Yelemya46mkw_wbt

1Yayi ni mambu yina Yave tubaka na mumbikudi Yelemya na yina me tadila bantu ya bayinsi.

Ba nungaka bantu ya Ngipiti kuna na mbanza Kalekemise

2Mambu yayi me tadila Ngipiti mpe binwani ya Falawo Neko, ntinu ya Ngipiti yina vwandaka pene-pene ya nzadi ya Efalate, kuna na mbanza ya Kalekemise, yandi yina ba nungaka na Nebukadenesale, ntinu ya Babilone, na mvula ya yiya ya kintinu ya Yoyakime, mwana ya Yosiya, ntinu ya Yuda.
3«Beno kubika binwanunu ya nene yina ke kebaka ntulu,ya nene mpe ya fyoti,beno kwenda nwana mvita.4Beno bayina ke nataka bampunda,Beno kubika bampunda!Beno kwenda na mvita!Beno tula bayimpu ya beno ya mvita!Beno kubika madyonga ya beno,beno lwata binwanunu ya beno ya bisengo yina ke kebaka nzutu!»
5Samu na yinki bawu ke na kutekita na boma?Bawu ke na kuvutuka manima,ba me nunga binwani ya bawu.Bawu ke na kwendaka kima-kima ata kutala na manima.Bisika nyonso kaka boma na boma.Ni Yave me tuba yawu.6Bayina me lutila mbangu ke vuuka ve!Binwani yina me lutila ngolo ke vuuka ve!Kuna na node, na bandilu ya nzadi ya Efalate,ba ke na kubula mabaku, ba ke na kubwa.
7Nani kele mutindu maza ya Nile nantangu yina yawu ke fulukaka?Nani kele mutindu maza ya Nile,ntangu yawu ke lutaka ndilu ya yawu?8Ni Ngipiti ke fulukaka mutindu Nile.Yawu ke lutaka bandilu mutindu banzadi.Yandi vwandaka tuba:«Mu ke fuluka,mu ke fulusa ntoto,mu ke zimbisa bambanzampe bantu yina ke zingaka kuna.9Bampunda, beno kwenda nwana mvita,bipusu-pusu ya mvita, beno kwenda!Beno binwani ya ngolo, beno tekila,beno bantu ya Kuse mpe ya Pute,yina ke sadilaka binwanunu ya bisengo yina ke kebaka ntulu,mpe bantu ya Lude yina ke sadilaka munani ya mvita!»10Kasi kilumbu yina kele Kilumbu ya Yave, Nzambi ya Binwani,yawu kele kilumbu ya nkele ya Yave,yandi ke futisa bambeni ya yandi yimbi ya bawu.Mbele ya mvita ke na kufwa.Mbele ya mvita me yukuta.Yawu ke na kunwa menga ya bawu,yawu kele mutindu munkayulu ya Yave, Nzambi ya Binwani,na yinsi ya node, na bandilu ya nzadi ya Efalate!11Nge Ngipiti ndumba ya kitoko,kwenda na Ngalaade na kusosa mangangasamu na bamputa ya nge.Kasi ata ti nge tula manganga ya mutindu na mutindu,nge ke beluka ve.12Bantu ya bayinsi kuwaka wapi mutindu ba talisaka nge nsoni,samu ti kuyawula ya nge me wakana na ntoto nyonso.Kinwani me tutana na kinwani ya nkaka,bawu nyonso zole me bula mabaku,bawu nyonso zole me kubwa.

