ዎርዶ ናብያ ሀናና
1ሄ ላይ፥ ይሁዳ ካዎይ ሰደቅያስ ካዎቶ ዶምዳ ኦይዳን ላይን፥ እቻሻን አጌናን ጋባኦና አደይ፥ አዙራ ናአይ ናበይ ሀናን፥ ፆሳ ኬን ካህነታነ አሳ ኡባ ስንን ታኮ ሀይሳዳ ያግስ፦2“ኡባፈ ዎልቃማ ጎዳይ፥ እስራኤለ ፆሳይ፥ ‘ባብሎነ ካዋ ቃምባራ መንና።3ባብሎነ ካዎይ፥ ናቡካዳናፆር፥ ባብሎነ ኤፍዳ ፆሳ ኬ ሚሸ ኡባ ታ ናምኡ ላይ ግዶን ዛራዳ ሀ በሳ ኤሀና።4እዮአቄማ ናኣ፥ ይሁዳ ካዋ ዮአክና፥ ይሁዳፐ ድኤትድ ባብሎነ ብዳ አሳ ኡባ ዛራዳ ሀ በሳ ኤሀና። ታኒ ባብሎነ ካዋ ቃምባራ መንና’ ” ያጌስ ጎዳይ።5ፆሳ ኬ ግዶን ኤቅዳ ካህነታነ አሳ ኡባ ስንን ናበይ ኤርምያስ፥ ናብያ ሀናናኮ ሀይሳዳ ያግስ።6“አምንእ! ጎዳይ ነ ግዳይሳዳ ኦ። ፆሳ ኬ ሚሸታነ ድኤትድ ብዳ አሳ ኡባ ባብሎነፐ ዛሪድ፥ ነ ኦድያ ቃላ ጎዳይ ፖሎ!7ግዶሽን፥ ታ ነዉነ ነ አሳስ ኦደይሳ ስአ።8ኔፐነ ታፐ ካሰ ደእዳ ናበት፥ ኦላባ፥ ዮባነ ጋዶባ ግታ ካዎተታ ቦላ ትንብተ ኦድዶሶና።9ሽን፥ ሳሮባ ኦድያ ናበይ፥ ቱማ ፆሲ ኪትዳ ናበ ግደይስ ኤረተይ፥ እ ኦድያ ትንብተይ ፖለትያ ዎደና” ያግስ።10ሄሳፈ ጉየ፥ ናበይ ሀናን፥ ናብያ ኤርምያሳ ጋናፈ ቃምባራ ኤክድ መንስ።11ሀናን አሳ ኡባ ስንን፥ “ታኒ ናምኡ ላይ ግዶን ባብሎነ ካዋ ናቡካዳናፆራ ቃምባራ ካዎተታ ኡባ ጋናፈ ደንዳ ሀይሳዳ መንና” ያጌስ ጎዳይ። ሄሳፈ ጉየ፥ ኤርምያስ ደንድድ፥ ባ ኦግያ ብስ።12ናበይ ሀናን፥ ናብያ ኤርምያሳ ጋናፈ መንዳ ጉ ዎደፐ ጉየ፥ ጎዳ ቃላይ ናብያ ኤርምያሳኮ ሀይሳዳ ያግሸ ይስ።13ባዳ ሀናናስ ኦዳ፤ “ኔኒ ም ቃምባራ መንዳሳ፤ ሽን ኔኒ እያ ግሾ ብራታ ቃምባራ መና።14ባብሎነ ካዋ ናቡካዳናፆራስ ሃረታና መላ ታኒ ሀ ካዎተታ ኡባ ጋናን ብራታ ቃምባራ ዎና፤ ኤንትካ እያዉ ሃረታና። ታኒ ሀር አቶሽን፥ ባዞ ዶአትካ እያዉ ሃረታና መላ ኦና” ያጌስ ኡባፈ ዎልቃማ ጎዳይ፥ እስራኤለ ፆሳይ።15ሄሳፈ ጉየ፥ ናበይ ኤርምያስ፥ ናብያ ሀናናኮ ሀይሳዳ ያግስ፦ “ሀናንያ፥ ስአ! ጎዳይ ነና ኪትቤና፤ ሽን ኔኒ ሀ አሳይ ዎርዶባን አማነታና መላ ኦዳሳ።16ሄሳ ግሾ፥ ጎዳይ፥ ‘ታ ነና ሳአ ቦላፈ ድጋና። ኔኒ ሀ አሳይ ታ ቦላ ማካላና መላ ኦዳ ግሾ ነ ሀ ላይ ሀይቃና’ ” ያግስ።17ሄ ላይ ላፑን አጌናን ናበይ ሀናን ሀይቅስ።