Read Zelemii 18

Zelemii18bqc_sim

Zelemii kua oobona bɛ

¹Dii yã'òmɛɛ à mɛ̀:²Fɛlɛ gɛ́ oobona bɛ, we má tó ǹ ma yãmau.³Kɛ́ ma gɛ oobona bɛ, má è àlɛ oo bo.⁴Kɛ́ oo pↄ́ àlɛ bopi ↄ̃̀ↄkpà aà ↄzĩ, ↄ̃ à ɛ̀a a pãle bò ń gĩpio, lá à kɛ̀ɛ̀ maawa.⁵Ɔ̃ Dii yã'òmɛɛ à mɛ̀:⁶Á Isailiↄ, má fↄ̃ kɛɛ́ lá oobonapi ì kɛwao lé? Lá gĩ dɛ oobona ↄzĩ, màa á dɛ ma ↄzĩ.⁷Tó ma bui ge bùsu yã'ò ma mɛ̀, wà a fuangba, wà a midɛ, wà kaalɛ,⁸mɛ́ bui pↄ́ ma lɛdàwàpi mikɛ̃̀ a vãikɛawa, má yã́ pↄ́ ma zɛò mà yíawà bↄ ma nↄ̀sɛuɛ.⁹Tó ma bui ge bùsu yã'ò ma mɛ̀, wà a zɛdↄ, wi gba gbãa,¹⁰mɛ́ buipi i ma yãmao, à yã́ pↄ́ má yeio kɛ̀, má ɛ̀fãai pↄ́ ma mɛ̀ má kɛɛ̀ bↄ ma nↄ̀sɛuɛ.¹¹A yã́i tò, o Yelusalɛũdeↄnɛ ń Yudaↄ píi, ma Dii ma mɛ̀:À ma, málɛ vãi o á musu,ma sↄu mà mà yã́yiawá.¹²Kási aa onɛ a zɛkɛo.Aamɛ waↄ gɛ́ ń yã́ pↄ́ wà zɛ̀oɛ,baade nↄ̀sɛvãi swã́gbãa yã́ mɛ́ aↄ dↄaaɛ̀.

¹³A yã́i tò ma mɛ̀,à buipãleↄ la à ma!Démɛ yã́ bee taa mà yãai?Á Isaili pↄ́ á dɛmɛɛ bui lɛ́so ũↄa yãvãi pↄ́ ì dimá kɛ̀.¹⁴Nɛɛzi ì go Libã bùsu gbɛ̀sĩsĩae?A í niɛ pↄ́ ì bↄ za a musu a láae?¹⁵Kási ma yã́ sã̀ ma gbɛ̃́ↄguɛ,aaì tulaletikatɛa tã́aↄnɛ,ↄ̃ aa zã̀ ń fɛlɛkaa zɛ́wa,aa pɛ̀lɛ zɛ́ kpã́inau.¹⁶Bee yã́i an bùsu a gↄ̃ yàaa,iↄ dɛ láanipↄ ũ gↄↄpii.Yã́pi a di gbɛ̃́ pↄ́ lɛ́ gɛ̃ weↄwa,aai ń mikɛ déũdeũ.¹⁷Má ń fãaa lán gukpɛ ĩ́anawa ń ibɛɛↄ aɛɛ,má mikpɛlinɛ́ɛ,má zɛńnↄ an wɛ́tɛ̃agↄↄo.

Lɛkpaaĩa Zelemiizi

¹⁸Gbɛ̃́ↄ mɛ̀: À mↄ wà lɛkpaaĩ Zelemiizi, asa sa'onaↄ yãdanɛ a láao ge ↄ̃nↄnaↄ lɛdama ge ãnabiↄ yã́. À mↄ wà lɛnakasaɛ̀. Wásu laaidↄ aà yã'onɛwa lↄo.

¹⁹Dii, swã́sɛ ma yã́i,yã́ pↄ́ ma ibɛɛↄ lɛ́ o ma.²⁰Wì maa fĩabo ń vãio yã̀?Kási aa ɛyↄ̃̀mɛɛ.To lá má zɛ n aɛ yã́ dↄngu,ma ń maa wɛ̀ɛlɛ,kɛ́ n pↄ e weemá.²¹Tↄ̀ↄ! Nↄana kpá ń nɛ́ↄzi sa,ǹ ń kpá fɛ̃ndaa.To wà ń gↄ̃ɛↄ dɛdɛ aa gaga,an naↄ i gↄ̃ gyaa nɛ́saiↄ ũ,ní ń ɛ̀waasoↄ kpa fɛ̃ndaa zĩlau.²²To wà búbua ma dↄ ń uagↄↄ pↄ́ wà lɛ̀lɛmá kã́ndo,asa aa ɛyↄ̃̀mɛɛ ma kũa yã́iɛ,aa baikpàmɛɛ ma táa'ozɛu.²³Mpi sↄ̃ Dii, ń dↄ̃ kɛ́aa lɛkpàaĩmazi, aa ye ma dɛ.Ńsu láka ń tàaepiao,ńsu ǹ ń duunapi bãdɛo.To aa kpagua n aɛ,yã́yiamá n pↄkũmabↄbↄmagↄↄ.

Zelemii 18 / bqc_sim

Zelemii kua oobona bɛ

Lɛkpaaĩa Zelemiizi

Zelemii18bqc_sim