كَامّ رَفٌرٌقٍ عِسِرَيِلَ بْشِ مَ
1عَلَتَلَ شَ مَسٍنيِ نَن يَعَ نَشَن تِشِ عَننَبِ يٍرٍ مِ بّ،كَامّ تٌ سِن عِسِرَيِلَ بْشِ مَ.2«يُدَيَ نَ سُننُنيِ كُي،عَ شَ تَا كَنَشِيٍ نَ فبٍلٍفبٍلٍقٍ بْشِ مَ.3دٍنبَيَ كَنيِيٍ عٍ شَ وَلِكّيٍ شّيمَ يٍ قٍندٍ،كْنْ يٍ مُ نَ كْلْنيِيٍ كُي،عٍ قَ فبِلٍن قّحّ عِفٍلِشِ رَ.عٍ سُننُن دٌنمَ رَفٌرٌ مَ عٍ مَ يَافِ شَ قٍ رَ.4بْشِ بَرَ عِبْو قْلْ،بَرِ مَ تُنّ يٌ مُ قَشِ عَ مَ.وَلِكّيٍ قَن لُشِ نَ يَافِ نَن كُي،عٍ قَ سُننُن دٌنمَ رَفٌرٌ عٍ مَ.5تْوكّ عَ شَ دِ رَبٌلٌمَ وُلَ عِ،بَرِ مَ حٌوفٍ مُ نَ عٍ نَشَن دٌنمَ.6سٌقَلٍ تِشِ فٍيَيٍ قَرِ،عٍ قٌيٍ مَمّمَ عَلْ وُلَءِ بَرٍيٍ.عٍ حٌوفٍ قٍنمَكْنْ عٍ مُ سٍسٍ تٌمَ.»7«عَلَتَلَ، هَلِ مُشُ شَ يُنُبِ فبٌ،عِ شَ مُشُ رَكِسِ عِ شِلِ شَ قٍ رَ.مُشُ بَرَ قٍ حَاشِ فبٍفبٍ رَبَ،مُشُ بَرَ يُنُبِ رَبَ عِ رَ.8عِسِرَيِلَ شَشِلِ تِشِ عِ تَن نَن نَ،عِ قِندِشِ مُشُ رَكِسِمَ نَن نَ مُشُ شَ تْورّ كُي.مُنقٍ رَ عِ بَرَ لُ عَلْ شْحّ مُشُ شْنيِ؟مُنقٍ رَ عِ بَرَ لُ عَلْ بِيَاسِلَ نَشَن نَ دَنفِقٍ تُن؟9مُنقٍ رَ عِ بَرَ لُ عَلْ سْورِ سّنبّتَرٍ نَشَن مُ نْمَ مُشُ رَكِسِدٍ؟عَلَتَلَ، عِ نَ مُشُ يَ مَ،عِ شِلِ نَ مُشُ شُن مَ.عِ نَشَ مُشُ رَبٌلٌ.»10عَلَتَلَ بَرَ عَ مَسٍن يِ حَمَ بّ،«حّرّتِيٍ نَن لَنشِ وٌ مَ،وٌ مُ نْمَ وٌ يّتّ سُشُدٍ.»عَننَبِ يٍرٍ مِ شَ مَسٍنيِ«عٍ مُ رَقَن عَلَتَلَ مَ.عَ عٍ شَ يُنُبِيٍ كٌلٌن،عَ قَمَ عٍ حَشَنكَتَدٍ نَ نَن مَ.»11عَلَتَلَ بَرَ عَ مَسٍن ﭑ بّ،«عِ نَشَ عَلَ مَشَندِ قٍ قَنيِ رَ يِ حَمَ بّ.12شَ عٍ سُنيِ سُشُ، ﭑ مَ تٌنفٌمَ.شَ عٍ سّرّشّيٍ بَ، ﭑ مُ عٍ سُشُمَ،بَرِ مَ ﭑ وَ مَ عٍ شُن نَكَنَقٍ نّسَنتِدّفّمَ، كَامّ، نُن قُرٍ حَاشِ رَ.»13ﭑ بَرَ عَلَ يَابِ،«ﭑ مَرِفِ عَلَتَلَ، نَمِحْنمّيٍ بَرَ عَ قَلَ عٍ بّ،‹وٌ مُ سَنتِدّفّمَ تٌمَ،وٌ مُ كَامّ كٌلٌنمَ.وٌ بْحّسَ نَن تُن سْتْمَ بٍ.