1Jesuh ktaiyü law päng se axüisaw he am Kidron Lawngca caye da va citkie. Acuna hnüna ngvawng veki, acun üng axüisaw he am atänga lutkie.2Jesuh cun axüisaw he am acuna hnüna khawvei cit khawikiea kyase, cengkia Judah Iskarot naw acuna hnün cun ksingki.3Judah ngvawng da citki. Romah yekape, ktaiyü ngvaie ja Pharisee naw ami jah tüi law Temple ngängkia khyange avang jah lawpüi se, mthikcime, meiim ja ngtukmei jah kawteikie cun acuia a jah lawpüi.4Jesuh naw a khana pha law khai naküt jah ksingei lü, va cit lü, â U nami suiki ni?âa ti.5Amimi naw, â Nazaret Jesuh,â ni ami ti. Jesuh naw, â Acun cun kei niâa ti. Cengkia Judah pi ami ksunga ngdüi hngaki.6Jesuh naw, â Acun cun kei niâa ti ja, ami hnua ngnawn u lü mdeka kyukie.7Jesuh naw, â U nami suiki ni?âti lü a jah kthäh betü. Amimi naw, â Nazaret Jesuhâ ami ti.8Jesuh naw, â Acun cun kei ni, ti lü ka ning jah mtheh päng; kei nami na suikia a kyak üng akce he cit u seâa ti.9(Acun cun, â Nang naw na na jah pet mat pi käh ka mkhyüh khai niâti lü a ngthu pyen akümnak vaia kyaki.)10Sihmon Pita naw kcim a kbahei kset lü Ktaiyü Ngvai säiha mpyaa nghnga khet da a ksawm pat. Acuna mpyaa ngming cun Malakhuha kyaki.11Jesuh naw Pita üng, â Kcim a im üng xawn bea; ka Pa naw a na peta khuikhatnak khawt hin am ka aw khai aw?âa ti.
Jesuh Anna veia ami cehpüi
12Acunüng, Romah yekape ja Temple ngängkia Judah khyange naw Jesuh man u lü, khitkie naw,13Annaa veia ami cehpüi ma u. Anna cun acuna kum üng Ktaiyü Ngvaisäih Kaiphaha pupua kyaki.14Kaiphah cun, â Khyang khawhaha phäh khyang mat a thih daw bawkiâ ti lü, Judah ngvaie jah mthehkia khyanga kyaki.
Pita naw Jesuh a maâ ¨
15Sihmon Pita ja axüisaw he üngka mat naw Jesuh läki xawi. Acuna axüisaw üngka mat cun Ktaiyü Ngvaisäih naw ksingki; Ktaiyü Ngvai säiha im ngvawng mkawt kâ uma Jesuh am lutki xawi.16Acunsepi Pita cun khawkpung mkawt peia ngdüiki. Acunüng axüisaw kce mat va nghlat be lü mkawt ksawh ngängki nghnumica kthäh lü Pita a luh lawpüi.17Mkawt ksawh ngängkia nghnumica naw Pita üng, â Nang pi ania xüisawa am na kyaki aw?â a ti. â Am ni nawngâ Pita naw a ti.18Khawsikia kyase, mpyae ja Romah yekape naw mei tik lü ngdüi lü mei omkie. Pita pi ami hlawnga va ngdüi lü mei awmei hngaki.
Ktaiyü ngvaisäih naw Jesuh a kthäh
19Ktaiyü Ngvaisäih naw axüisaw hea mawng ja a jah mtheia mawng Jesuh üng a kthäh.20Jesuh naw msang lü, â Ngthu ka pyen üng khyanga hmuh ngjaka va ka pyenki. Sinakok ja Judahea ami ngbumnak Templea ka jah mthei khawiki, khyange pi ngcun lawkie, ampyua i am pyen khawi nawng.21â Ise na na kthäh ni? Ami veia ka ngthu pyena mawng cun ka ngthu ngjakie jah kthäha; acune naw i ka pyen ksingki heâa ti.22Acun a pyen üng a peia ngdüiki, yekap mat naw Jesuh kbei lü, â Ktaiyü Ngvaisäih ahikba na msangki aw?â a ti.23Jesuh naw, â Ka pyen mkhye a ve üng ahin üng veki naküt üng jah mtheha. Ka pyen cangki ani üng, ise na na kbeiki ni?âa ti.24Acunüng Anna naw Jesuh a ngkhihnak mahmaha Ktaiyü Ngvaisäih Kaiphah a veia a tüih.
