1Yave zabisaka munu mambu ya yandi.2Yandi tubaka: «Kwenda zabisa na bantu ya Yelusalemi ti Yave ke na kutuba:»«Mu ke na kubambuka moyo na kukwikama yina vwandaka na ngena ntangu yina nge vwandaka ntete ndumba.Mu ke na kubambuka moyo na luzolo yina vwandaka na nge na ntangu yina beto bandaka makwela.Nge vwandaka landa munu na yinsi ya kuyuma,ntoto yina ata kima ke menaka.»3«Isayeli vwandaka mvwilu ya longo ya Yave.Isayeli vwandaka mutindu madya ya ntete ya bilanga ya yandi.Bayina nyonso vwandaka meka na kudya yawuvwandaka kuzwa mambu na munu.Mpasi vwandaka bwidila bawu.Ni Yave me tuba yawu.»4Beno kuwa mambu ya Yave,beno bantu ya Yakobi,beno makanda nyonso ya Isayeli!5Yave ke na kutuba mutindu yayi:Wapi dyambu ya yimbi yina bankooko ya beno me tala na sika ya munu?Bawu me bika munu,samu na kulanda biteki ya bawu ya mpamba-mpamba.Bawu mosi mpe me kuma bantu ya mpamba-mpamba!6Bawu tubaka ve mutindu yayi:«Wapi Yave yina basisaka beto na Ngipiti?Wapi Yave yina nataka beto na yinsi ya kuyuma?Wapi Yave yina nataka beto na kisika ya kufuluka na bantoto ya kuyuma mpe mabenga,Kisika yina me kondwa maza,kisika ya kitombe ya lufwa, kisika yina ata muntu ke lutaka vekisika yina ata muntu ke zingaka?»7Munu, mu nataka beno na yinsi yina kele na ntoto ya madyasamu ti beno kudya madya ya yawu,mpe beno kuyangalala na bimvwama ya yawu.Kasi ntangu beno kotaka kuna, beno sumunaka yinsi ya munu.Beno kitulaka ntoto ya munu ntoto ya nganzi.8Banganga-Nzambi ke na kutuba dyaka ve ti «Wapi Yave?»Milongisi ya Musiku zaba munu ve,mivungi me manga na kutumama na munu,mimbikudi ke na kubikula na nkumbu ya Baale.Bawu ke na kulandaka banzambi yina kele na ndandu ve.9Ni yawu yina, mu ke tatamana na kufundisa beno,mu ke fundisa mpe bana ya bana ya beno.Ni Yave me tuba yawu.10«Beno kwenda na bisanga ya Sipelese mpe beno tala.Beno fidisa bantu na Kedale samu na kuyufula mbote-mbote.Beno tala kana dyambu ya mutindu yayi me salamaka kuna.11Makanda ya bantu ke sobaka banzambi ya bawu?Na kutala kwandi ya kele banzambi ve!Bantu ya munu, ni munu vwandaka nkembo ya bawu.Kasi bawu me yingisa na kisika ya munu banzambi yina kele na ndandu ve!12Mazulu, beno yituka samu na dyambu yayi.Beno tekita mpe beno tala dyambu yayi ya nganzi.Ni Yave me tuba yawu.13Bantu ya munu me sala mambu zole ya yimbi:bawu me manga munu,munu yina kele yinto ya maza ya moyo.Bawu me timuna ya bawu mabulu ya nkaka ya maza,mabulu ya kutoboka yina ke bumbaka maza ve!»
Kumanga Yave kele yimbi mingi
14«Isayeli kele mundongo yina ba sumbaka to yandi kele mundongo yina butukaka na yinzo?Samu na yinki ba ke na kubotola yandi bimvwama ya yandi?15Bana ya bankosi ke na kulooka na kunwanisa yandi.Bawu ke na kuwakisa bandinga ya bawubawu ke na kusala mvwanzi na yinsi ya yandi.Bambanza ya yandi yina ba yokaka tiya ke dyaka na bantu ve.16Bantu ya mbanza Memfisempe bantu ya mbanza Tapaneseke na kukatula nge bansuki ya yintu.17Nyonso yayi me kumina nge samu na yinki? Ya kele samu ti nge bikaka Yave, Nzambi ya ngena ntangu yina yandi vwandaka twadisa nge na nzila.18Ntangu yayi, nge Isayeli,samu na yinki nge ke na kubaka nzila ya Ngipiti?Ya kele samu na kwenda kunwa maza ya Nile?Samu na yinki nge ke na kubaka nzila ya Asili?Ya kele samu na kwenda kunwa maza ya nzadi ya Efalate?19Bika ti yimbi yina nge me sala kutalisa nge mpasi.Bika ti kubika yina nge me bika Nzambi ya nge, yawu kusemba nge!Ni kuna nge ke zaba ti ya kele ndudi mpe yimbi na kubika Yave, Nzambi ya nge,mpe na kuvwanda dyaka ve na boma ya munu!Ni Yave Nzambi ya Binwani me tuba yawu.»
