ዒስራዔኤሌ ዴራ ፔ ፆኦሲ ሃሼሢ
1ናንጊና ናንጋ ጎዳኮ ቃኣላ ሂዚ ጋዓያና ታኣም ኬኤዚንቴኔ፦2«ዴንዲጋፓ ዒስራዔኤሌ ዴሮም ዑኡዞ ዼጊዲ ሂዚ ጌይ ኬኤዜ፤ ‹ሃያኮ ቤርታ ዓሲ ናንጉዋ ዳውሎ ቦኦሎ፥ ዔኤቢ ባቃሉዋኣሢዳ ታ ዓሲ ማዒ ዒንሢ ሃንቴኔ፤ ዬኖ ዎዶና ፔቴ ዑኡታ ፔኤኮ ዑኡቴሎ ናሽካ ናሹሞና ጉሙርቂንታ ጉሙርቂንቲፆጉዴያና ኔ ታኣና ዎላ ናንጌሢ ታ ጶቂሣኔ።3ዒስራዔኤሌ! ኔኤኒ ሌዖ ሃኣኮኮ ቤርቶጉዲ ታኣም ዱማዺ ዓኣያኬ፤ታኣም ዱማዼያ ታ ዴኔ ኔ ማዒ ዓኣያኬ፤ዬያሮ ኔና ቆኦዻኒ ኮዓ ዓሶ ቢያሢዳሜቶና ፑርታ ዶርዖና ታ ዓጌኔ።›ዬያ ጋዓሢ ታና፥ ናንጊና ናንጋ ጎዳሢኬ።»ዒስራዔኤሌ ዴሮኮ ቤርታኣ ዓዶንሢ ማዼ ጎሞ
4ዒንሢ ያይቆኦቤ ናኣቶ ማዔ ዓሳ፤ዒስራዔኤሌ ፃጳ ቢያሢ!ናንጊና ናንጋ ጎዳ ኬኤዜ ቃኣሎ ዋይዙዋቴ፤5ናንጊና ናንጋ ጎዳ ሂዚ ጋዓኔ፦«ዒንሢኮ ቤርታኣ ዓዶንሢ ታኣፓ ሃኪ ዓኣዼሢታጊዳ ዓይጎ ዻቢንቲ ዴንቂዳይ?ዔያታ ጉሪ ማዔ ፆኦዞ ካኣሽኪ፥ ፔናኣ ጉሪ ዓይሴኔ።6ታኣኒ ዔያቶ ጊብፄ ዓጫፓ ኬሴኔ፤ዓሲ ናንጉዋ ቦኦሎይዳኣ ታ ዔያቶ ዔኪ ዓኣዼኔ፤ዔቴ ሌሊ ማዔ ጎይፆና ሻኔ ዹሚ ዓኣ ዓሲ ናንጉዋ ዳውሎይዴናዖኦኒያ ናንጉዋያ፥ ሃሣ ሃንቱዋያ ማዔ ሳዖና ታ ዔያቶ ዔኪ ዓኣዼኔ፤ዔያታ ጋዓንቴ ‹ዬያ ቢያ ማዼ ናንጊና ናንጋ ጎዳ ዎካ ዓኣይ?› ጌይታዖ ዖኦጪባኣሴ።7ካፂሳ ሃኣኮና ሜሌ ኮዦ ባኮዋ ቢያ ዴንቂ ዔያታ ዎዛዻንዳጉዲማሊ ማዔ ሳዔሎ ታ ዔያቶ ዔኪ ጌልዜኔ፤ዔያታ ጋዓንቴ ታኣኮ ሳዖ ፑርቲሴኔ፤ታ ዔያቶም ዒንጌ ዓጮዋ ዔያታ ዒኢሴኔ።»8ቄኤሳ ዒማና፦ «ናንጊና ናንጋ ጎዳ ዎካ ዓኣሲንታይ?» ጌይ ዖኦጪባኣሴ፤ዎጎ ዔራ ዔሮ ዓሳታዖ ታና ዔሪባኣሴ፤ታ ዴሮ ሄንቃ ዓሳ ታኣም ዋይዚ ዒፄኔ፤ፆኦሲ ማሊፆ ኬኤዛ ዓሳኣ ባዓኣሌ ሱንፆና ኬኤዚ ዓርቄኔ፤ጉሪ ማዔ ፆኦዞዋ ካኣሽኬኔ።ፆኦሲ ፔ ዴሮ ጌኤዞና ጫርጌ ጫጮ