›»14عَلَتَلَ بَرَ عَ مَسٍن ﭑ بّ،«نَ نَمِحْنمّيٍ نَ وُلٍ نَن قَلَقٍ ﭑ شِلِ رَ.ﭑ تَن مُ عٍ شّيشِ،ﭑ تَن مُ يَامَرِ قِشِ عٍ مَ،ﭑ تَن مُ وْيّنشِ عٍ بّ.عٍ شَ وُلٍ مَسٍنيِ قَتَنشِ لَامَتُنيِيٍ نَن نَنَشٍيٍ مُ قِندِشِ نْندِ رَ،عَ قَتَنشِ سٍ مَتٌي نُن كُيٍيٍ شَ وَلِ نَن مَ،عَ قَتَنشِ عٍ يّتّ شَشِلِ مَدَشُشِ نَن نَ.15نَ نَن عَ رَ، عَلَتَلَ بَرَ عَ مَسٍن،‹نَمِحْنمّ نَشَن مَسٍنيِ تِمَ ﭑ شِلِ رَﭑ مُ نَشَن قِشِ عَ مَ،عَ قَ عَ قَلَ «سَنتِدّفّمَ نُن كَامّ مُ يِ بْشِ لِمَ،»نَ نَمِحْنمّ مْولِ سْنتْمَ نّ سَنتِدّفّمَ نُن كَامّ رَ.16عَ مَسٍنيِ تِمَ حَمَ نَشَن بّ،عٍ قَمَ نّ قَشَدٍ دَرِ سَلَمُ كِرَيٍ شْن مَ سَنتِدّفّمَ نُن كَامّ رَ.مِشِ يٌ مُ لُمَ نَا نَشٍيٍ عٍ رَفَتَمَ،مِشِ يٌ مُ نَ نَشٍيٍ عٍ شَ فِنّيٍ نُن عٍ شَ دِيٍ رَفَتَمَ.ﭑ قَ عٍ شَ قٍ حَاشِ سَرٍ رَفبِلٍندٍ عٍ مَ.›17عِ شَ عَ قَلَ عٍ بّ،‹يَ يٍ مِنِمَ ﭑ يَ رَ كْي نُن يَنيِ تّمُي بِرِن،بَرِ مَ ﭑ مَ حَمَ سّنِيّنشِ بَرَ تْورّ بٍلٍبٍلٍ سْتْ،فبَلٌي بَرَ عٍ لِ.18شّمّ نَ دَاشَ نَشٍيٍ قَشَشِ سَنتِدّفّمَ رَ.قُرٍ مَ كَامّشِيٍ نَ تَا كُي.نَمِحْنمّيٍ نُن سّرّشّدُبّيٍ قَن بْشِ عِحّرّ مَ،كْنْ عٍ شَشِلِ مُ نَ سْنْن.›»19«عَلَتَلَ، عِ بَرَ يُدَيَ رَبٌلٌ كٍرٍنيِ رَ؟سِيٌن مُ رَقَنشِ عِ بْحّ مَ سْنْن؟مُنقٍ رَ عِ مُشُ حَشَنكَتَمَ،عِ تٌندِ مُشُ رَيَلَندٍ؟مُشُ بَرَ وَ بْحّسَ شْن، كْنْ مُشُ مُ عَ سْتْشِ.مُشُ بَرَ وَ يَلَنيِ شْن، كْنْ وَ شُي فبَنسَن نَن مِنِشِ.20عَلَتَلَ، مُشُ بَرَ مُشُ شَ حَاشُحَ كٌلٌن،مُشُ بَرَ مُشُ بَبَيٍ شَ يُنُبِيٍ تٌ.مُشُ بَرَ يُنُبِ رَبَ عِ رَ.21كْنْ عِ نَشَ شْنْ عِ شِلِ شَ قٍ رَ.عِ نَشَ عَ لُ ندٍ شَ بَ عِ شَ بِنيّ نُن عِ شَ يَرَفَاشُي رَ.عِ شَ رَتُ سَاتّ مَ نَشَن نَ وٌن تَفِ.22وُلٍ كُيٍ ندٍ نَ دُنِحَ نَشَن تُنّ رَفٌرٌ مَ؟ عَدٍ.كٌورٍ نْمَ تُنّ رَقَدٍ؟ عَدٍ.مُشُ شَشِلِ تِشِ عِ تَن نَن نَ،بَرِ مَ عِ تَن نَن فبَنسَن نْمَ نَ قٍ مْولِ رَبَدٍ.»