Read ዔርሚያሴ ማፃኣፖ 4

ዔርሚያሴ ማፃኣፖ4mdy_twf

ዒስራዔኤሌ ዓሳ ፆኦሲ ባንሢ ማዓንዳጉዲ ዔኤሎና ዔኤሊሢ

¹ናንጊና ናንጋ ጎዳ ሂዚ ጋዓኔ፦ «ዒስራዔኤሌ ዴሬዮቴ! ዓካሪ ዒንሢ ታ ባንሢ ማዓያታቴ ማዑዋቴ፤ ታኣኒ ዒፃ፥ ሜሌ ፆኦዞ ዒንሢ ባይዚ ታኣም ሌሊ ዒንሢ ጉሙርቂንታያ ማዔቴ፥²ጎኑሞና ፂሉሞና ሃሣ ፒዜ ዒኔና፦ ‹ናንጊና ናንጋ ጎዳ ሃይቆ!› ጌይ ጫኣቄቴ፥ ሜሌ ዴራ ዬያና ታና ጋላታንዳኔ፤ ታኣኒያ ዔያቶ ዓንጃንዳኔ።»³ናንጊና ናንጋ ጎዳ ዪሁዳና ዬሩሳላሜ ዴሮናም ሂዚ ጋዓኔ፦ «ሻፓዼ ማኣሎ ዒንሢኮ ዋርፃፒ ጊኢጊሹዋቴ፤ ዜርፆ ጉሪ ዓንጊፆ ባኣካ ዜርቂፖቴ!⁴ዒንሢ ዪሁዳና ዬሩሳላሜናይዳ ናንጋ ዓሳ! ዒንሢኮ ዓቲንቶ ቤርቶ ቲቁዋቴ፤ ዒንሢኮ ዒና ዓኣ ፑርቶ ባኮዋ ቲቂ ሺኢሺ ማሊፆ ዒንሢኮ ጌኤሺ ጉቤና ዒንሢኮ ዑፆ ናንጊና ናንጋ ጎዳም ዎርቃያ ማሁዋቴ፤ ዒንሢ ዬያይዲባኣቴ ዒንሢ ማዻ ፑርቶ ማዾ ዛሎና ታኣኮ ዻጋ ታሚጉዲ ዔኤታንዳኔ፤ ዬይ ታኣኮ ዻጋ ዔኤቴቴ ዖኦኒያ ዬያ ዎዻንዳይ ባኣሴ።»

ዪሁዳ ካታሞ ጌሊ ዓርቃኒ ሞርኮኮ ዚርቂፆ

⁵ዬኖ ዓጮ ዓሶ ቢያሢም ዛዬ ዋርቁዋቴ!ዑኡዞ ዒንሢኮ ዼጊዲ ዒላቱዋቴ!ዬይ፥ ዪሁዳና ዬሩሳላሜና ዴራ ዙላ ኬልቂንቲ ዲርቂንቴ ካታሞ ጳሽኪ ቶላንዳጉዲ ኬኤዙዋቴ።⁶ፂዮኔም ጎይፆ ዻውዋቴ!ኔጉዋዖ ሼምፖ ዒንሢኮ ዓይሳንዳ ቤሲ ባንሢ ጳሽኪ ፑኑዋቴ!ናንጊና ናንጋ ጎዳ ኬዶ ዛሎ ዓጫፓ ዼኤፒ ባይሲንታ ዳካኒኬ።⁷ዞቢ ጌሊ ዓኣ ዴኤሊፓ ኬስካጉዲዴሮ ባይዛይ ዔቃንዳኔ፤ዒዚ ዬይ፥ ዪሁዳ ባይዛኒ ሙካንዳኔ፤ዪሁዳ ካታማ ዶዒ ባይቃንዳኔ፤ዒኢካ ናንጋንዳ ዓሲያ ጴዻዓኬ።⁸ናንጊና ናንጋ ጎዳኮ ዼኤፖ ዻጋ ዪሁዳፓ ሺኢኪባኣሢሮሲዬ ፓቲሌ ማይንቲ፥ ቃዪ ዬኤኩዋቴ።

⁹ናንጊና ናንጋ ጎዳ ሂዚ ጋዓኔ፦ «ዬኖና ካኣቲንታ ዶንዞንታይዳ ዒጊቹሞ ጌላንዳኔ፤ ቄኤሳ ዒጊጪ ጎጋይቃንዳኔ፤ ታ ማሊፆ ኬኤዛ ዓሳኣ ዲቃታንዳኔ።»¹⁰ታኣኒ ዒማና፦ «ናንጊና ናንጋ ጎዳ ማዔ ፆኦዛሢዮ! ዬይ ዬሩሳላሜ ዴሮ ጌሺሢ ማዓዓዳ? ‹ዒንሢም ኮሺ ማዓንዳኔ› ኔ ጌዔያንቴ፤ ሃሢ ጊንሣ ‹ጬንቻ ዓፓሮ ሆላ ዔያቶኮ ጌሢንቴኔ› ታ ጌዔም ጊኢጋንዳ?» ጌዔኔ።¹¹ዒማና ሃያ፥ ዒስራዔኤሌ ዴሮም ሂዚ ጌይ ኬኤዚንታንዳኔ፦ «ታኣኮ ዴሮይዳ ሙሙዓ ዖይዺ ዢባሬ ዓሲ ናንጉዋ ዳውሎ ዹካፓ ዢባርሻንዳኔ፤ ዬይ ፒዺሲ፥ ጊንሣ ሃሣ ሶኦሪ ጌጌኤሻ ዢባሬቱዋሴ።¹²ናንጊና ናንጋ ጎዳ ዓይሤም ሙካ ዢባሬታሢሮ ቢያ ዢባሬፓ ዶዳያ ማዓንዳኔ፤ ዬያ ዔያቶይዳ ጌስቲ ዎጌሢ ታ ቶኦኪና ታና፥ ናንጊና ናንጋ ጎዳኬ።»

