Read Zelemii 14

Zelemii14bqc_sim

Ikpaa

¹Dii yã'ò Zelemiiɛ lousai yã́ musun à mɛ̀:

²Yuda bùsu gↄ̃̀ wɛ̃nannↄ,a wɛ̃́lɛↄ gↄ̃̀ zeesai.Wɛ̃́lɛdeↄ oosìsi ń bùsu yã́ musu,Yelusalɛũdeↄ zↄa ma dↄ.³Zɛdeↄ ì ń zĩkɛnaↄ zĩ ítↄi.Tó aa gɛ̀ lↄ̀ↄi, aali í eo,aaì su tùu giiɛ, bíli ì ń kṹ.Ì kɛnɛ́ wí ũ, aaì pↄ́ku ń wɛ́a.⁴Sɛ̃̀wanaↄ gↄ̃̀ ń bílio,aalɛ pↄ́kuku ń wɛ́a,tↄↄlɛ pàapaa, lou i ma gueio.⁵Baa tue da ì a nɛ́ tó weɛ,kɛ́ sɛ̃ kuo yã́i.⁶Sɛ̃̀a zàa'ĩnaↄ zɛ sĩ̀sĩ wáiwaiↄ musu,aalɛ we hɛ̀hɛhɛhɛ lán gbɛ̃gbonaↄwa,an wɛ́ tà loũloũ sɛ̃sai yã́i.

⁷Baa kɛ́ wá tàaeↄ wá dá yã́u,dↄwálɛ n tↄ́ yã́i.Wá pↄ̀ↄbↄzãkɛa kɛ̀ zài,wa duunakɛ̀nɛ.⁸N gbɛ̃́ pↄ́ Isailiↄ wɛ́ dↄnzi,an wɛtãgↄↄ Suabana,àkɛa n gↄ̃wɛ̃ɛ lán nibↄ ge gɛ̃zɛapↄ́ mↄ̀ ì wá bùsuu gↄↄ dowai?⁹Bↄ́yãi ń dɛ lán gbɛ̃́ pↄ́ yã́ dìwàge nɛgↄ̃na pↄ́ a fↄ̃ ń suabaowai?Dii, ń kú wá guu,wìↄ wá sisi n tↄ́wa,ńsu pãkpawázio.¹⁰Yã́ pↄ́ Dii ò gbɛ̃́piↄ yã́ musun kɛ:Aa ye liaaliaai maamaaɛ,aali zↄ̃lɛ ń zíwao,an yã́ lí ká Diiguo.An tàaeↄ a dↄaàgu sa,i ĩadamá an duuna yã́i.

¹¹Ɔ̃ Dii òmɛɛ: Ńsu gbɛ̃́piↄ aafia wabikɛao.¹²Baa tó aa lɛyè, má ń wabikɛa sio. Baa tó aa sa pↄ́ wì a pↄ́ kátɛu à tɛ́kũ òa ń pↄ́wɛntio, má síńnↄo. Má ń midɛ ń zĩo ń nↄanao ń gagyãoɛ.¹³Ɔ̃ ma mɛ̀: Á'a Dii Lua! Ãnabiↄ mɛ́ i onɛ́ aa wɛsi zĩlɛo, nↄana a ń dɛo. Aaì mɛ ńyↄ̃ ń gba aafia gↄↄpii guɛ beeuɛ.¹⁴Ɔ̃ Dii òmɛɛ: Ãnabipiↄ lɛ́ ãnabikɛkɛ ń ɛɛo ń ma tↄ́oɛ. Mi ń zĩo, mi yãdilɛnɛ́o, mɛ́ mi yãe onɛ́o. Ãnabikɛ pↄ́ aalɛ kɛɛ́á wɛ́pungu ɛgɛna ń màso bɛɛɛsaio ń làasoo kpaanlao yã́ɛ.¹⁵A yã́i tò yã́ pↄ́ ma Dii má ò ãnabi pↄ́ mi ń zĩo, mɛ́ aalɛ ãnabikɛkɛ ń ma tↄ́opiↄ musun kɛ: Aalɛ mɛ zĩ ge nↄana a gɛ̃ ń bùsuuo, kási sↄ̃ zĩ ń nↄanao mɛ́ a ń dɛdɛ,¹⁶wi gbɛ̃́ pↄ́ aalɛ ãnabikɛkɛnɛ́ↄ zuzu Yelusalɛũ gãaɛↄ nↄana ń zĩpio yã́i. Gbɛ̃e aↄ ku à ń vĩo ge ń nↄɛↄ ge ń nɛ́ↄ. Má ń vãikɛapi wínɛ́ ń musuɛ.¹⁷Yã́ɛ bee onɛ́:To mà wɛ́'ikau,má kã́mabo gwãasĩna ge fãanɛo.Asa ma gbɛ̃́ↄ wíwia maamaaɛ,wà ń kɛ́ ĩa à kɛ̀ zài.¹⁸Tó ma gɛ sɛ̃saou,mi gbɛ̃́ pↄ́ wà ń dɛdɛↄ gɛ e kálɛa.Tó ma gɛ̃ wɛ̃́lɛ guu,mi gbɛ̃́ pↄ́ lɛ́ gyãkɛkɛ nↄana yã́iↄ e.Ãnabiↄ ń sa'onaↄ ìↄ liaaliaa ḿpii,an gbɛ̃e a bùsu dↄ̃ lↄo.

¹⁹N gi Yudaↄzi fĩ́afĩa yã̀?N pↄ bↄ̀ Siↄnagu yã̀?Àkɛa n wá wɛtã̀,gbã́gbãa kuo ni?Wá wɛ́ dↄ aafiai,kási yãmaae kuo.Wá wɛ́ dↄ gbã́gbãai,ↄ̃ gili guu wá kúu.²⁰Dii, wa wá vãikɛa dↄ̃̀ń tàae pↄ́ wá deziↄ kɛ̀o.Wa duunakɛ̀nɛɛ fá!²¹Ńsu sakáwáguo n tↄ́ yã́i,ńsu ǹ n kpalabaa gawide bↄlↄboo.N bàakuawanↄ yã́ su sãnguo,ńsu gbooo.²²Buipãleↄ tã́aↄ ì to lou mae?Luabɛ ì to lou ma ń azĩaoa?Aawo Dii wá Lua, ḿmɛ ni tó,ↄ̃ wá wɛ́ dↄnzi,asa ḿmɛ ni yã́piↄ kɛ píi.

Zelemii 14 / bqc_sim

Ikpaa

Zelemii14bqc_sim