Read Zelemii 3

Zelemii3bqc_sim

¹Tó gbɛ̃e gì a nai,ↄ̃ à gɛ̀ zãkɛ̀ gupãlei,a fↄ̃ ɛa nↄpi kũ lↄe?Aà kũa a bùsupi gbãlɛ dúuduuɛ.Ápiↄ sↄ̃ a gbãsĩkɛ̀ ń gↄ̃ↄ dasi,ↄ̃ a ɛa lɛ́ sua saa?Ma Dii mámɛ málɛ á la.²À wɛzu à sĩ̀sĩ wáiwaiↄ gwae,gu kpele wi á dã̀akpauo ni?Iↄ zↄ̃lɛ zɛ́ saɛ àↄ gↄ̃ↄ dã́lán Laalubue zↄ̃lɛa guwaiwaiuwa.³A yã́i tò ma gi lou maɛ́,káabuana i kɛɛ́o.Ń beeo á wɛ́ dɛ lán káalua wɛ́waɛ,wí lí á kũo.⁴A lɛzùmazi tia a mɛ̀:Wá Mae, wá ɛ̀waasogↄↄ gbɛ̃na,⁵n pↄ aↄ paawázi e bↄɛ ni?Ńyↄ̃ↄ wá kpɛ̃nɛ kũa gↄↄpii yã̀?Màa i omɛɛ,ↄ̃ iↄ yãvãikɛ á pↄeãwa.

Isailiↄ pↄ̀ↄbↄzãkɛa Diiɛ ń ń suawào

⁶Kí Yosia kpalablegↄↄ Dii òmɛɛ: N Isaili pↄ̀ↄbↄzãkɛnapiↄ yãkɛa èa? Aa gɛ̀ gbãsĩkɛ̀ sĩ̀sĩ lɛsĩ píi musu ń lí yɛ̀lɛlɛↄ píi gbáuo.⁷Málɛ e yã́ beeↄ kɛa gbɛa píi aa suaɛ, kási aai suao. Ɔ̃ an gbɛ̃́ Yuda náaisaideↄ ń yãkɛapiↄ è.⁸Ma gínzila kpà Isaili pↄ̀ↄbↄzãkɛnapiↄwa, ma ń yá gbãsĩ pↄ́ aa kɛ̀ↄ yã́i. Kási vĩa i ń gbɛ̃́ Yuda náaisaidepiↄ kũo, ↄ̃ aa gɛ̀ gbãsĩkɛ̀ sↄ̃.⁹Káaluakaa i kɛ Isailiↄnɛ yãe ũo, ↄ̃ aa ń bùsu gbãlɛ̀, aa gbãsĩkɛ̀ gbɛↄ ń líↄ yã́ musu.¹⁰Gia ń beeo píi an gbɛ̃́ Yuda náaisaidepiↄ i sua ń nↄ̀sɛmɛndooo, sema mↄafili. Ma Dii mámɛ má ò.¹¹Ɔ̃ Dii òmɛɛ: Isaili pↄ̀ↄbↄzãkɛnapiↄ yã́ maa dɛ Yuda náaisaidepiↄla.¹²Gɛ ǹ kpàwakɛ gugbãntoo oi ǹ mɛ:Ma Dii ma mɛ̀,à sua Isaili pↄ̀ↄbↄzãkɛnaↄ!Má fɛ̃́ázi lↄo, asa má gbɛ̃kɛ vĩ,ma pↄ aↄ paaázi gↄↄpiio.Ma Dii mámɛ má ò.¹³À we á tàaei lé!Asa a bↄ ma Dii á Lua kpɛɛ,a táa'ò dii zĩ̀loↄwalí yɛ̀lɛlɛↄ píi gbáu,i swã́sɛ ma yã́io.Ma Dii mámɛ má ò.¹⁴Ma Dii ma mɛ̀, gbɛ̃nazĩn pↄ̀ↄbↄzãkɛnaↄ, à sua, asa á zã́n ma ũ. Má á sɛ́ wɛ̃́lɛ ń wɛ̃́lɛo dodo, bui ń buio plapla, mí suánↄ Siↄna.¹⁵Dã̀na pↄ́ an nↄ̀sɛ muaamanↄↄ ↄ̃ má ń dilɛ aa dↄaaɛ́ ń dↄ̃ao ń laaio.¹⁶Ma Dii ma mɛ̀, gↄↄ bee tó a kↄ̃ a dasikũ̀ á bùsuu, wa ma bàakuaánↄ kpagolo yã'o lↄo, a làasoo a gɛ̃ an sↄ̃ guuo. A ni aↄ kúmáo, mɛ́ wa a pãle kɛo.¹⁷Zĩbeezĩ wa o Yelusalɛũɛ, Dii kpalabaa. Bui píi a si Yelusalɛũu ma tↄbↄa yã́i. An nↄ̀sɛvãi swã́gbãa yã́ a dↄaanɛ́ lↄo.¹⁸Gↄↄ bee Yudaↄ na Isailiↄwa, aa bↄ gugbãntoo oi bùsuu sãnu, aai su bùsu pↄ́ má kpà ń deziↄwau.¹⁹Mámɛ má ò.Má ye mà á sí ma nɛ́ↄ ũɛ,mí pↄeã bùsu kpáwá,bùsu pↄ́ a kɛfɛnkɛ dɛ buipãleↄ pↄ́a.Málɛ e áli ma sísi á Mae ũɛ,mɛ́ á we ma to weo,²⁰ãma á Isailiↄ a bↄ ma kpɛ,lán nↄɛ pↄ́ a zã́ tò à gɛ̀ gbãsĩkɛ̀wa.Ma Dii mámɛ má ò.

²¹Wii ma dↄ sĩ̀sĩ wáiwai musu,Isailiↄ lɛ́ ↄ́ↄlↄ, aalɛ awakpa,asa aa pã̀zɛaɛ,ma Dii ń Lua ma yã́ sã̀ńguɛ.²²À ɛa sua, pↄ̀ↄbↄzãkɛnaↄ,mí á gbã́gbã ń á pↄ̀ↄbↄzãkɛgyão.Wá kɛ́! Wá sumaɛ,asa ḿmɛnn Dii wá Lua.²³Sĩ̀sĩↄ ɛɛ vĩ, gbɛ̀sĩsĩↄ zↄa vĩ,Dii Isailiↄ Lua mɛ́ wá Suabana ũ.²⁴Za wá ɛ̀waasogↄↄtã́aↄ wá maeↄ zĩ ài blè,an sãↄ ń ń zuↄń ń nɛgↄ̃ɛↄ ń ń nɛnↄɛↄ.²⁵Wà naalɛ ń wío,wà tó wá gɛɛ gↄ̃ kpá wá wɛ́i,asa ń wá deziↄ wa duunakɛ̀ Dii wá Luaɛɛ,za wá ɛ̀waasogↄↄ e gbã wi aà yãmao.

Zelemii 3 / bqc_sim

Isailiↄ pↄ̀ↄbↄzãkɛa Diiɛ ń ń suawào

Zelemii3bqc_sim