Keremiyaxi
47
/
hch_wb2
Niuki Piritsiteutsixi wahetsiemieme
1
Parahuni Kahatsa katamiewekaku 'akuxi, Yawé yuniuki Kakaɨyari niukameya Keremiyaxi kaniupitɨani, piritsiteutsixi wahepaɨtsita:
2
«Yawé mɨpaɨ kanaineni:
»“Neuxei xekeneuxeiya. Haa tayeta mieme
haa muwayeneika hepaɨ putaine.
Kwie panukayunitɨwa meta tita mɨrexeiya,
meta kiekarite metatsiere teɨteri.
Yunaitɨ teɨteri meputihiwa.
Meputitsuana teɨteri kwiepa memɨtama.
3
Mewa'enietɨ wakawayutsixi wanautsari
wakaxetate wayuarika me'enietɨ
meta kaxetate waketate me'enietɨ,
wapaapama yuniwema 'ukitsi mepɨwata'e'eiriwa,
mepɨkatɨrɨkawi marikakɨ.
4
Tukari kanaye'aniri
piritsiteutsixi memakumaweriyarienikɨ,
Tiru meta Tsiruni mɨnawaiyarienikɨ
kemɨ'ane 'akuxi minɨ'ɨ miparewie.
Piritsiteutsixi kaniwarakuyuniyamɨkɨ Yawé
metatsiere yunaime haramara tetsita kiekatari Katuri mɨtitewatsie.
5
Yumu'utsie mekaniyukaxikani Kahatsa kiekatari,
'Atsikaruni kiekatari mekaniuwawetɨ mekanakɨne.
Xemeta, muweritsie kiekatari xemuyuhayewatɨwe,
xepɨkatehayewa xeyutixiteketɨ yuwaiyaritsie.
6
»”'Ai nepaine, Yawé 'ixiparaya hetsiemieme.
Pepɨkatihayewa peyumienetɨ.
'Anawita kenakunuari.
'Ari kenewakexi, kayuwatɨri.
7
»”¿Ketitayari ti'uxipieka,
Yawé kanitanɨ'ani
'Atsikaruni mɨtamienikɨ
metatsiere haramara tetsita memɨtama?”»
Powered by Seed Bible API
expand_more
Search
All books
Old Testament
New Testament
chevron_left
Previous Chapter
Books
search
Search
explore
Discover
share
Share
chevron_right
Next Chapter