IEREMIA31meu_png

1Iehova na e tomu: Una negana ai, lau na Israel iduhudia iboudiai edia Dirava ai bainala, bona idia na lauegu bese taudia ai baela.2Iehova ini e gwau tomamu:Dare amo vada e roho mauri taudia eseharihari-bada na e davaria, tano ḡaḡaena ai.Israel ese laḡa-ani e tahua negana ai,3Iehova na dauha amo ienai e hedinarai.Mia-hanaihanai urahenina amo vada na ura henimu;uda dainai egu heabidadama na emu ai vada e hahesiriua.4Baina haginimu lou, bena vada ba gini,Israel, hane-ulato rami-hebouna, e!Tareko ba heralai lou, ba raka lasi;e moale heboumu taudia edia mavaru lalonai ba vareai.5Vine imeadia ma ba hado lou,Samaria ororodia ai;biru taudia na bae hadohado,bena uma anidia bae ani.6Badina be dinana baine kau, gima taudia na bae boiboi,Efraim ororodia ai, baeto“A tore isi, Siona ai baita dara dae,Iehova, eda Dirava, dekenai”.7Badina be Iehova na ini e gwau tomamu:Ane avabi mai moalemui ida, Iakob dainai;ba lolo, bese loḡora ikwaradia tauna enai;ba haroro, ba heimodai, baoto“Iehova ese ena bese taudia Israel kwabukwabudia vada e hamauridia”.8A itaia, mirigini kahana amo baina mailaidia,tanobada kaha-daudaudia amo baina haboudia;bogaragidiai na mata-kepulu bona ae-hedairike taudia,e rogorogomu hahinena bona e hekamonaimu hahinena danu e raka heboumu;orea badana bae lou mai iniseni ai.9Mai taiadia ida baema,bena mai egu tauhalo ida baina hakaudia lou mai;sinavai-sinavai badibadidiai baina harakadia,dala maoromaorona ai, bena basie hetutuhi;badina be lau na Israel tamana,bona Efrai na natugu roboana.
10Bese idau-idau e, Iehova ena hereva ba kamonai;dauhai, kone tanodia ai, ba gwauraia hedinarai, baoto“Israel taudia e hakarohodia Diravana esema baine gogodia,bona mamoe ireḡudia tauna ese ena mamoe e regudiamu na heto,ia ese baine regudia”.11Badina be Iehova ese Iakob vada e davalaia,bona ena goada e hereaia taudia imadia amo vada e hamauria.12Idia na baema, Siona dorina ai ane bae abi badabada,bona vairadia bae diari-diari, Iehova ena hahenamo dainai,bona aniani, vine ranuna, dehoro daidiai,bona mamoe natudia bona boromakau natudia daidiai;edia mauri na e haparipariamu umana na heto,bona taudia basie manori lou.13Bena ulato na mavaru ai bae moale,bona uhau bona iahu bae hisi dae.Lau ese edia taitai na moale ai baina halaoa;taudia baina halodia, bona moale baina henidia,lalo-hisihisi gabuna ibolona.14Hahelaḡa taudia lalodia na ḡau namodia amo baina ubudia badabada,bona egu bese taudia bogadia na egu hahenamo ai bae kunu.Iehova na e herevamu.15Iehova ini e gwau tomamu:Gado ta Rama ai e hekamonaimu,rohe-ahu bona tai ḡadegade bada.Rahela be natuna taidia e taimu,natuna daidiai tauhalo se uramu,badina be idia na lasihidia.16Iehova ini e gwau tomamu:Ba haheauka, basio tai,bona iruru-matamu basie diho;badina be emu ḡaukara ahuna bavabia (Iehova na e herevamu),bona idia na inai taudia edia tano amo bae lou mai.17Nega vairai emu helaro ḡaudia bavabi (Iehova na e herevamu),bona natumu na bae lou mai, edia tano korikori ai.18Efraim ena ḡanaḡana vada na kamonai, eto“Matagu o hakania, bena matagu e kani,boromakau natuna, do asie hamanadaia ḡauna, na heto;ba hakaugu lou, baina namo lou helaoreana,badina be oi na Iehova, egu Dirava;19badina be na raka oho murinai na helalo kerehai,e hadibadibagu murinai mamugu na pataia;na hemarai, na baia,badina be eregabegu hemaraina na huaia”.20Efraim be na lalokau heniamu merona ani?Ia na natugu lalokau ani?Badina be ihadikana na gwauraiamu negadia iboudiai nadoini na laloa taomu.Taunabunai lau lalogu ese e ura henia badamu;momokani lau ese baina bogaia hisi.Iehova na e herevamu.
21Dala toadia ba hagini emui,emui dala iduanaidia audia ba kara;laolao dalana ba haeroa namonamo,o rakalaiamu dalana ba haeroa.Israel e, hane-ulato rami-hebouna e, a lou;ini emui hanua ba lou heni.22Kara hebeatai kekenimu e,ba daradara ela bona edena nega ai?Badina be Iehova ese kara matamaLana ta tanobada ai vada e havaraia:hahine ta ese tau ta e gimaiamu.23Iehova Sabaota, Israel Diravana, na ini e gwau tomamu: Ma nega ta ini hereva na Iuda tanona ai bona ena hanua lalodiai bae gwaurai lou, edia noho ma baina hanamoa lou negana ai.Kara maoromaoro e nohomu gabuna e! Ororo helaḡana e!Iehova ese baine hanamomu.24Bena Iuda bona ena hanua iboudiai na unuseni ai bae noho hebou, bona biru taudia bona edia seri ida e loaloamu taudia danu.25Badina be lalona e manokamu tauna na lalona baina hagoadaia, bona lalodia e hisihisimu taudia iboudiai na lalodia baina hagoadadia lou.26Bena na noga, na roharoha; egu mahuta mamina vada e namo egu ai.

