Jon19bgg_twf

1Chiihphado Philath è Isu shii noh srane aishii zuang.2Chiih-è sandrithek è migem idiphak è rab pha rago ai khrug shii khakphi, chiihphado iphi yung de guiiphi3Chiih-è aishii wuii srane yao, â Jewthek pha Saja phiang sieng ne rai bo!â Chiih-è ithek è wuii srane aishii phey.4Jishii dinne Philath fuang hà wuii sra ne ithek shii yao, â Riig bo, gu è aishii nathek hà noh ne riig yi gune aishii iy pha nin sapho nyie de atho phi ro.â5Ji-è Isu ro khrug shii mikhimthek pha rago khak srane, iphi yung de guii phi srane fuang hà wuii thog. Chiih-è Philath è ithek shii yao, â Riig bo! Hì pha bran ne ichiih shii um ro.â6â Chiihphado è boh phabithek nane Misiahò pha sandrithek aishii ji riig srane, ithek è ziak, aishii bai zun muii bo! Aishii bai zun mua bo!â Philath è ithek shii yao, â Nawaithek è aishii noh srane, Nawaithek bai shii zun muii bo. Gu ne aishii iy pha nin sapho chiang nyie atho phi ro.â7Chiihphado shii iphiing è iidoh chang din, â Gathek Iphey shii yao ai ne iy sapho ro, nyieliieshii ai ne awai shii yao ai ne Hamangkhung-aphuii pha Dufuii rone yaoâ8Philath è ji yoimage shii, ai ne din ne de muna rumdun.9Chiih-è ai dinne awairo bohhò hà iidoh dun srane Isu shii sai, â Na khi è wuii phlei?â Jimagungde Isu è achang.10Philath è aishii yao, â Na gu shii ayao habey? Now bo, gu na shii thoh pha riichai de um chiih-è bai shii zun pha riichai de um ro.â11Isu è chang, â Na è gu lakhung shii riichai rek pha ji ne nyieliieshii Hamangkhung-aphuii è na shii phi. Ji-è bran hanyie è gu shii na wad shii phi muii pha ji ne awie pha layog ichiig shii phi muii.â12Philath è ji yoi shii, ai è Isu shii thoh muii pha bidiang ne lumuii sow, jimagungde ibrog è iidoh ziak din, â Na è aishii thoh muii arone, ji pha miyaosiu è na ne Bisiu ro ijak asi ara, chiih-è hanyie magunde saja rone yao arone ai ne Bisiu shii gidieg Ichiig rek ra!â13Philath è ji pha miyaogamthek yoi mage shii, ai è Isu shii fuang hà noh srane chuathek Ithua rone ho muii pha ithua shii dug. â Lubao è rab pha ithuaâ Shii noh srane dug ba yi. (Hebrew è Gabatha ro è yao).14Hì ne Hiìadun pha inai ibi pha inai duchoi shii ro, Philath è bran shii yao, â Nathek ro saja ne ichiih shii um ro!â15Jishii ai è iidoh ziak srane yao, â Aishii ua muii bo! Aishii ua muii bo! Chiih-è aishii bai hà zan muii bo!â Philath è ithek shii sai, â Nathek nawaithek ro Saja shii ne, gu shii bai zan muii bo è now bey?â Chiihphado shii boh phabithek è chang, â Gathek shii saja um bie pha ji ne Bisiu ji ro!â16Chiihphado Philath è Isu shii ithek shii phi srane bai shii zun yi. Isu shii bai hà zun muii (Mth 27:32-44; Mrg 15:21-32; Lug 23:36-43) â Ji-è ithek Isu shii noh dun.â17Ai awairo bai han srane fuang wuii dun, chiih-è Gadongzaing rone beng muii pha ithua shii thog (Hebrew è ji pha ithua shii Golgatha, ro è yao)18Thiisa ithek è aishii bai hà zun muii; chiih-è thiichiih shii ithek è gai bran nyi shii de ai moe shii bai hà zun muii, jia shii ai phawig pha bai hà zun chiih-è jia shii airo phazoi pha bai hà zun muii.19â Philath è zey srane ai zun pha bai shii miak phi.â Jewthek pha Saja, Nazareth pha â Isu,â20Bajo bran è tham, nyieliieshii Isu bai hà zun pha ithua ji yi rajan è muna ruang asi ro; chiih-è ji thiichiih shii nyie zey pha ji ne Hebriu, lathin chiih-è Grekh ro.21Boh phabithek è Philath shii yao, â Jewthek pha Saja ro è azey rabo,â ji phachiang, â Hì pha bran è yao, gu ne Jewthek pha Saja ro yao pha ji zey bo.â22Philath è chang, â Gu è nyie khi è zey pha ji ne zey ne um yi bo.â23Isu shii bai hà zun ched pha iidoh shii sandri è Isu ro yung yi srane iliang wi ji srane zab pha sandrithek shii jia jia phi, chiih-è ai lakhung è yi ne lui thog pha wad è phuii pha phadiig phiang ji de yi.24Jishii sandrithek è yao rai, â Cho hì pha yung yi aji pha; hanyie shii mua lei ne siog shii zey srane fen ne chiing rai haro. Hì è rey pha ji ne jigigam shii nyie zey ne um pha ji izai rey yi pha ji rek roââ Ithek è gu yung shii siog fen ne riig,chiih-è gu yung shii liug.âChiih-è sandri è de ji è rek.25Airo amuii, ro ikhuii, Khlophas ro yiy Mery Magdalene yi Isu shii zun pha bai moe shii riu.26Isu è awai amuii nane awai samoy hanyie shii ai è miie pha ji yi thiichiih shii riu pha doh; jiè ai è awai amuii shii yao, â Hì ne naro Dufuii ro.â27Chiihphado è awai samoy shii yao, â Hì ne nathek ro amuii ro. Ji pha iidoh è samoy è ji pha hò-amuii shii noh srane awai hò shii rai noh ro.â

