Read ዔርሚያሴ ማፃኣፖ 20

ዔርሚያሴ ማፃኣፖ20mdy_twf

ዔርሚያሴ ፓሽሁሬ ጌይንታ ቄኤሴስኬያና ማርሜ ማርሞ

¹ጌኤዦ ማኣሮኮ ሱኡጌ ማዒ ዎይሣ፥ ዒሜሬ ናኣዚ፥ ፓሽሁሬ ጌይንታ ቄኤሴስኬይ ዬያ ዋይዛዖ፥²ታና ዓርቂ ዓሳ ጳርቃንዳጉዲ ዓይሤኔ፤ ጌኤዦ ማኣሮኮ ኬዶ ዛሎና ዓኣ፥ ቢኢኒያሜ ማርሾ ካሮይዳ ቶኮ ታኣኮ ዱፄና ቱኪሴኔ።³ዚሮ ጉቴሎ ዬያይዲ ታና ዒ ቱኪሴ ዱፃሢዳፓ ቡላዛ ታኣኒ ዒዛም፦ «ሃይካፓ ሴካ ናንጊና ናንጋ ጎዳ ኔኤኮ ሱንፆ ፓሽሁሬ ጌይ ዔኤላዓኬ፤ ኔኤም ናንጊና ናንጋ ጎዳ ጌሤ ሱንፃ ‹ቢያ ቤስካ ሜቶ ማዣ ሂርጊሻ› ጋዓያኬ።⁴ናንጊና ናንጋ ጎዳ ፔ ቶኦኪና ሂዚ ጌዔኔ፦ ‹ኔናንታ ኔ ላጎንታም ሂርጊሻ ሜቶ ማዣ ዓሲ ታ ኔና ማሃኒኬ፤ ዔያታ ቢያ ፔኤኮ ሞርኮኮ ዓራፖና ሃይቃንቴ ኔ ዛጋንዳኔ፤ ዪሁዳ ዴሮ ቢያ ባብሎኔ ካኣቲ ዴማ ታ ዎይሣንዳኔ፤ ዒዚ ዛሎ ዔያቶኮ ቱኡሲ ዓሲ ማሂ ዲዒ ዔኪ ባብሎኔ ዓኣዻንዳኔ፤ ዛሎ ዒዚ ሃይካ ዎዎዻንዳኔ።⁵ዬያጉዲ ዔያቶኮ ሞርካ ሃኖ ካታሞ ቆሎ ቢያ ቡራንዳጉዲ፥ ዒዛ ቆሊ ዴንቄ ባኮዋ ጋኣዚ ዔኪ፤ ዪሁዳ ካኣቶኮ ዱማ ቆልዓይዳ ቡኩሲ ጌሦና ኮዦ ባኮዋ ዓይሱዋዖ ፒፂ ዔኪ ባብሎኔ ዴንዳንዳጉዲ ታ ማሃንዳኔ።⁶ፓሽሁሬ! ኔናንታ ኔ ማኣሮ ዓሶንታ ቢያ ዲዒንቲ ባብሎኔ ዴንዳንዳኔ፤ ሉኡዙሞና ኔ ዔያቶም ዦኦቄ ዓሶንታ ዎላ ቢያ ዒኢካ ኔ ሃይቂ ዱኡታንዳኔ›» ጌዔኔ።

ዔርሚያሴ ናንጊና ናንጋ ጎዳና ሞኦቴ ሞኦቶ

⁷ናንጊና ናንጋ ጎዳሢዮ! ኔ ታና ጌሼኔ፤ታኣኒያ ጌሺንቴኔ፤ኔኤኒ ታጊዳፓ ዶዳያ ማዔኔ፤ዎልቃ ኔኤኮ ታጊዳፓ ዑሣ ዓኣዼ ማይ ባሼኔ፤ዓሲ ቢያ ኬሊ ታና ሚኢጪ ዓማላያ ማዔኔ።

