acunüng tün lü, acuna axüisaw naw Jesuha nu cun a ima a cehpüi.