9«ዬያሮ ታኣኒ፥ ናንጊና ናንጋ ጎዳሢሃጊ ዒንሢም ጫቺ ሃይሴ ጌስታንዳኔ፤ዒንሢ ናኣቶማኣ ታ ጫርጋንዳኔ፤10ሃያጉዴ ባኣዚ ሃያኮ ቤርታ ፔቴታዖ ማዺንቲ ቤቂባኣሢ ዒንሢ ዔራንዳጉዲሂንዳ ዓቦኮ ጌሎ ባንፆና ዋኣፆ ሳዛ ዓኣ ቆጵሮሴ ዓጮ ዴንዱዋቴ፤ዓባ ኬስካ ባንፆናኣ ቄዳሬ ዓጮ ኪኢታ ዓሲ ዳኪ ሙሩዋቴ።11ዔያቶኮ ፆኦዛ ጎኔ ፆኦሲ ማዒባኣያታቴያፔኤኮ ፆኦዞ ሃሺ ሜሌና ላኣማ ዴሬ ባኣሴ፤ታኣኮ ዴራ ጋዓንቴ ታና፥ ዔያቶ ቦንቺሴ፥ ናንጊና ናንጋ ጎዳሢፔቴታዖ ዔያቶ ማኣዲንዱዋ ጉሪ ማዔ ፆኦዞና ላኣሜኔ።»12ናንጊና ናንጋ ጎዳ ሂዚ ጋዓኔ፦«ጫሪንቺዮ! ዬያሮ ዲቃቱዋቴ፤ሚርጌ ዒጊቹሞናኣ ጎጋይቁዋቴ።13ታኣኮ ዴራ ላምዖ ጎሜ ማዼኔ፤ዬይ ዓይጎዳይ ጌዔቴ፦ ዓልቃ ዋኣሢ ማዔሢ ታና ዔያታ ሃሼኔ፤ዋኣሢ ዓርቂ ቃዛኒ ዳንዳዑዋ ሄሮ ዔቴ ዔያታ ቦኦኬኔ።»ጉሙርቂሢ ባይሱሞኮ ዓኣፒ
14«ዒስራዔኤሌ ሻንቂንቲ ዔውቴ ዓይሌቱዋሴ፤ማኣራ ሾሾይንቴ ዓይሌያኣቱዋሴ፤ሂዳዖ፦ ዒዞኮ ሞርካ ዒዞ ቦዖጉዲ ኬማሢ ዓይጎሮዳይ?15ዒዞኮ ሞርካ ዒዞይዳ ሃጊ ዔቃ ዞቢጉዲ ጉዻኔ፤ዓጮ ዒዞኮ ዓሲ ናንጉዋ ዳውሌ ማሂ ላኣሜኔ፤ዒዞኮ ካታማኣ ሚቺንቲ ዓሲባኣ ባዔ ቤሲ ማዔኔ።16ሜምፒሴ ካታሞ ዓሶንታ ፃፕናሴ ካታሞ ዓሶንታቶኦኮኮ ሶፖ ኔኤኮ ሜኤዳንዳኔ።17ዒስራዔኤሌ! ዬይ ቢያ ኔጊዳ ሄሌሢ ኔ ማዼ ባኣዚናኬ፤ፒዜ ጎይፆ ዔኪ ዴንዳ ታና፥ ናንጊና ናንጋ ጎዳ ማዔ ኔ ፆኦዛሢ ኔ ሃሼሢሮኬ።18ጊብፄ ዓጮ ኔኤኒ ዴንዲ ዓባዬ ዎራፓዋኣፆ ዑሽካኒ ኮዔሢ ዓይጎ ኔና ማኣዳንዳ ባኣዚ ዴንቃኒዳይ?ዓሶኦሬ ዓጮዋ ዴንዲ ዔፕራፂሴ ዎራፓዋኣፆ ዑሽካኒ ኔ ኮዔሢ ዓይጎ ኔ ዴንቃንዳጉዲ ጋዓዛዳይ?19ሃይሾ ዓካሪ ኔ ፑርቱማ ኔጊዳ ሜቶ ዔኪ ዬዓንዳኔ፤ኔኤኒ ‹ዔሩዋሴ› ጌዔ ጌይፃ ኔጊዳ ዎጋንዳኔ፤ታና፥ ናንጊና ናንጋ ጎዳ ማዔ ኔ ፆኦዛሢ ኔኤኮ ሃሺፃታና ኔ ቦንቻ ቦንቾ ኔኤኮ ሃሺፃኔጊዳ ዎማዺ ዴኤሢ፥ ሃሣ ፑርታ ዻቢንቲ ማዔቴያ ኔ ዔራንዳኔ፤ዬያ ጌዔሢ ታና፥ ቢያ ባኮ ማዤ ጎዳ ማዔ ፆኦዛሢኬ።»ዒስራዔኤሌ ዓሳ ፆኦሲ ካኣሽኪፆ ዒፄሢ