Isayeli, kento ya kukwikama ve
20«Katuka ntama, nge me zengaka kizitu ya nge.Nge me zenga kiwisa na munumpe nge me tuba: “Mu zola dyaka ve kuvwanda mundongo”.»Ya tsyelika, na zulu ya konso mongompe na yisi ya konso yinti yina ke na makasa ya maza ,nge ke na kulala kidi-kidimutindu kento ya kindumba.21Mu kundaka nge mutindu yinti ya vinu ya kitoko,mutindu kikunu ya mbote.Wapi mutindu na ntadisi ya mununge me kituka yinti ya vinu ya nzenza yina ke na bambuma ya yimbi?22Ata ti nge yobila na sabuni,ata ti nge yobila na basabuni ya mingi,yimbi ya nge ke vwanda kaka ya kusonama na mantwala ya munu.Ni Yave, Mfumu, me tuba yawu.23Wapi mutindu nge lenda kutuba ti «Mu me sumuka ve,mu me landa ve banzila ya Baale!»Tala ndyatulu ya nge kuna na mudimba.Ndima mambu yina nge me sala.Nge kele mutindu samo ya nkento yina ke na kwendakatambula mbangu-mbangu na balweka nyonso.24Nge kele mutindu mbuluku ya nkento ya mfinda,yina me mesanaka na kuzinga na yinsi ya kuyuma.Ntangu yandi ke kumaka na nsatu ya mbuluku ya mbakala,yandi ke landaka nsunga ya mupepe.Ata kima lenda kukabikisa yandi.Samu ti nsatu ya yandi me lutila ngolo.Bambuluku ya mbakala ke tala ve mpasi na kuzwa yandi.Bawu ke kuzwa yandi na ntangu nsatu ya yandi ke vwanda ngolo.25«Sala keba, Isayeli,samu ti nge ke kuma makulu-ngulu,laka ya nge ke yuma!»Kasi nge ke na kutuba:«Yinki ya ke sala,mu ke zolaka ya munu banzenza.Mu ke landa bawu!»26Ntangu ba ke bwilaka muyibi,yandi ke talaka nsoni.Ni mutindu mosi mpebantu ya Isayeli ke tala nsoni,bawu na bantinu ya bawu,na bamfumu ya bawu,na banganga-Nzambi ya bawuna mimbikudi ya bawu.27Bawu ke tubaka na kibuku ya yinti:«Nge kele tata ya munu!»Bawu ke tubaka na ditadi:«Ni nge butaka munu!»Bawu me tala ve na sika ya munu,bawu me teka munu manima.Kasi ntangu bampasi ke kumina bawu,bawu ke tuba: «Telama nge vuukisa beto!»28Kasi mu ke zabisa bawu mutindu yayi:«Wapi banzambi ya beno yina beno yidikaka?Bika ti ba telama na kwiza vuukisa beno na ntangu ya mpasi kana ba lenda.Aa Yuda! Mutindu bambanza ya nge kele mingi,ni mutindu mosi mpe banzambi ya nge kele mingi!»
Yave ke na kuyawula samu na bantu ya yandi yina kele ve ya kukwikama
29Beno ke na kufunda munu na wapi dyambu?Beno nyonso me balukila munu.Ni Yave me tuba yawu.30Mu me semba bana ya beno,kasi ya me vwanda kaka ya mpamba.Beno me ndima ve malongi.Mbele ya beno ya mvitame kufwa mimbikudi ya benomutindu nkosi ke salaka.31- Beno bantu ya ntangu yayi,beno tala mutindu mambu ya Yave kele! -Nani mu kele samu na Isayeliyinsi ya kuyuma to yinsi ya kitombe?Samu na yinki bantu ya munu ke na kutuba:«Beto ke kwenda kisika ni kisika yina beto zola,kasi beto zola ve kuvutuka na sika ya nge.»32«Beno me talaka ndumba me zimbana misanga ya yandi?Beno me talaka kento yina ba ke na kwelaka me zimbana dizwela ya yandi ya makwela?Kasi bantu ya munu me zimbanaka munu katuka ntama.»
*
33«Aa! Nge zaba mutindu ya kusala samu na kusosa luzolo!Nge lenda kuma tii na kusala yimbi!34Menga ya bamputu ke na kutalana na binkuti ya nge,bawu ya ngana salaka ata dyambu.Nge kutaka bawu ve na kulaba na yinzo ya nge!Kasi na zulu ya nyonso yina,35nge ke na kutuba ti: “Mu me sala ve dyambu ya yimbi.Nkele ya Nzambi ke bwidila munu ve”.Kasi mutindu nge ke na kutuba tinge me sala ve dyambu ya yimbi,munu mu ke fundisa nge.»
*
36«Samu na yinki nge ke sobaka banzila ya nge kidi-kidi?Mutindu nge me kufwa nsoni na yinsi ya Asili,ni mutindu mosi mpe nge ke kufwa nsoni na yinsi ya Ngipiti.37Nge ke basika kuna maboko na zulu ya yintu.Samu ti Yave ke zolaka vebayina nge ke na kusadila kivuvu.Na bawu, nge ke lenda ata fyoti ve.»