Yelemya15mkw_wbt

*

1Yave tubaka na munu: «Ata ti Moyize mpe Samwele kwiza telama na ntadisi ya munu na kudya mvutu samu na bantu yayi, mu ke kuwa ve bantu yayi. Katula bawu na mantwala ya munu, ba kwenda ya bawu!»2Kana ba yufula nge: «Wapi sika beto ke kwenda?» Nge ke vutula: «Yave, ke na kutuba mutindu yayi:
«bayina fwana kufwa, bawu ke kufwa.Bayina fwana kufwa na mbele ya mvita,bawu ke kufwa na mbele ya mvita.Bayina fwana kufwa na nsatu,bawu ke kufwa na nsatu.Bayina ba fwana kunata na bundongo,bawu ke kwenda na bundongo!»
3Yave ke na kutuba: «Mu ke talisa bawu mpasi na mitindu yiya. Mbele ya mvita ke kufwa bawu, bayimbwa ke kwenda benda banzutu ya bawu, bandeke mpe bibulu ke kudya bawu mpe kuzimbisa bawu.4Na yina, bayinsi ya bintinu nyonso ya ntoto ke vwanda na boma na ntangu bawu ke tala yawu. Nyonso yayi ke salama samu na yimbi nyonso yina Manase, mwana ya Ezekyase, ntinu ya Yuda salaka na Yelusalemi.»

Yave me lemba na yimbi ya Yelusalemi

5«Nge Yelusalemi, nani ke fwila nge kyadi?Nani ke nyonga samu na bampasi ya nge?Nani ke vwanda na nsatu ya kuwa bansangu ya nge?6Yave ke na kutuba:Ni nge me manga munu,ni nge me pesa munu mukongo.Ni yawu yina mu me lambula diboko ya munu na ngesamu na kubebisa nge.Ya tsyelika mu me lemba na kufwilaka nge kyadi bantangu nyonso.7Mu me mwangisa bawu na kati ya konso mbanzamutindu ba ke mwangisaka matiti ya bambuma ya faline.Mu me kufwa bana ya bawu,mu me bebisa bantu ya munu.Kasi bawu sobaka ve nkadulu ya bawu.8Mu me sala ti mifwidi ya bawu ya bakentokulutila mingi na munyenge ya mubu.Na mbala mosi,mu me bwisa na ntoto bamama ya binwanina kati-kati ya midi.Mu me fidisa bawu boma ya kulutila.9Kento yina butaka bana nsambwadi,me bikana maboko mpamba.Yandi ke dyaka na pema ve,luzingu nyonso ya yandi me kuma mpimpana kati-kati ya ntangu.Yandi me kuma na nsoni, yandi me lemba nzutu.Kasi bayina ke bikana ya moyo,mu ke yekula bawu na bambeni ya bawu,bawu ke kufwa na mbele ya mvita.»Ni Yave me tuba yawu.

Yelemya ke na kuyawula mpe Yave me syamisa yandi

10Mama ya munu, kyadi mingi na munusamu ti nge butaka munu!Mu kele muntu yina ba ke na kukwikila ve,ba ke na kuswanisa munu na yinsi nyonso.Mu defaka mbongo ya muntu ve,mu defisaka mpe ve mbongo na muntu.Kasi bantu nyonso ke na kusiinga munu.11Yave tubaka:«Ya tsyelika, mu me kuula ngesamu na mbote ya nge.Ya tsyelika, mu me nwanina ngena ntangu ya kyadimpe na ntangu ya mpasi.12Nani lenda zenga kisengo,kisengo yina me katuka na nodempe kisengo ya mbwaki?»13«Mu me yekula mvwilu ya ngempe bima ya nge ya ntalusamu ti ba botola nge yawu.Ba ke futa nge ve yawu.Yayi ni musendo ya masumu ya nge nyonso,yina nge salaka na yinsi ya nge nyonso.14Mu ke sala ti nge sadila bambeni ya ngena yinsi yina nge zaba ve.Tiya ya nkele ya munu ke na kulema,yawu ke na kulema samu na beno.15Yave, nge mosi me zaba.Bambukila munu moyo, nwanina munu.Bayina ke na kukwamisa munu,futisa bawu yimbi ya bawu.Kuvingila mingi vesamu ti ba ke lenda na kufwa munu.Zaba ti ya kele ni samu na ngemu ke na kundima bifingu.16Kaka na ntangu yina mu vwandaka kuzwa mambu ya nge,mu vwandaka kudya yawu.Mambu ya nge vwandaka yangidikampe vwandaka talisa ntima ya munu kilengi.Mu ke bokilaka Nkumbu ya nge,Yave, Nzambi ya Binwani!17Mu ke talaka ve kilengi ya mununa sika ya bantu yina ke sakanaka.Kasi nge me kwika munu na kuvwandana kisika ya munu mosi ya kufuluka na boma.18Samu na yinki mpasi ya munuke na kumanisa ve?Samu na yinki mputa ya munuke belukaka ve?Samu na yinki yawu ke na kumanga na kubeluka?Nge me vuna munu?Nge kele mutindu kizinga ya maza?Kizinga yina ke yumaka, yina ba lenda zaba vekana maza kele kuna to kana maza kele ve?»
19Na yina, Yave ke na tuba mutindu yayi:«kana nge vutuka na sika ya munu,mu ke baka dyaka nge,mu ke vutula nge na kisalu ya munu.Kana nge swasikisa mambu ya mbote na mambu ya yimbi,nge ke vwanda mutindu yinwa ya munu mosi.Ni bantu ya Yuda fwana kuvukana na sika ya nge,kasi ni nge ve fwana kukwenda na sika ya bawu!20Na mantwala ya bawu,mu ke sala ti nge vwandamutindu kibaka ya kisengo ya mbwakiyina ke mwanganaka ve.Bawu ke nwanisa nge,kasi bawu ke nunga nge ve,samu ti mu kele kintwadi na ngesamu na kuvuukisa mpe kukuula nge.Ni Yave me tuba yawu.21Mu ke katula nge na maboko ya bantu ya yimbi,mu ke kuula nge na maboko ya bantu ya mvwanzi.»
expand_more
Search