20«ዒስራዔኤሌ! ሚርጌ ዎዴኮ ቤርታኣፓ ዓርቃዖታኣም ዓይሢንቲፆና ታኣም ማዺፆ ኔ ሃሼኔ፤ጎኔና ኔኤኒ ዹኮና ዼኤፖ ዼኤፖ ሚፆናኮ ሺባሜሌ ፆኦዞ ካኣሽኪሢና ዞኦስካ ኔ ኮኦማያ ማዔኔ።21ታኣኒ ኔና ቃውቲ ዔኮና ዜርሢፓ ዔኪ ቃራ ዎይኔ ሚሢ ማሂ ቱኬኔ፤ኔኤኒ ጋዓንቴ ያዺ ማዒፆ ሃሺ ሶልኪ ዓኣፒ ዓኣፓያ ማዔኔ።22ዎዚ ኔኤኒ ዓንጪጬናኣ ማዖም ሳኣሙናና ማስቴቴያኔኤኮ ፑርቲፃ ፔጋ ታኣም ኪንቂ ጴዻኔ።23ሂዳዖ ኔኤኒ፦ ‹ታኣኒ ታና ፔቴታዖ ዒኢሲባኣሴ፤ባዓኣሌ ጌይንታ ፆኦዞማኣ ታ ዚጊ ካኣሽኪባኣሴ› ዎዲ ኔ ጌይ ማርማኒ ዳንዳዓይ?ዶኦጮይዳ ጎሞ ማዺፆና ኔኤኒ ዒኢቴ ዒኢቲፆ ሂንዳ ማሌ፤ዓኪንታኒ ኮዓ ኪርሞሌጉዲሴካ ሃንጋ ኔ ጳሽኪ ሺራኔ።24ዳውሌይዳ ናንጊ ዔሬ ኪርሞሌኮዓኪንታኒ ኮዒፃ ዔቄቴ ዓይጌ ቃዛኒ ዳንዳዓይ?ዓዶ ኪርሞላ ዓኣ ቤዞፔኤሮ ዼሂ ዴንዲ ዒዛ ሄላሢሮዔያታ ዒዞ፥ ዬኖ ኮይ ላባንዳያ ኮይሱዋሴ።25ዒስራዔኤሌ! ሜሌ ፆኦዞና ዎላ ዞኦዛ ኔ ኮኦማኒቢያ ቤዞ ሃንቲ ሃንቲ ዱርዞ ኔኤኮ ሙኡዚ ኩርሲፖ፤ሆላኣ ኔኤኮ ዋኣፆ ዼኤቦና ፃኣዺ ሜሎፓ፤ኔኤኒ ጋዓንቴ፦ ‹ታኣኒ ፃንጎ ማዔ ፆኦዞ ናሽኬሢሮዔያቶ ጊንፆ ታ ዴንዳንዳኔ!› » ጌዔኔ።26«ዉሲ ዓርቂንታዖ ቦርሲንታሢጉዲ፥ ዒንሢ ዒስራዔኤሌ ዴሮንታ ካኣቶንታ ዴሮኮ ሱኡጎንታ፤ ሃሣ ቄኤሶንታ ታ ማሊፆ ኬኤዛ ዓሶንታ ቢያ ቦርሲንታንዳ ዎዴ ዬዓንዳኔ።27ዓርሲ ኮሾና ሚፆ ኮይላ፦ ‹ኑኡኮ ዓዴ!›፤ ጊንሣ ሃሣ ላሎ ሹጮ ኮይላ፦ ‹ኑና ሾዔ ዒንዴሌ!› ጋዓ ዓሳ ቢያ ዒንሢ ቦርሲንታንዳኔ። ዬይ ያዺ ማዓንዳሢ፦ ታ ባንሢ ማዖ ዒንሢ ዒፂ ታኣፓ ሃኬሢሮኬ፤ ሃጋ ሜታ ሄላዛ ጋዓንቴ ታ ዒንሢ ሙኪ ማኣዳንዳጉዲ ታና ዒንሢ ዖኦጫንዳኔ።