⁸ታኣኒ ኬኤዛ ዎዶና ቢያታኣኒ ኬኤዛሢ ፑርቱሞና ባይሲንታና ዛላኬ፤ናንጊና ናንጋ ጎዳሢዮ! ኔኤኒ ታና ዓይሤ፥ ኔ ማሊፆ ታ ኬኤዚፆናታኣኒ ቢያ ዎዴ ጫሽኪንታኔ፤ ዓሲኮ ዓማሊ ታ ማዔኔ።⁹ጋዓንቴ ታኣኒ፦ «ሃካፓ ሴካ ናንጊና ናንጋ ጎዳ ማሊ ጶቂሣዓ፤ዒዛ ሱንፆና ዔኤቢ ኬኤዛዓ ጋዓኒ ማላዛ፥ዒዛይዳፓ ታኣም ዳኪንቴ ዒዛ ማሊፆ ቃኣላታኣኮ ዒኖይዳ ታሚጉዲ ዔኤታኔ፤ታኣኮ ሜጌፆ ጋራኣ ሙርቁንሢጉዲ ታና ሙዓኔ።ታ ዒና ታኣኒ ዓኣቺ ዓርቃኒ ኮዓዛዱኡኪ ታ ቃዛኒ ዳንዳዒባኣሴ።»¹⁰ሚርጌ ዓሲ ዒጊጪ ሂዚ ጌይ ካሽካሻንቴ ታ ዋይዜኔ፦«ሃሢ ዔርሚያሴ ዎጎና ዓይሢሳኒ ቃራ ካራ ጴዼኔ!»ታኣኮ ዒጊኖኬ ታኣኒ ጋዓ ዓሳታዖ ታኣኒ ዻቢንቲ ማዾ ማዻንዳጉዲ ካፒ ዓኣኔ፤«ዔርሚያሴ ኑ ጌሻኒ ዳንዳዓንዳኣ ናንዳኔ፤ ያዺ ማዔቴ ዒዛ ኑ ዓርቂ ኮሞ ኮፃንዳኔ» ጋዓኔ።¹¹ናንጊና ናንጋ ጎዳ ጋዓንቴ ዔርቴ ፖኦሊሴ ማዒ ታ ኮይላ ዓኣኔ፤ዬያሮ ታና ዳውሳ ዓሳ ሜቶይዳ ኬዲ ዎልቄ ባይቂሢና ሎኦማንዳኔ።ዔያታ ሎኦማ ዎዶና ፑርታ ዻውሲንታንዳኔ፤ዔያቶኮ ዬይ ዻውሲንታ ሚርጌ ዎዴ ባይቁዋያ ማዒ ዴዓንዳኔ።¹²ቢያ ባኮ ማዤ ጎዳሢዮ!ፂላሢ ኔኤኒ ዛጊ ጎኔ ማዔሢ ዔራኔ፤ዒኖይዳ ዓኣሺንቲ ዓኣ ማሊፆዋ ኮጲሲ ኔ ዴንቃኔ፤ታኣኒ ኔኤም ዒላቶ ሺኢሻኔ፤ዬያሮ ታኣኮ ሞርኮ ኔኤኒ ኮሚ ማዻ ባኮ ታና ዛጊሴ።¹³ናንጊና ናንጋ ጎዳም ዓይናዹዋቴ!ዒዛ ጋላቱዋቴ!ዒዚ ሜታዼ ዓሶ ፑርቶ ዓሶ ኩጫፓ ቶሊሲ ዓውሳኔ።

¹⁴ታኣኒ ሾይንቴ ኬሌላ ጋዳንቂንቴያ ማዖም!ታኣኮ ዒንዳ ታና ሾዔ ኬላ ዓንጂንቴያ ማዖፓ!¹⁵ታኣኮ ዓዶ ኮይላ፦ «ዓቲንቄ ናይ ኔኤም ሾይንቴኔ ዎዛዼ!»ጌዒ ሃይሶ ኬኤዜሢ ጋዳንቂንቴያ ማዖም!¹⁶ናንጊና ናንጋ ጎዳ ሚጪንቲሢባኣያና ዶይሲ ባይዚ ኩርሴ ካታሞጉዲ ዬይ ዓሢ ማዒ ዓቶንጎ፤ጉቶና ዒላቲ ዑኡሲ ዒ ዋይዞንጎ፤ዓባ ዹኡቃኣና ሃሣ ዖልዚ ሃይሴና ካራ ባይቂ ሜታዾንጎ።¹⁷ዬይ ታኣኮ ዱኡፒ ቤሲ ማዓንዳጉዲ ታ ዒንዶ ጎጳ ዓኣንቴ ታና ኔ ዎዎዼቴ ዓይጎ!ታ ዒንዶኮ ጎጳ ቢያ ዎዴ ያዺ ዼኤፔ ጎይሣ ዴዴዓንዳንቴኬ።¹⁸ዖዪሢና ላቢሢና ዛጋኒታኣኒ ናንጋ ዎዶ ቢያ ቦርሲንቲና ኩርሳኒታ ዒንዶ ጎጳፓ ታኣኒ ዓይጋ ሾይንቴይ?

ዔርሚያሴ ማፃኣፖ 20 / mdy_twf

ዔርሚያሴ ፓሽሁሬ ጌይንታ ቄኤሴስኬያና ማርሜ ማርሞ

ዔርሚያሴ ናንጊና ናንጋ ጎዳና ሞኦቴ ሞኦቶ

ዔርሚያሴ ማፃኣፖ20mdy_twf