Yelemya50mkw_wbt

Mwangusulu ya Babilone mpe mpulusu ya Isayeli

1Yayi ni mambu yina Yave tubaka samu na bantu ya Babilone na yina me tadila yinsi ya ba-Kalede na yinwa ya mumbikudi Yelemya.
2«Beno zabisa mambu yayi na bantu ya bayinsi,beno telemisa kidimbu ya yinsi.Beno samuna yawu ata kubumba dyambu.Beno tuba mutindu yayi:Ba me baka Babilone!Beno me fuluka na nsoni,Maleduke ke na boma!Biteki ya yawu me fuluka na nsoni.Banzambi ya yawu me mwangana!3Bantu ya yinsi mosi ya node yina ke kitulaka bayinsi na bisika ya kyadi, bisika yina bantu ke lenda kuzinga ve ke na kwenda samu na kunwanisa bawu.Ya vwanda bantu, bibulu,nyonso ke kufwa,bawu nyonso ke zimbana.»
4«Yave ke na kutuba ti,na bilumbu yina,bantu ya Isayeli mpe bantu ya Yudake vutuka kisika mosi,bawu ke tambula na kwendaka dila,bawu ke sosa Yave Nzambi ya bawu.5Bawu ke sosa nzila ya Siyonesamu na kukwenda kuna.Bawu ke vukana na Yavesamu na kusala ngwisani ya bantangu nyonsoyina ba ke zimbana ata fyoti ve.6Bantu ya munu vwandaka mameme ya kuzimbana,mivungi ya bawu zimbisaka bawu,ba bikaka bawu kutambula kidi-kidi na zulu ya myongo,bawu vwandaka kwenda tambulana myongo ya nene mpe na myongo ya fyoti,ata kubambuka moyo na mpaka ya bawu.7Bambeni ya ntete yina vwandaka kwiza kuna,vwandaka kufwa bawumpe vwandaka tuba:“Beto ke na kusala yimbi ve,samu ti bantu yayi salaka disumu na ntadisi ya Yave,Yave, yina kele ludedomo ya bawu, kivuvu ya bankooko ya bawu.”»
8«Beno kima yinsi yayi ya bantu ya Babilone,beno basika na yinsi ya ba-Kalede,beno vwanda mutindu bankombo ya mbakala yina ke tekilaka na mantwala.9Mu ke basisa nkonga ya nene ya bantu ya bayinsi,samu na kunwanisa Babilone.Bantu yango ke katuka na node,bawu ke kubama samu na mvitampe bawu ke baka Babilone.Madyonga ya bawu ke lembanaka ve,mutindu binwani yina zaba mbote-mbote mvita,yina ke katukaka ve na mvita maboko mpamba.10Ba yekula ba-Kalede,bawu ke kuma mutindu kimvwama ya mvita.Bayina ke baka kimvwama yango na ngolo,bawu ke yukuta mbote.Ni Yave me tuba yawu.11Ee! Beno yangalala,beno vwanda na kilengi ya kulutila,beno bayina me bebisa mvwilu ya munu!Ee, beno dumuka mutindu ngombe ya kentona kati ya matiti ya bambuma ya faline.Beno looka mutindu bampunda ya mbakala!12Mama ya beno me fuluka na nsoni,mama yina butaka beno me safuka.Na mulonga ya bayinsi,ba me tula yandi na yisi.Yawu me kuma yinsi ya kuyuma,ntoto ya kukawuka,kisika yina ata kima lenda mena ve.»
13Nkele ya Yave ke sala tiata muntu kuzinga dyaka kuna,yawu ke kuma kisika ya kyadi.Konso muntu yina ke luta pene-pene ya Babiloneke kubwa na ntoto,ke tekita na bomana kutalaka bamputa ya bantu ya yawu.