Pita naw Jesuh a ma betü
25Sihmon Pita ngdüi lü mei om ham se, khyang kce he naw, â Nang pi ania xüisawa am na kyaki aw?â ami ti üng, â Am ni nawng,â ti lü, ngcim betüki.26Ktaiyü Ngvai säiha a mpya Pita naw a nghnga a ksawm pata a mjükphyüi mat naw, â Ani am ngvawnga ve niki se ka ning jah hmuh am ni mä?â a ti.27Pita a ngcim betü ja; ainghlüi khawngki.
Pilata maa Jesuha ngdüihnak⠨
28Khawa ngawi law üng, Jesuh Kaiphaha im üngkhyüh sangpuxanga Bawingawhnaka ami cehpüi u. Judah ngvaie cun sangpuxanga Bawingawhnaka am lut u. Lätnak Pawi buh ami einak thei vaia, ngcingcaihnak am amimät ami ve vaia phäh kyaki.29Acunüng, Pilat akpunga lut law lü, â Hina khana i nami mkatnak ve se aw?â a ti.30Amimi naw, â Hin hin khyangkaa am a ni üng na veia am lawpüi sawxat u nawngâ ti lü ami msang.31Pilat naw, â Namimät naw cehpüi u lü, nami thuma kba cijang ua,â a ti. Judah mkhawnge naw, â Kami ngaiha u hnim vaia thum am veâ ami ti.32(Acun cun a thih vaia mawng Jesuh naw a pyena mäiha akümnak law vaia kyaki.)33Pilat naw Bawingawhnaka lut be lü Jesuh khüki naw, â Nang Judahea sangpuxanga na kyaki aw?â ti lü a kthäh.34Jesuh naw, â Hina ngthu hin namäta mlung üngka naw lut lawki aw. Am ani üng ka mawngma khyange naw ning mtheh u se na pyen aw?âti lü a kthäh be.35Pilat naw, â Kei Judah khyanga na ngaih aw? Namäta khyang mjüe ja ktaiyü ngvaie naw ka kut üng ami na msum lawa na kyaki. Ia mkhyenak na pawh ni?â ti lü a msang.36Jesuh naw, â Ka khaw ta hina khawmdek üng am sängei; ka khaw hin hina khawmdek üng a sängei vai sü ta ka hnukläke naw Judah ngvaiea kut üngkhyüh na yung khaie sü; ka khaw hin hina khawmdeka am niâti lü a pyen.37Pilat naw, â Acunüng, nang sangpuxang aw?â ti se, Jesuh naw, â à , na pyena mäiha kei sangpuxang ni. Ka hmi lawnak ja khawmdek khana ka lawnak hin ngthungtak saksinak vaia phäha kyaki. Au pi ngthungtak üng sängeiki naküt naw ka ngthu ngaikiâa ti.38Pilat naw Jesuh üng, â Ngthungtak cun i ni?â a ti. Jesuh hnim vaia mkhyäpâ ¨ (Mt 27:15-31; Mk 15:6-20; Lk 23:13-25) Acuna ngthu a pyen päng ja Judahea veia cit lü, â Thihnak awng vaia mkhyenak ani üng am hmu veng,39acunsepi Lätnak Pawi kâ um üng thawng kyum mat ka ning jah mhlät pet vaia thum nami taki. Acunakyase, Judahea sangpuxang hin ka ning jah mhlät pet vaia nami ngaiki aw?â a ti.40Amimi naw ngpyang u lü, â Ani käh mhläta. Barabah jah mhlät petaâ ami ti. (Barabah cun mawa ve lü kcim kcei bikia mpyukeia kyaki.)