ዪሁዳኮ ሞርኮና ማንጊንቲፆ

¹³«ሃይሾ ሞርኮኮ ዖሎ ዓሳ ሻኣሬጉዲ ሙካኔ፤ ዔያቶኮ ዖሎ ሳርጌሎ ዖይታ ዓልጎጉዲ ሩኡራያኬ፤ ዔያቶኮ ፓራሢያ ኮኦኬፓ ባሼ ባራናያኬ፤ ኑና ባዴዔ! ኑ ኩዴኔ!»¹⁴ዬሩሳላሜ! ዻቂንታ ኔ ኮዔቴ ፑርቱሞ ቢያ ኔኤኮ ዒናፓ ማስኪ ባይዜ፤ ሂንዳ ኮሺ ዋይዜ ጎሜ ማሊሢ ኔ ዒናፓ ባይቁዋዖ ዴዓሢ ዎማ ሄላንዳኣናዳይ?¹⁵ዳኣኔ ዓጮና ዔፕሬኤሜ ጌሜሮናፓ ፑርታ ባኣዚ ኬኤዛኒ ዒላታ ዒላቲ ዑኡሲ ዋይዚንታኔ፤¹⁶ዪሁዳ ካታሞ ጌሊ ዓርቃኒ ኮዓ ሞርካ ዖልዚ ቡላኒ ኬኤዚ ኬኤዚ ሃኬ ዓጪፓ ሙኪዳ ዓኣሢ ዴሮም ዔርዙዋቴ! ዬሩሳላሜ ዴሮማኣ ኬኤዙዋቴ!¹⁷ዴራ ናንጊና ናንጋ ጎዳም ዋይዞ ዒፄሢሮ ጎሺዳ ሌዖ ሃኣኮ ካፓ ዓሲ ጎይሢ ዬሩሳላሜ ሞርካ ማንጋንዳኔ፤ ዬያ ጌዔሢ ታና፥ ናንጊና ናንጋ ጎዳኬ።¹⁸ዪሁዳ! ዬይ ቢያ ኔና ሄሌሢ ኔ ሃንታ ሃንቲፆና ኔኤኮ ፑርቶ ማዾ ዛሎናኬ፤ ዬይ ቢያ ጫንጮ ሜታሢ ኔጊዳ ሙኬሢ ኔ ጎሞ ዛሎና ማዔሢሮ ኔ ዑፆ ጌሊ ዒኖ ኔኤኮ ኪፃሴኔ።

ዔርሚያሴ ዴሮ ዛሎ ዖዬሢ

¹⁹ሃያጉዴ ባኣዚ! ታ ዎዎይታንዳይ!ሃያ ቢያ ሜቶ ታ ዎዲ ጊቢ ዳንዳዓንዳይ!ቻዓ ታ ሳዜሌ! ታኣኮ ሳዛ ዎዚ ሩኡሪ ዹዓይ?ዛዬ ዑኡሲና ዖልዚ ዑኡሲና ታ ዋይዚ ዋይዚዚቲ ጌይ ጊባኒ ታ ዳንዳዑዋሴ።²⁰ባይዛ ዶርዓ ቃሲንቲ ቃሲንቲ ጊዳ ኬዳኔ፤ሳዔላ ቢያ ባይቂ ዓሲ ናንጉዋ ካይዚ ማዔኔ፤ኑኡኮ ዓፒሎና ማዦና ማኣራ ዶዒ ባይቂ ጋፔኔ፤ጎኦቦ ዓፒላኣ ዓኣፒ ጊኢጳማጉዴያና ዳርዒ ባይቄኔ።²¹ዖልዚ ባንዲራ ዡጊንታሢዖልዚ ዛዬ ዑኡሲያ ዋይዚንታሢዓይዲ ሄላንዳኣና ታ ዋይዚ ዋይዚ ናንጋንዳይ?²²ናንጊና ናንጋ ጎዳ ሂዚ ጋዓኔ፦«ታኣኮ ዴራ ታና ዔሩዋያ፥ ዔኤያ ማዔኔ፤ጶቂሢ ዔራ ባኣዚ ባኣሢሮ ናይጉዲ ጌሺንታያ ዔያታ ማዔኔ፤ፑርታ ባኣዚ ማዻኒ ዓሲ ዔሩዋ ጎይሢ ጪንጮኬ፤ኮሺ ባኣዚ ማዻኒ ጋዓንቴ ፔቴታዖ ዔያታ ዳንዳዑዋሴ።»