14Beno nyonso yina ke sadilaka minani,beno telama samu na kunwanisa Babilone.Beno losa yandi madyonga,beno manisa madyonga nyonso,samu ti yandi salaka disumu na ntadisi ya Yave.15Beno sala milolo ya mvitana balweka nyonso samu na yandi.Yandi ke na kupesa nzutu yandi mosi,makunzi ya yandi ke na kubwa,bibaka ya yandi ke na kumwangana.Ni Yave me futisa Babilone yimbi ya yandi.Beno nwanisa Babilone,beno sala yandi mpemutindu yandi salaka.16Beno katula na Babilonebayina nyonso ke kundakampe bayina ke sadilaka na munkwatina kuyonzika bambuma na ntangu ya kubuka.Na mantwala ya mbele ya mvita ya kimwangisi,bika ti konso muntu kukwendana sika ya bantu ya yandi,ti konso muntu kukimana yinsi ya yandi!
17Isayeli vwandaka mutindu dimeme ya kuzimbanayina bankosi vwandaka landa.Ya ntete na kudya yawu vwandaka ni ntinu ya Asili, na manima, ya vwandaka ni Nebukadenesale ntinu, ya Babilone yina manisaka na kudya yawu na mikwa nyonso.18Na yina, Yave Nzambi ya Binwani, Nzambi ya Isayeli, ke na kutuba: «Mu ke futisa ntinu ya Babilone mpe yinsi ya yandi mutindu mu salaka yawu na ntinu ya Asili.»
19Mu ke vutula Isayeli na kisika ya yandisamu ti yandi dikila bibulu ya yandina mongo ya Kaamele mpe ya Basane.Yandi ke kondwa ve kima ya kudyana mongo ya Efalayime mpe ya Ngalaade.20Yave ke na kutuba:Na bantangu yina, ba ke sosa na kuzabawapi yimbi yina Isayeli salaka,kasi yawu ke talana ve.Yimbi yina Yuda salaka ke talana ve,samu ti mu ke lemvokilaka bayina mu ke bikaka moyo.
21«Kwenda nwanisa bantu ya yinsi ya Malatime!Nwanisa bantu yina ke zingaka na Pekode!Kufwa bawu, manisa bawu tii na muntu ya nsuka!Sala mutindu mu tumisaka nge!Ni Yave me tuba yawu.22Na kati ya yinsi, ba ke na kuwa makelele ya mvita.Wapi mutindu ya mvwanzi yayi!23Wapi mutindu yawu me salama?Wapi mutindu yawu me mwangana?Wapi mutindu yawu me zengana?Yawu kikonkoto yina vwandaka bula ntoto nyonso!Wapi mutindu na kati ya bayinsi nyonso,Babilone me mwangana?24Babilone, mu me lebika nge mutambu nge ata kuzaba.Nge me kangama na yawu.Ba me tala nge mpe ba me bwila nge,samu ti nge me sombola Yave.»
25Yave me fungula kibumbulu ya binwanunu ya yandi.Yandi me baka binwanunu ya nkele ya yandi.Kuna na yinsi ya ba-Kalede,ba ke tala kisalu ya Yave, Nzambi ya Binwani.26Beno katuka na balweka nyonso ya yinzasamu na kukwiza na Babilone.Beno kwiza bebisa bibumbulu ya yandi ya bambuma,beno fyetikisa yawu mutindu bikunku ya matiti.Beno kumwangisa yawu samu na Nzambi.Ata kima kubikana ve.27Beno kufwa bangombe nyonso ya mbakala,beno kulumuna yawu na kisika yina ba ke kufwaka bibulu!Kyadi mingi samu na bawu!Kilumbu ya nsembolo ya bawu me kuma,ntangu ya bawu me lunga!28Beno kuwa: «Ya kele makelele ya bayina kimaka,bayina vuukaka na Babilone,ni bawu ke na kunata bansangu ya“nsembolo ya Yave, Nzambi ya beto, na Siyone.Nsembolo ya dizulu.”»29Samu na kunwanisa Babilone,beno bokila bayina nyonso ke sadilaka munani.Beno zunga Babilone,beno bika ve ata kisika ya mwasi.Bika ti ba vutula yandi yimbi yina yandi salaka,samu ti yandi tumamaka ve na Yave,Nzambi ya longo ya Isayeli.
30«Ee, na kilumbu yina, binwani ya yandi ya bantwenya ke kubwa na bisika yina bantu ke yonzamaka, binwani nyonso ya yandi ke dingama.» Ni Yave me tuba yawu.
