Yelemya48mkw_wbt

Nsembolo ya Mowabe

1Na yina me tadila Mowabe, Yave, Nzambi ya Binwani, Nzambi ya Isayeli, ke na kutuba mutindu yayi:
«Kyadi samu na bantu ya Nebo,mbanza ya bawu me mwangana!Kileyatayime me fuluka na nsoni,ba me botola yawu.Mbanza ya kutungama na bibaka ya lukengolo,yawu me fuluka na nsoni,yawu ke na kutekita na boma!2Mowabe kele dyaka ve na masiika.Kuna na Esebone, ba ke na kukubika mpasi ya Mowabe.»Ba ke na kutuba:«Beto kwendeno katula Mowabena kati ya lutangu ya bayinsi!»Nge mpe Mademene, nge ke mwangana,mbele ya mvita ke landa nge mbangu.3Ba ke na kuwa makelele ya kyadike na kukatuka na Yolonayime:Ya kele mwangusulu mpe mvwanzi!4Mowabe me mwangana,bana ya yandi ke na kulooka.5Bayina me bikana moyo ke na kudilana kwendaka yuluka na Luyite.Ba ke na kuwa makelele ya mvwanzike na kukulumuka na Yolonayime:6«Beno kima awa, beno sosa na kuvuuka!Beno kwenda na yinsi ya kuyuma,mutindu mbuluku ya mfinda.7Ya tsyelika, nge Mowabe,nge me tula kivuvu ya ngena kati ya bimvwama ya nge mpe na bisalu ya nge.Kasi nge mpe ba ke baka nge na ngolo.Na yina kiteki ya nzambi Kemose,banganga-nzambi ya yandi mpe bamfumu ya yandi,ba ke nata bawu na ngolo na yinsi ya nzenza.8Kimwangisi ke kota na konso mbanzaata mbanza mosi ve ke vuuka.Kuna na mudimba, nyonso ke kufwa,nyonso ya kuzangama ke mwangana.»Ni Yave me tuba yawu.9Beno pesa Mowabe mapapu,samu ti yandi dumuka na kukwenda ntama!Bambanza ya yandi ke mwangana,ya ke vwanda dyaka ve na bantu yina ke zinga kuna.10Bika ti muntu yina ke pesa ve ntima ya yandi na kisalu ya Yave, yandi kusiingwa!Bika ti muntu yina ke yimina mbele ya yandi ya mvita kutangisa menga, yandi kusiingwa!

*

11Kubanda na buntwenya ya Mowabe,Mowabe vwandaka zinga na kizunu nyonso.Yandi vwandaka mutindu vinuyina ke na kupemaka ya yawu na kati ya mbinda.Ba me nata ve yandi na ngolo na yinsi ya nzenza.Vinu ke kaka ya mbote,nsunga ya yawu me soba ve.
12Ni yawu yina, Yave ke na kutuba: «Bilumbu ke na kukwiza yina mu ke fidisa bantu yina ke kwiza sekula nge. Bawu ke basisa nyonso yina kele na kati ya mbinda mpe bawu ke mwangisa mayuki.»13«Mowabe ke tala nsoni ya nzambi Kemose, mutindu bantu ya Isayeli talaka nsoni ya Betele yina bawu vwandaka sadila kivuvu.»
14«Wapi mutindu beno lenda tuba ti:“Beto kele binwani,nkonga ya binwani ya ngolo”?15Mowabe me mwangana,bambanza ya yandi me kuya tiya,ntwenya ya kulutila kitoko me kwenda na lufwa.»Ni ntinu me tuba yawu,Nkumbu ya yandi, Yave Nzambi ya Binwani.
16Mwangusulu ya Mowabe me kuma pene-pene.Mpasi ya yandi ke na kukwiza mbangu-mbangu.17Beno kindisa yandi,beno nyonso yina ke zungaka yandi,beno bayina nyonso zaba Nkumbu ya yandi!Beno tuba mutindu yayi:«Wapi mutindu yandi me mwangana,yandi mukawa ya lulendo,yandi yinti ya nkembo?»

*

18Nge Dibone mbanza ya kitoko,katuka na kisika ya nkembo ya nge.Kulumuka, nge kwenda vwanda na yinsi ya kuyuma,kisika ke na mpwila ya maza.Samu ti kimwangisi ya Mowabeke na kwiza mwangisa mbanza ya ngeya kutungama na bibaka ya lukengolo.19Nge Alowele,Telama na nzila,nge banda na kutadikila!Yufula bayina ke na kukima,yufula bayina me bikana moyo mutindu yayi:«Wapi dyambu?»20Mowabe me kuma na nsoni,yandi ke na kutekita na boma.Beno sala milolo, beno looka!Beno kwenda samuna na Alenone tiMowabe me mwangana yimeni!
21Ee, lufundusu me kubwa na bayinsi yina kele na bantoto ya kuzangama! Olone, Yasa, Mefaate,22Dibone, Nebo, Bete-Dibelatayime,23Kileyatayime, Bete-Ngamule, Bete-Mewone,24Keliyote, Bosela, bambanza nyonso ya Mowabe yina kele ntama mpe yina kele pene-pene.
25«Mowabe kele dyaka na ngolo ve,yandi kele dyaka na lutumu ve»,ni Yave me tuba yawu.
26Mowabe vwandaka tala ti yandi me lutila Yave. Bika ti ba pesa yandi malafu samu na kulakisa yandi vinu yina yandi kunwaka mpe samu ti yandi sekisa bantu.27Mowabe, bambuka moyo na mutindu yina nge vwandaka seka Isayeli. Nge vwandaka tala ti yandi kele muyibi, samu ti nge vwandaka zonzila ve nkumbu ya yandi ata kuseka yandi.
28Beno bantu ya Mowabe,beno katuka na bambanza,beno kwenda zinga na kati ya matadi.Beno vwanda mutindu dibembeyina ke na kutunga dinzanza ya yandina bisika yina kele mpasi na kukota.