Lufwa me kota na Ngipiti

13Mambu ya Yave kuminaka mumbikudi Yelemya. Yawu me tadila nkwizulu ya Nebukadenesale, ntinu ya Babilone, yina vwandaka kwiza samu na kunwanisa yinsi ya Ngipiti:14«Beno samuna yawu na Ngipiti,beno wakisa yawu na mbanza Mingedole,beno wakisa yawu na mbanza Memfisempe na mbanza Tapanese!Beno tuba: “Beno kubama na mvita!”Samu ti mbele ya mvita ke na kufwa,bayina kele pene-pene ya beno.15Samu na yinki nzambi Apise me kima?Kiteki ya nge ya ngombe ke vibidila ve.Yave me bwisa yawu.16Yave ke salaka ti binwani mingi kubula mabaku,bawu ke na kubwa na zulu ya bampangibawu ke na kutuba:“Beto telama, beto vutuka na sika ya bantu ya beto,na yinsi ya beto ya mbutukulu.Ntama na mbele ya mvita yina ke na kufwa bantu.”17Na yina me tadila Falawo, ntinu ya Ngipiti,Beno pesa yandi nkumbu yayi:“Makelele ya mingi ya mpamba!”»
18Na Nkumbu ya munu mosi Yave, Nzambi ya Binwani, ntinu ya moyo,ya tsyelika mbeni yina ke kwiza kele mutindu mongo ya Tabole na kati-kati ya myongo ya nkaka,yawu kele mutindu mongo ya Kaamele ya kuyalumuka tii na mubu.
19Beno bantu ya Ngipiti,ntangu me kuma samu na benona kukanga bifunda ya beno,samu na kukwenda na yinsi ya nzenza.Samu ti mbanza Memfise ke kuma yinsi ya kuyuma,kisika yina bantu ke zinga dyaka ve.
20«Ngipiti kele mutindu mpunda ya kento ya kitoko!Kasi banzinzi yina ke tatikaka me katuka na node, yawu ke na kwiza.21Binwani ya bayinsi ya nzenza yina bantu ya Ngipiti futaka,bawu vwandaka mutindu bangombe ya mafuta.Bawu ke na kuteka manima.Bawu nyonso mpe ke na kukima kintwadi.Na kilumbu ya kyadi yina ke kwiza bwidila bawu,muntu mosi ve ke vibidila.Ya kele ntangu ya kupesa bawu kitumbu.22Ngipiti ke kima mutindu nyoka, ata kusala makelele,mbeni ke na kukwiza na mukangu ya binwani,yandi ke na kukwiza na basoka,mutindu bantu yina ke zengaka bayinti.23Ba ke na kuzenga mfinda,mfinda yina ata muntu ke kotaka.Bawu ke na kukwiza bawu mingikulutila makonko yina ba lenda tanga ve.Ni Yave me tuba yawu.»24Yayi kele nsoni mingi samu na Ngipiti:«Yawu me kubwa na lutumu ya bantu yina me katuka na node.»25Yave, Nzambi ya Binwani, Nzambi ya Isayeli,, ke na kutuba: «Mu ke pesa kitumbu na Amone, nzambi ya Tebese. Mu ke pesa kitumbu na Ngipiti na banzambi ya yandi mpe na bantinu ya yandi. Mu ke pesa kitumbu na Falawo mpe na bayina nyonso ke tulaka kivuvu ya bawu na yandi.26Mu ke yekula bawu na bantu yina ke sosaka na kufwa bawu: Nebukadenesale, ntinu ya Babilone, mpe binwani ya yandi.»
«Na bilumbu yina ke kwiza, Ngipiti ke vutuka dyaka mutindu yawu vwandaka ntete.» Ni Yave me tuba yawu.

Ba me kuula Isayeli

27«Nge kisadi ya munu Yakobi,kutala boma ve.Nge Isayeli, kulemba ve.Samu ti mu ke na kwiza kuula ngena bisika yina ya ntama.Mu ke na kwiza vuukisa bana ya ngena yinsi yina ba nataka bawu na ngolo.Yakobi ke vutuka, yandi ke vwanda na kizunumpe yandi ke nata luzingu mosi ya mbote.Ata muntu ke kwamisa dyaka yandi.»Ni Yave me tuba yawu.28Yave ke na kutuba:«Mu kele kintwadi na beno samu na kuvuukisa beno.Mu ke manisa na kufwa makanda ya bantuyina kele na bisika yina mu mwangisaka beno,kasi beno mu ke manisa ve na kufwa beno.Kasi mu ke semba beno na ludedomo nyonso.Mu lenda bika ve beno ata kitumbu.»
expand_more
Search