31Yave, Nzambi ya Binwani, ke na kutuba:«Mu ke nwanisa nge,nge kento ya lunangu samu ti,kilumbu ya nge me kuma,ntangu ya munu me lungaya kupesa nge kitumbu.32Kento ya lunangu ke bula dibaku,yandi ke kubwampe ata muntu ke telemisa yandi.Mu ke namisa tiya na bambanza ya yandi,yawu ke yoka nyonso yina me zunga yandi.»
33Yave, Nzambi ya Binwani, ke na kutuba:
«Ba me kwamisa bantu ya Isayeli mpe bantu ya Yuda.Bayina nataka bawu na bundongo me kanga bawu na ngolo,ba me manga na kubika bawu.34Kasi, munu kikuudi ya bawu, mu ke na ngolo.Nkumbu ya munu, Yave, Nzambi ya Binwani.Mu ke na kunwanina bawu,samu na kuvutula kizunu na yinsimpe kumwangisa bantu ya Babilone.»

Yina Yave me kubika samu na Babilone

35«Mbele ya mvita me kotila ba-Kalede,na bantu yina ke zingaka na mbanza Babilone,na bamfumu mpe bantu ya ndwenga.Ni Yave me tuba yawu!36Nge mbele ya mvita,nwanisa mimbikudi ya luvunu,bika ti bawu lawuka!Nwanisa binwani ya Babilone,bika ti bawu kufwa!37Nge mbele ya mvita,nwanisa bampunda ya yandi,nwanisa bipusu-pusu ya yandi ya mvita.Nwanisa babakala nyonso yina ke zingaka kuna,bika ti bawu kukuma mutindubakento yina kele ve na ngolo!Nge mbele ya mvita,nwanisa bimvwama ya yandi,bika ti ba botola yandi bimvwama!38Nge mbele ya mvita,nwanisa maza ya yandibika ti, yawu kukawuka!Ya kele yinsi ya kufuluka na biteki.Bawu me lawuka,bawu me kuma na boma ya mingi.39Ni yawu yina, ba yina ke zingaka na yinsi ya kuyuma,ke banda na kuzinga kuna na mbulu, na bibulu ya mfinda.Bantu ke zinga dyaka ve kuna bambandu na bambandu.40Yawu ke vwanda mutindumwangusulu ya Sodome, ya Ngomolempe ya bambanza yina kele pene-pene.Ata muntu ke zinga dyaka kuna,ata nzutu ke vwanda dyaka kuna.»Ni Yave me tuba yawu.41«Bantu ke katuka na node,bantu ya yinsi ya nene,bantinu mingi ya lulendoke na kwiza katuka kuna na bandilu ya yinza.42Binwani ya bawu ke na kuningisa minani mpe madyonga.Bawu ke sakanaka ve,bawu ke talaka kyadi ve.Makelele yina bawu ke salaka kele mutindu makelele ya mubu.Bawu ke ya kuyuluka na zulu ya bampunda.Bawu me tandama na mulonga mutindu muntu mosisamu na kunwanisa nge, Babilone, yinsi ya kitoko!»43«Ntangu ntinu ya Babiloneke kuwa nsangu yina, yandi ke lemba,yandi ke kuma na boma,yandi ke kwama mutindu kentoyina me kuma na misongo.44Mu ke vwanda mutindu nkosiyina ke na kubasika na mfinda ya Yolodani,pene-pene ya mwa maza, mpe kaka na mbala mosi,mu ke bingisa bantu nyonso.Mu ke fidisa yandi binwani ya bantwenya.Nani lenda kufwanana na munu?Nani lenda kuyufula munu mambu yina mu me sala?Wapi mfumu yina lenda kuvibidila na mantwala ya munu?»
45Beno kuwa yinki Yave me kubika samu na Babilone,yinki yandi ke sala samu na ba-Kalede!Ba ke nata bawu mutindu bankombo na mameme.Ba ke mwangisa bisika ya bawu yina bawu ke zingaka.46Ntangu ba ke kuwa ti:«Ba me baka Babilone»,ntoto ke ningana,makelele ke wakana na kati ya bayinsi!
expand_more
Search