*

29Beto kuwaka nsanguya lunangu ya Mowabe,lunangu ya yandi ya kulutila,mayama ya yandi,ntima ya yandi ya yimbi.
30Yave ke na kutuba: «Munu mpe, mu zaba yawu, yandi ke na kulutisa, kasi nyonso yina yandi ke na kusala ke kaka ya mpamba.»
31Mu ke na kuduma samu na nge.Mu ke na kulomba na yinsiya muvimba na kusadisa Mowabe.Mu ke na kuyawula samu nabantu ya mbanza Kile-Elese.32Nge yinti ya vinu ya Sibemamu ke na kudila samu na nge,kulutila kudila yina mu ke na kudilasamu na bantu ya Yazele.Kasi kimwangisi me mwangisabambuma yina nge bukaka,bambuma ya vinu yina nge yonzikaka.33Na kati ya bilanga ya Mowabe,kilengi ya kulutila ke dyaka ve.Na kati ya bidunda,vinu ke dyaka ve,bantu yina ke mwangaka bambuma ke na kusala dyaka ve.Ba ke na kuwa dyaka ve milolo ya bawu ya nsayi.
34Bantu ya Esebone ke na kulomba ba sadisa bawu mpe kuyawula ya bawu ke na kuwakana tii na Eleyale. Bandinga ya bawu ke na kuwakana tii na Yayase mpe kukatuka na Sowale, yawu ke na kuwakana tii na Yolonayime, na Engelate-Selisya samu ti, ata kisika yina vwandaka maza ya Nimelime me kuma kisika ya kyadi.
35«Na Mowabe, mu ke katula bayina ke kwendaka pesa minkayulu na banzambi ya bawu, na bisika ya lusambulu yina kele na zulu ya myongo.» Ni Yave me tuba yawu.
36Ni yawu yina, ntima ya munu ke na kuyawula samu na matuutu ya Mowabe mpe yawu ke na kuyawula mutindu matuutu ya bantu ya Kile-Yelese, samu ti ndandu yina bawu kuzwaka me zimbana.37Babakala nyonso katulaka bansuki mpe mandefo ya bawu. Bawu salaka bansamba na maboko mpe ba lwataka binkuti ya kyadi.38Na zulu ya miludi ya kuyalumuka ya bayinzo ya Mowabe mpe na bisika yina bantu ke yonzamaka, ba ke na kuwa bantu ke na kuyawula. «Mu ke na kumwangisa Mowabe mutindu ba ke mwangisaka mbungu yina ke dyaka na kisalu ve». Ni Yave me tuba yawu.39Beno yimba mukunga ya kyadi: «Yandi me lemba! Beno sala milolo! Samu na nsoni, Mowabe me pesa manima!» Bayina nyonso kele pene-pene ya Mowabe ke tala yandi mutindu kima ya mpamba-mpamba mpe kima ya nsisi.

*

40Yave ke na kutuba: «Bambeni kele mutindu mbemba ke na kuzungana na zulu ya Mowabe.»
41Ba me botola bambanza Keliyote,ba me baka bisika ya kutungama na bibaka ya lukengolo.Na kilumbu yina, binwani ya Mowabe ke tala mpasi na ntima mutindu kento ke talaka mpasi na ntangu ya kubuta.
42Mowabe ke dyaka ve,bantu ya Mowabe ke dyaka ve:Bawu vwandaka tala ti bawu lutila Yave.43«Boma, dibulu, mutambu,samu na beno bantu ya Mowabe!Ni Yave me tuba yawu.»44«Muntu yina ke sosa kukima mpasi yayi,ke kubwa na dibulu.Muntu yina ke basika na dibulu,ke kangama na mutambu.Ya tsyelika mu ke lakisa na Mowabe tiya ke mvula yina mu ke futisa yandi yimbi ya yandi.Ni Yave me tuba yawu.»45«Bayina ke kimaka samu ti ba ke na ngolo ve,ke sosa na kubumbama na mpewo ya Esebone.Kasi tiya ke fuluka na mbanza,yawu ke yoka yinzo ya ntinu Siwone.Yawu ke yoka bandilu ya Mowabempe bantoto ya kuzangama ya bantu ya mvwanzi.»46«Kyadi samu na nge Mowabe!Nge ke na kufwa, nge dikanda ya nzambi Kemose.Ba me nata na ngolo bana ya nge yababakala mpe ya bakento na yinsi ya nzenza.»
47«Kasi na bilumbu yina ke kwiza,mu ke vutula Mowabe mutindu yawu vwandaka.»Ni Yave me tuba yawu.Ni awa me suka nsembolo ya Mowabe.
expand_more
Search