1Saraxaralina Imeri a dii xɛmɛn Pasaxuri, kuntigin naxan yi Alatala Batu Banxin xun na, na to Yeremi a nabiya falane mɛ,2a yi Nabi Yeremi bɔnbɔ, a sa a sa kutun na Alatala Batu Banxin dɛxɔn Bunyamin So Dɛɛn Faxaraxiin binni.3Koni na xɔtɔn bode, Pasaxuri to Yeremi beɲin, Yeremi yi a fala a xa, a naxa, “Alatala mi i xili saxi Pasaxuri, koni a bata i xili sa ‘Gaxun Yiren Birin Yi.’4Bayo Alatala ito nan falaxi, a naxa, ‘N gaxun nasoma nɛn ɛ nun i xɔyine birin yi. Ɛ yaxune i xɔyine faxama nɛn i yɛɛ xɔri. N Yuda kaane birin sama nɛn Babilɔn mangan sagoni, a yi e suxu a siga e ra konyiyani Babilɔn taani, hanma a e faxa silanfanna ra.5N taani ito nafunle birin sama nɛn ɛ yaxune sagoni, e wali xɔnne nun e se faɲine, e nun Yuda mangane nafunle birin. E yi e tongo yɛngɛni, e siga e ra Babilɔn taani.6I tan Pasaxuri e nun muxun naxanye birin i ya banxini, ɛ sigama nɛn konyiyani Babilɔn taani, i sa faxa na, i maluxun na, e nun i wule nabiya falane ti i xɔyin naxanye birin xa.’ ”
Nabina mawugana
7Alatala i bata n mayenden,n lu mayendenni.I bata n suxu sɛnbɛni,i yi n nɔ feu!Muxune yoma n ma waxatin birin,e birin n magelema.8Bayo n nɛma falan tiyɛ yɛyɛ,fɔ n gbelegbele,n yi gbalon nun halagina fe fala!Nayi, e n konbima,e n magele waxatin birin Alatalaa falana fe ra.9Koni xa n na a fala nun, n naxa,“N mi fa n mirima Alaa fe ma,n mi fa falan tima a xinli sɔnɔn,”a falan luma nɛn n yi nayialo tɛɛn nan n bɔɲɛn ganma,alo n tɛɛn nan namaraxi n xɔnne yi,n xadan a yisuxɛ, n mi nɔ.10Bayo n muxu wuyaxi xuiin mɛma n mafalɛ.E n xili bama“Gaxuna yiren birin yi.”E naxa, “Ɛ a tɔɲɛgɛ!En na a tɔɲɛgɛ.”N xɔyine n matoma,xa n tantanɲɛ, e naxa,“Waxatina nde,a mayendenma nɛn.Nayi, en yi a nɔ,en yi en gbeen ɲɔxɔ a ma.”11Koni Alatala bata lu n xɔnalo sofa sɛnbɛmana.Nanara, n ɲaxankata muxune tantanma nɛn,e mi n nɔɛ sese ma.E fulama n na nɛn,na yi e yagi han!A findi marafɛyaan na e xa han habadan,ɲinan mi tiyɛ naxan xɔn.12Alatala Sɛnbɛn Birin Kanna i tan nan tinxin muxun kɛɲaan fɛsɛfɛsɛma,i muxun bɔɲɛn nun a sɔndɔmɛn toma.Tin, n xa i to i gbeen ɲɔxɛ e mabayo n bata n xun mayɛngɛ feen lu i tan ma.13Ɛ bɛtin ba Alatala xa,ɛ Alatala tantun.Bayo a tɔrɔ muxune xunbama nɛn muxu ɲaxine yii.14Dangana n bari lɔxɔn xa.Nga n xalixi lɔxɔn naxan yi,na mi findixi duba lɔxɔ ra.15Dangan na kanna xanaxan sa xibaru faɲina fe rali n fafe ma fa faladii xɛmɛn bata bari a xa,a yi sɛwa na ma.16Na kanna xa lu alo taaneAlatala naxanye kalaxi kininkinintareyani.A xa gbelegbele xuiin mɛ xɔtɔnni,a yi yɛngɛ so sɔnxɔ xuiin mɛ yanyin na.17A yi lan nuna xa n faxa nga kui,alogo nga kuiin xa findi n gaburun nan yi lu na yi habadan.18Nanfera n minixi nga kuinin yi tɔrɔn nun xɔlɛn kolonn yi n ma siimayaan birin naba yagini?