عَننَبِ يٍرٍ مِ21sus_apb

دَرِ سَلَمُ شَ فبَلٌي مَسٍنيِ

1عَلَتَلَ نَشَ يِ مَسٍنيِ تِ عَننَبِ يٍرٍ مِ بّ، مَنفّ سٍدٍكِيَ تٌ مَلَكِيَ شَ دِ ثَسُرَ نُن مَاسٍيَ شَ دِ سٍقَنِيَ سّرّشّدُبّ شّي عَ يِرٍ. عٍ نَشَ عَ قَلَ عَ بّ،2«عِ شَ عَلَتَلَ مَشَندِ مُشُ بّ بَرِ مَ بَبِلْن مَنفّ نٍبُكَدَنسَرِ نَ وٌن فٍرٍقٍ. تّمُندٍ عَلَتَلَ نْمَ كَابَنَكٌ ندٍ رَبَدٍ وٌن بّ عَلَكٌ نٍبُكَدَنسَرِ شَ مَكُيَ وٌن نَ.»3عَننَبِ يٍرٍ مِ نَشَ عٍ يَابِ، «وٌ شَ عَ قَلَ سٍدٍكِيَ بّ،4عِسِرَيِلَ مَرِفِ عَلَتَلَ بَرَ عَ مَسٍن، ‹وٌ بَبِلْن مَنفّ نُن عَ شَ سْورِيٍ فٍرٍ فٍرٍ سٌسٍ نَشَن نَ، ﭑ عَ نِيَمَ نّ عٍ شَ قِندِ وٌ شُن نَكَنَمَ رَ. نَشٍيٍ نَ وٌ فٍرٍقٍ تَا قَرِ مَ، عٍ قَمَ نّ سٌدٍ تَا كُي.5ﭑ تَن يَتِ فٍرٍ تِمَ نّ وٌ بّ سّنبّ رَ، بَرِ مَ ﭑ شْنْشِ وٌ مَ عَ حَاشِ رَ. ﭑ بْحّ بَرَ تٍ.6ﭑ قَمَ نّ يِ تَاكَيٍ بْنبْدٍ، شّمّيٍ نُن شُرُ سٍيٍ، عَلَكٌ عٍ شَ قَشَ قُرٍ حَاشِ مَ.7نَ دَنفِ شَنبِ، يُدَيَ مَنفّ سٍدٍكِيَ، عَ شَ مِشِيٍ، نُن حَمَ نَشَن مُ قَمَ قَشَدٍ قُرٍ، سَنتِدّفّمَ، نُن كَامّ رَ يِ تَا كُي، ﭑ قَمَ نّ عٍ سٌدٍ عٍ يَشُي بَبِلْن مَنفّ نٍبُكَدَنسَرِ يِ رَ، نَشَن وَ مَ عٍ نِي بَقٍ. عَ قَمَ نّ عٍ بْنبْدٍ سَنتِدّفّمَ رَ، عَ مُ كِنِكِنِمَ عٍ مَ قٍقٍ مَ. عَلَتَلَ شَ مَسٍنيِ نَن نَ كِ.›»8«عِ شَ عَ قَلَ حَمَ بّ، عَلَتَلَ بَرَ عَ مَسٍن، ‹ﭑ وٌ تِمَ نّ كِرَ قِرِن شْن مَ. كٍرٍن قِندِ كِسِ كِرَ رَ، بٌورٍ قِندِ قَشّ كِرَ رَ.9نَشَن لُمَ يِ تَا كُي، عَ قَمَ نّ قَشَدٍ سَنتِدّفّمَ، كَامّ، نُن قُرٍ رَ، كْنْ نَشَن عَ يّتّ قِمَ بَبِلْنكَيٍ مَ نَشٍيٍ بَرَ وٌ شَ تَا رَبِلِن، نَ كَنيِ كِسِمَ نّ.10ﭑ بَرَ نَتّ تٌنفٌ ﭑ شَ قٍ حَاشِ رَبَ يِ تَا رَ. ﭑ مُ هِننّمَ عَ رَ. ﭑ عَ سٌمَ نّ بَبِلْن مَنفّ يِ رَ، عَ قَ عَ فَن تّ رَ. عَلَتَلَ شَ مَسٍنيِ نَن نَ كِ.›»11«عِ شَ عَ قَلَ يُدَيَ مَنفّ بْنسْي بّ،وٌ وٌ تُلِ مَتِ عَلَتَلَ رَ.12دَوُدَ بْنسْي، عَلَتَلَ بَرَ عَ مَسٍن،وٌ شَ كِيتِ تِنشِنشِ سَ فّيسّفّ يٌ فّيسّفّ،وٌ شَ تْورْ مِشِ رَتَنفَ مِشِ كٌبِ مَ،عَلَكٌ ﭑ نَشَ شْنْ وٌ مَ،عَ قَ لُ عَلْ تّ نَشَن مُ شُبٍنمَ وٌ شَ كٌبِحَ شَ قٍ رَ.13ﭑ بَرَ شْنْ وٌ مَ،وٌ تَن نَشٍيٍ سَبَتِشِ يِ فُلُنبَ يِرٍ،وٌ تَن نَشٍيٍ لُشِ عَلْ فّمّيٍ قِيلِ مَ،وٌ تَن نَشٍيٍ عَ قَلَمَ،‹ندٍ نْمَ وٌن نَ؟ ندٍ نْمَ سٌدٍ وٌن شْنيِ؟›»عَلَتَلَ شَ مَسٍنيِ نَن نَ كِ.
14«ﭑ قَمَ نّ وٌ حَشَنكَتَدٍ وٌ شَ يُنُبِيٍ شَ قٍ رَ،ﭑ تّ سٌ وٌ شْنيِ رَ نَشَن وٌ بِرِن فَنمَ.»عَلَتَلَ شَ مَسٍنيِ نَن نَ كِ.
expand_more
Search