Yelemya22mkw_wbt

1Yave tubaka na Yelemya: «Kwenda na yinzo ya ntinu ya Yuda mpe kuna, nge ke zabisa yandi mambu yayi.2Nge ke tuba: Kuwa mambu ya Yave, nge ntinu ya Yuda, nge yina kele ya kuvwanda na kiti ya kintinu ya Davidi, nge na bantu yina ke salaka na nge, mpe na bantu ya nge yina ke lutilaka na myelo yayi.3Yave ke na kutuba: Beno sala balufundusu ya kusungama mpe ya kudedama. Beno kuula bantu na maboko ya bayina ke na kukwamisa bawu. Beno kunyokola ve nzenza, nsaana mpe mufwidi. Beno sala mambu ya kusungama mpe ya kudedama. Beno kuula muntu ya mpasi na maboko ya muntu yina ke na kukwamisa yandi. Beno sala ve mvwanzi mpe beno kutangisa ve na kisika yayi menga ya muntu yina me sala ata dyambu.4Ya tsyelika, kana beno sadila mutindu ke na kutuba mambu ya munu, bantinu yina ke kwiza vwanda na kiti ya kintinu ya Davidi, bawu ke tatamana na kulutilaka na myelo ya yinzo yayi. Bawu ke yuluka na zulu ya bampunda na bipusu-pusu ya mvita. Bawu ke vwanda na bantu yina ke salaka na ntinu mpe na bantu ya yinsi.5Yave ke na kutuba: Kasi kana beno kuwa ve mambu ya munu, mu me kudya ndefi na Nkumbu ya munu mosi, yinzo yayi ke kuma kikunku ya matadi.»
6Yayi ni mambu yina Yave ke na kutuba na yina me tadila yinzo ya kintinu ya ntinu ya Yuda:
«Ata ti samu na munu nge kele kitoko mutindu mfinda ya Ngalaadeto mutindu nsongi ya mongo ya Libane.Mu me kudya ndefi,mu ke kitula nge mutindu yinsi ya kuyuma.Mu ke sala ti nge kuma mbanza yina kele dyaka ve na bantu.7Mu me kubika bantu yina ke kwiza mwangisa beno.Konso muntu na kati ya bawu ke vwanda na kinwanunu ya yandi.Bawu ke zenga bayinti ya nge ya kitoko ya sedele.Mpe bawu ke losa yawu na tiya.»
8«Bantu ya makanda mingi ke luta pene-pene ya mbanza yayi. Bantu ke yufula bawu na bawu mutindu yayi: “Samu na yinki Yave me sala na mbanza yayi ya nene mambu ya mutindu yayi?”9Mpe ba ke vutula: “Ya kele samu ti bawu me tumama ve na ngwisani ya Yave, Nzambi ya bawu. Bawu me fukama na mantwala ya banzambi ya nzenza, samu na kusambila yawu.”»

Na yina me tadila Salume, yina yinganaka na kisika ya Yosiya

10Beno dila ve samu na muntu yina me kufwa,beno kunyonga ve samu na yawu.Kasi beno dila, beno dila muntu yina me kwenda,samu ti yandi ke vutuka dyaka veyandi ke tala dyaka ve ntoto, kisika yina ba butaka yandi.
11Beno kuwa mambu yina Yave ke na kutuba samu na Salume, mwana a Yosiya, ntinu ya Yuda. Salume yina yinganaka na kisika ya Yosiya, tata ya yandi. Yandi me bika kisika yayi: «Yandi ke vutuka dyaka ve.12Kasi yandi ke kufwa na kisika yina ba me nata yandi na ngolo mpe yandi ke tala dyaka ve yinsi yayi.»