Taravatu Matamatana

27Iehova na e tomu: A itaia, negana vada e maimu lau ese taunimanima bona ubu-ubu ḡaudia na baina havaradia, Israel iduhuna ai bona Iuda iduhuna ai.28Bena iragadia bona iḡiḡi-dobidia, ihadareredia, ihabua-taridia bona ihadikadia totona vada na itadia tao heḡereḡerena ai, lau ese ihaginidia bona ihadaidia totona vada na itadia tao. Iehova na e herevamu.29Unu dinadia ai idia na basie hereva lou, basieto“Tama ese vine huahuadia kasiridia vada e ani,bona natudia isedia e urimu”.30A ta ta na ena kara dika ena kara dika daidiai bae mase; vine huahuadia iditadia e animu taudia na sibodia isedia bae uri.31Iehova na e tomu: A itaia, negana vada e maimu lau ese taravatu matamatana na Israel iduhuna bona Iuda iduhuna enai baina kara,32dia senedia ediai na karaia taravatu na na heto, imadia na abidia Aigupto tanona amo baina hakaudia lasi totona negana ai na karaia taravatuna, bena, ena be lau na idia adavadia, to idia ese e tataia utu. (Iehova na e herevamu.)33A ina na Israel iduhuna enai baina karaia taravatuna, unu dina muridiai. Iehova na e tomu: Egu taravatu na ediai baina atoa, bona lalodia ai baina torea; bena lau na edia Dirava ai bainala, bona idia na lauegu bese taudia ai baela.34Una murinai asi tauna ta ese dekena tauna eiava tadikakana baine hadibaia, baineto “Iehova na ba dibaia”; badina be iboudiai ese bae dibagu, maragina amo ela bona badana (Iehova na e herevamu); badina be edia kara havara baina gwaua tao bona edia kara dika basina laloa tao lou.35Iehova, dina e henimu, diari ihavarana,bona hua bona hisiu edia dala korikori e henidiamu,hanuaboi diarina ai baela, Diravana naini e gwau tomamu.Ia ese davara e haginiamu ela bona hurehure na mai gurudia ida e poumu;ia ladana na Iehova Sabaota.36Iehova na e tomu:Ini edia dala korikori na vairagu amo bema heabi oho,bena Israel vevena na basie noho bese ta lau vairagu ai,ela bona hanaihanai.37Iehova ini e gwau tomamu:Guba atai ai bema hahetohoa diba,bona tano badidia henu ai bema tahudia diba,bena Israel vevena iboudiai bama negedia daure,edia kara iboudiai daidiai.Iehova na e herevamu.38Iehova na e tomu: A itaia, nega na e maimu, hanua na bae haginia lou, Iehova ena, Hananele kohorona amo ela bona Daiguni Ikoukouna.39Bena hahetoho varona na ma bae veria lao, maoromaoro bainela ela bona Gareb ororona, ma bae veria mageva ela bona Goa.40Mase tau-anidia bona kahu kourana idoinai bona rei gabudia iboudiai ela bona Kidron dokadokana, ela bona Hosi Ikoukouna daigunina, mairiveina kahana ai, idoinai baine helaḡa Iehova ena. Ia na nega ta ai basine heraga eiava basine heḡiḡi dobi ela bona hanaihanai.
expand_more
Search