ሙካንዳ ባይሲንቶ ዔርሚያሴም ፆኦሲ ፔጋሲ ዻዌሢ

²³ሳዖ ታኣኒ ዛጌኔ፤ጋዓንቴ ሃይማኬ ጌይ ዔርታ ባኣዚ ባኣያሃሣ ፔቴታዖ ዔኤቢባኣያ ጉሪ ማዒ ዓኣኔ፤ጫሪንጮዋ ታኣኒ ዛጌኔ፤ዒኢካ ፖዒ ጋዓ ባኣዚያ ጴዹዋሴ።²⁴ዹኮ ታኣኒ ዛጌኔ፤ዔያታ ጎጋይቂሢዳኬ፤ጌሜሮዋ ታ ዛጌኔ፤ካራ ባይዚ ሴካ ሃንጋ ጌይሢዳኬ።²⁵ዓሲ ጋዓ ባኣዚ ባኣሢያ ታ ዴንቄኔ፤ካፓ ዒኢካፓ ቢያ ባራኒ ዴንዲ ባይቄኔ።²⁶ዓኣዔ ሳዓ ዳውሌ ቦኦሊ ማዒ ላኣሚንቴኔ፤ናንጊና ናንጋ ጎዳኮ ዼኤፖ ዻጋፓ ዔቄያናካታማ ቢያ ዶዒ ባይቄኔ።²⁷ሳዔላ ዓሲ ናንጉዋ ዳውሌ ቦኦሊ ማዓንዳሢ፤ ጋዓንቴ ጋፒሲ ዒ ባይዚንዱዋኣሢ ናንጊና ናንጋ ጎዳ ኬኤዜኔ።²⁸ሳዓ ዬዬኤካኔ፤ጫሪንጫኣ ዹሚና ዓኣቺንታንዳኔ፤ዬያ ናንጊና ናንጋ ጎዳ ጌዔኔ፤ዒ ጌዔ ባካ ሺራያቱዋሴ፤ዒዚ ጋፒ ጌስቲ ቱኬኔ፤ጊንሢም ዒ ማዓያቱዋሴ።²⁹ፓራሢና ዖላ ዓሶንታ ሂኢዦና ዱካ ዓሶንታኮ ካኣኖ ዋይዛዖካታማ ናንጋ ዓሳ ቢያ ጳሽኪ ፑናንዳኔ፤ፔቴ ፔቴ ዓሳ ካይዚ ጳሽካንዳኔ፤ዛላ ጊንሣ ዼኤፖ ላሎ ሹጮ ጊዓንዳኔ፤ፔቴ ፔቴ ካታማ ዓሲ ናንጉዋ ባዔ ቤሲ ማዓንዳኔ፤ዒኢካ ናንጋንዳ ዓሲ ጴዺንዱዋሴ።³⁰ባይቃኒ ጊኢጌዜ፥ ዬሩሳላሜ! ኔና ባዴዔ!ኔኤኒ ዞቄ ማኣዓሢ ማይንቴሢ ዓይጎሮዳይ?ኔኤኒ ፓልሚንቲ ዓኣፖዋ ቲሽኪ ሚዛጲሴሢ ዓይጎሮዳይ?ኔኤና ኮኦማ፥ ኔኤኮ ላጋ ኔና ዒፂ ዎዻኒ ኮዓኔ።³¹ሾይቺ ዓርቄ ላኣሊ ዒላታ ዑኡሲጉዴያ ታ ዋይዜኔ፤ሾይ ቤቂባኣዖ ቤርቲ ናይ ሾዓ ላኣሊዒላታ ዑኡሲጉዴያ ዒላቲ ታ ዋይዜኔ፤ዬይ ዑኡዛ ዒስራዔኤሌኮ ዑኡዛ ቲቂንቴምፔኤኮ ኩጮ ሌካ ዔቂሲ «ባዴዔ ታና! ታ ጋፔኔ!ሃይሾ ታና ዔያታ ዎዻኒ ሙኬኔ!» ጌይ ጌይ ዒላታ ዑኡዞኬ።

ዔርሚያሴ ማፃኣፖ 4 / mdy_twf

ዒስራዔኤሌ ዓሳ ፆኦሲ ባንሢ ማዓንዳጉዲ ዔኤሎና ዔኤሊሢ

ዪሁዳ ካታሞ ጌሊ ዓርቃኒ ሞርኮኮ ዚርቂፆ

ዪሁዳኮ ሞርኮና ማንጊንቲፆ

ዔርሚያሴ ዴሮ ዛሎ ዖዬሢ

ሙካንዳ ባይሲንቶ ዔርሚያሴም ፆኦሲ ፔጋሲ ዻዌሢ

ዔርሚያሴ ማፃኣፖ4mdy_twf