28«ዒንሢ ኩቻ ዒንሢ ማዤ ፆኦዛ ዎካዳይ? ዔያታ ሂንዳ ዳንዳዓያታቴ ሜታ ዒንሢ ሄላኣና ሙኪ ዒንሢ ዓውሶንጎ፤ ዪሁዳ! ኔኤኮ ካታማ ሚርጌሢጉዴያ ካኣሽኮ ፆኦዛኣ ዒማዺ ሚርጌኔ።»29ናንጊና ናንጋ ጎዳ ሂዚ ጋዓኔ፦ «ቢያሢ ዒንሢ ታኣም ዋይዚ ዒፄኔ፤ ሂዳዖ ታኣና ዒንሢ ማርማሢ ዎይቲዳዖ?30ዒንሢ ዔሪ ዒና ዔኩዋ ዓሲታሢሮ ታ ዒንሢዳ ሜቶ ዓጋሢ ጉሪ ባኣዚ ማዔኔ፤ ዒንሢ ዻጋዼ ዞቢ ማዒ ዒንሢም ታ ማሊፆ ኬኤዛ ዓሶ ጬንቾ ዓራፖና ዎዼኔ።31ዒንሢ ሃኖ ዎዶና ዓኣ ዒስራዔኤሌ ዴራ! ታኣኒ ናንጊና ናንጋ ጎዳሢ ዒንሢም ጋዓ ባኮ ዋይዙዋቴ፤ ታኣኒ ዒንሢም ዓሲ ናንጉዋ ዳውሌ፤ ጊንሣ ሃሣ ሻኔ ዹሚና ባይቄ ዓጪ ማዒያ? ሂዳዖ፦ ‹ኑኡኒ ኮዔ ባኣዚ ማዻንዳኔ፤ ኔ ባንሢ ኑ ማዓዓኬ› ዒንሢ ጋዓሢ ዓይጎሮዳይ?32ሂንዳ ማሉዋቴ፦ ዉዱሮ ናይ ፔኤኮ ፓልማሢ፤ ዑኡታኣ ፔኤኮ ዑኡቱሞ ማኣዓሢ ዋላኖ? ታኣኮ ዴራ ጋዓንቴ ፓይዲንታኒ ዳንዳዑዋ ዺቢ ዎዴይዳ ታና ዋሌኔ።33ኔኤኒ ዔናኣሬ ኔና ናሽኪ ኮዓ ላጎ ጊንፆ ጳሽካኒ ዎዚ ጪንጫይ? ሜሌ ላኣላ ኔ ማዻ ጎይፆ ማዻንዳጉዲ ኔኤኒ ዬያ ፑርቶ ማዾ ዔያቶም ዻዋኔ።34ኔኤኮ ማኣዓሢ ጌኤዦ ዓሶና ማንቆ ዓሶናኮ ሱጉፆና ፑርቴኔ። «ጋዓንቴ ኔ ዬያ ባኮ ቢያ ማዻዖ፦ ‹ታኣኒ ጌኤሺኬ፤ ናንጊና ናንጋ ጎዳ ጎኔና ታጊዳ ዻጋዻዓኬ!› ጋዓኔ፤ ጋዓንቴ፦ ‹ታኣኒ ጎሜ ማዺባኣሴ› ጌይፆና ታኣኒ፥ ናንጊና ናንጋ ጎዳ ኔና ሜቶይዳ ዓጋንዳኔ።36ማዒባኣ ባኣዚና ኔኤኒ ዴንዳ ጎይፆ ሃሺ ዓይጋ ኔ ሜሌ ካራ ዴንዳይ? ሃያኮ ቤርታ ዓሶኦሬ ዓሳ ኔና ቦርሲሴሢጉዲ፥ ሃሣ ጊንሣ ጊብፄ ዓሳኣ ኔና ቦርሲሳንዳኔ።37ኩጮ ኔኤኮ ኔኤኒ ቶኦካ ዋሂ፥ ቦርሲንቲ ዬኖ ቤዛፓ ዓኣዻንዳኔ፤ ታኣኒ፥ ናንጊና ናንጋ ጎዳ ኔኤኒ ጉሙርቃ ባኮ ቢያ ዒፄሢሮ ዬያ ባኮይዳፓ ኔ ዴንቃንዳ ባኣዚ ባኣሴ።»