Nsembolo samu Yoyakime

13Kyadi mingi na muntu yina me tunga yinzo ya yandi kondwa kusadila ludedomo,yandi me bongisa bivinga ya yandi ya yinzo ya kibandu, kondwa kusadila mambu ya kusungama.Kyadi samu na yandi, samu ti yandi me sadisa mpangi muntuata kufuta yandi,yandi me pesa yandi ata kima ve.14Mpe yandi ke na kutuba:«Mu ke tunga yinzo ya munu ya nenena bivinga ya yawu ya nene na kibandu.Yawu ke vwanda na banela,mu ke bongisa bibaka ya yinzo na mabaya ya sedele,mu ke pakula yawu tinta ya mbwaki.»15Nge kele ntinu samu ti nge ke zolaka yinti ya sedele?Tata ya nge, yandi vwandaka kudya ve mpe kunwa ve?Kasi yandi vwandaka sadila ludedomo mpe kusungama.Mpe mambu nyonso vwandaka tambula mbote samu na yandi.16Yandi vwandaka sala lufundusu ya mbotesamu na mputu mpe samu na muntu ya mpasi,mpe nyonso vwandaka tambula mbote samu na yandi.Ni yawu ve zola kutuba kuzaba munu?Ni munu Yave me tuba yawu.17Kasi nge, meso mpe ntima ya ngeke na kuzola kaka ndandu ya nge mosi,nge ke na kutangisa menga ya bantu yina me sala ata dyambu ve,nge ke na kukwamisa mpe kunyokola bawu na ngolo.
18Ni yawu yina Yave ke na kutuba mutindu yayi samu na Yoyakime, mwana ya Yosiya, ntinu ya Yuda:
«Ba ke dila yandi ve.Kyadi mingi mpangi ya munu,kyadi mingi kibusi ya munu,ba ke dila yandi ve,“kyadi mingi o mfumu ya munu”“kyadi mingi o ntinu ya munu!”19Ba ke kunda yandi mutindu mbuluku,ba ke benda mvumbi ya yandi na ngaanda,ba ke basisa yawu na myelo ya Yelusalemi.»

Nsoni samu na Yelusalemi

20Yuluka na mongo ya Libane mpe looka,wakisa ndinga ya nge na zulu ya Basane,looka kuna na zulu ya Abalime,samu ti bayina ke zolaka nge,bawu kele dyaka ve.21Mu zonzilaka ngentangu yina nge vwandaka ve na manyongo,nge vwandaka tuba ti mu ke kuwa ve,nge kele mutindu yina kubanda buntwenya ya nge.Nge me wila munu ve.22Mupepe ke nata bantwadisi ya nge.Bayina ke zolaka nge,ba ke nata bawu na ngolo na yinsi ya nzenza.Na yina nge ke fuluka na nsoni,nge ke zaba ve yinki ya kusala,samu na yimbi yina nge me sala.23Nge yina ke zingaka na kuna na Libane,nge me tula dizanza ya nge na zulu ya yinti ya sedele.Nge ke yawula na ntangu mpasi ke kumina nge,nge ke tala mpasi mutindu mpasi yinakento ke talaka na ntangu yandi ke vwandaka na misongo.

Konya mwana ya Yoyakime

24Yave ke na kutuba: «Na Nkumbu ya munu, Nzambi ya moyo, ata ti Konya, mwana ya Yoyakime, ntinu ya Yuda, vwandaka mutindu kinyemo ya mfunu na diboko ya munu ya lubakala, mu ke katula yandi.25Ya tsyelika, mu ke yekula nge na maboko ya bantu yina ke na sosa kufwa nge, bantu yina nge ke na kutekita na mantwala ya bawu. Mu ke yekula nge na maboko ya Nebukadenesale, ntinu ya Babilone, mpe na ba-Kalede.26Mu ke bingisa nge na mama ya nge yina butaka nge. Mu ke fidisa beno na yinsi yina kele ve ya beno, mpe beno ke kufwa kuna.27Bawu ke vutuka dyaka ve na yinsi yina bawu me zola mingi. Bawu ke vutuka dyaka kuna ve.»
28«Yandi Konya, yandi kele kiteko ya kupasuka yina ke dyaka na ndandu ve? Samu na yinki ba me losa yandi na bana ya yandi na yinsi yina bawu me zaba ve?»
29Oo yinsi, yinsi, yinsi kuwa mambu yina Yave ke na kutuba!30Yave ke na kutuba: «Beno sonika nkumbu ya muntu yayi na lutangu ya bayina kele ve na mwana, yandi kele muntu yina ke lenda kusala ata kima na luzingu ya yandi, ata mosi ve na kati ya bandandu ya nge ke kwiza vwanda na kiti ya kintinu ya Davidi samu na kuyala yinsi ya Yuda.»
expand_more
Search