Isu iy dun

28â Zab pha blia rey sha pha ji ne Isu è thieg; jigigam shii nyie zey ne um pha ji ne izai rey ro, ai è yao, gu gahanghang muii ro.â29Thiichiih shii awie pha phuii dieg ley jia um, jimagungde ithek è jog rek ne lao ne, yung è jiang pha muchang shii mam srane ai sem shii ruii phi.30Isu è ji pha phuii bisieng ji niing srane yao, â Hì ne jong sha ro!â Chiihphado è ai khrug jiing srane iy dun.

Isu ro siu khia

31Chiihphado shii Jewish pha riichaithek è zun muii pha bran ro lai jo pha Philath shii lia. Chiih-è siu ji bai è thazam yi pha lia. Ithek è ji khung pha ji ne nyieliieshii sugrubari ro, chiih-è ji pha thimiang shii ne Jewthek Thung pha Inai pha inai ro chiih-è Jewthek Thung pha Inai pha ji ne bajo so ro.32Isu moe shii zun muii pha bran nyi ro yi sandrithek è wuii srane laithek thab bi muii.33Jishii ithek Isu ro lai de thab pha wuii shii, ithek è adoh ba pha ibi shii iyjong dun pha doh, jiè ithek è airo laishii ne athab.34Sandri jia è awai jiong rek ne Isu siu shii giao mage shii ifai nane kho noi khlei ruii. (35Bran jia è ji è rek pha ji riig srane yao, ithek de aishii migi rek bo. Ai è nyie yao pha ji ne izai yao chak ro; chiih-è ai è thieg yi ai izai yao chak.)36Ji ne ai ne izaing jia rang de ajo, nyieliieshii jigigam shii nyie zey pha ji izai rey yi ro.37â Chiih-è gai shii jigigam de yao, ithek è hanyie shii giao pha ji ne, bran ne aishii riig ruii phro.â

Isu shii wieng muii

38Ji-è rek ched pha iidoh shii, Arimathea thawun hà rai pha Joseph, è Philath shii Isu ro siu ji lia wuii. (Joseph de Isu ro samoy ro, jimagunde ai ne ug, nyieliieshii Jewish pha riichaithek shii rum.) Philath è Joseph shii yao, na ai siu iy ji nya yi bo, jiè Joseph Isu ro siu iy ji yi pha wuii.39Nekhodemus, hanyie yi igobi pha habiu Isu shii riig wuii, Joseph rog shii wuii ne, Myre nane aloes lao pha chun sa-uom yie, wuii thog.40Chiih-è bran nyi è Isu ro siu ji yi srane yung imo rek ne jiang ne chiih-è miinow rek ne shun ne Jewish Iphey è zen pha ji duiine rek ne wieng muii pha sharo haro.41Thiichiih Isu shii iy yi muii pha ithua shii razim jia um chiih-è thiichiih shii hanyie de awieng ba pha wieng iwo jia um.42Hì ne Jewthek Thung pha Inai ibi shii ro, chiih-è wieng ne nui shii ro, jiè ithek è Isu ro siu ji thiichiih shii ruii maruii.
expand_more
Search