Yelemya12mkw_wbt

1Nge Yave, nge kele ya nge ya kudedama,mu lenda tuba ve ti nge me sala yimbi.Kasi mu zola kusolola na nge na dyambu yina me tadila ludedomo.Samu na yinki bantu ya yimbi ke lendaka na banzila ya yimbi yina bawu ke landaka?Samu na yinki bayina kele ve ya kusungama ke zingaka na kizunu nyonso?2Nge me kunda bawu,mpe bawu me basisa myanzi.Bawu me kulampe bawu me buta bambuma.Bawu ke na kutanguna Nkumbu ya nge na bikoba,kasi na bantima ya bawu, bawu kele ntama na nge.3Nge Yave, nge zaba munu,nge ke talaka munu.Nge zaba ntima ya munu,mabanza ya munu kele na nge.Kasi bawu, tula bawu na lweka mutindu mameme yina ba me kubika na kufwa.Kubika bawu samu na kilumbu yina ba ke manisa na kufwa bawu.
4Tii wapi ntangu yinsi ke vwanda na kati ya bufwidi?Tii wapi ntangu matiti ya bilanga nyonso ke vwanda ya kuyuma?Bibulu nyonso ke na kumanisa na kufwa samu na yimbi ya bantu yina ke zingaka na yinsi.Bawu tubaka ti: «Yave ke na kutalaka ve mambu yina ke kumina beto.»
5«Kana nge kima kintwadi na bantu yina ke na kukwenda na makulumpe kana bawu kulembisa nge,wapi mutindu nge ke lenda na kukima kintwadi na bampunda?Kana nge ke vwandaka na kizunukaka na yinsi yina ke na kizunu,wapi mutindu nge ke sala kana maza ya Yolodani me lutila ndilu?
6«Ya tsyelika, bawu mosi bantu ya dikanda ya nge, bampangi ya nge mosi, bawu mpe ke yekulaka nge. Ntangu nge ke vwandaka ve, bawu ke vukisaka bankonga ya bantu na kuzonzaka yimbi samu na nge. Ni yawu yina kukwikilaka bawu ve na ntangu yina bawu ke zonzaka na nge mambu ya mbote.»

Yave me bika Yinzo ya yandi mpe bantu ya yandi

7«Mu me bika Yinzo ya munu,mu me losa yina kele mvwilu ya munu.Yina mu vwandaka zola mingi,mu me yekula yawu na bambeni ya munu.8Mvwilu ya munu me kumamutindu nkosi na kati ya mfinda.Yandi me duma na munu.Ni yawu yina mu zola dyaka yandi ve.9Mvwilu ya munu me kuma mutindu ndeke ya kudya,ya kufuluka na madoti ya menga,samu ti bandeke ya nkaka kwiza zungudila yandi na kudya yandi?“Beno kwenda kutikisa bibulu nyonso ya mfinda!Beno nata bawu na kwiza kudya!”10Mivungi mingi me bebisa bilanga ya munu ya bayinti ya vinu.Ba me dyatikisa bilanga ya munu.Bawu me kitula bilanga ya munu yina mu ke zolakana kisika ya kumwangana yina kele dyaka na kima ve.11Ya tsyelika, bawu me kitula yawu na kisika ya kumwangana.Yawu me kuma na bufwidi.Nyonso me mwangana na mantwala ya munu.Yinsi nyonso me mwangana,samu ti ata muntu yindulaka na yawu.»
12Bayina ke mwangisaka ke na kukwizana banzila nyonso ya yinsi ya kuyuma,samu ti mbele ya mvita ya Yave ke na kudya nyonsokubanda na lweka mosi ya yinsi tii na lweka ya nkaka.Ata muntu ke na kizunu.13Bawu kundaka bambuma ya falinekasi bawu ke na kuyonzika bansende.Bawu talaka mpasi mingi na kusalakasi bawu me kuzwa ndandu ve.Beno tala nsoni na nyonzokolo ya benosamu na nkele ya kulutila ya Yave yina me bwidila beno.

Yave mpe bayina ke pene-pene na Isayeli

14Samu na bantu ya yimbi yina ke pene-pene ya bantu ya Isayeli, bantu yina ke na kunwanisa difwa yina mu pesaka na Isayeli, bantu ya munu, mutindu mvwilu ya bawu, Yave ke na kutuba mutindu yayi: «Mu ke katula bawu na mvwilu ya bawu, mu ke katula mpe bantu ya Yuda na kati ya bawu.15Kasi na manima ya kukatula bawu na ntoto ya bawu, mu ke fwila dyaka bawu kyadi, mpe mu ke vutula bawu konso bantu na mvwilu ya bawu, konso bantu na yinsi ya bawu.16Bawu lakisaka na bantu ya munu na kudyaka bandefi na Nkumbu ya Baale, kasi kana bawu longoka na kudyatila mutindu fwana kudyatila bantu ya munu, mpe kana bawu kudya ndefi na kutuba: “Mu ke na kudya ndefi na Nkumbu ya Yave, Nzambi ya moyo”, bawu ke kuzwa dyaka kisika ya bawu na kati ya bantu ya munu.17Kasi kana mosi na bayinsi kumanga na kuwa munu, mu ke katula yinsi yina seko, mpe mu ke yekula yawu na lufwa.» Ni Yave me tuba yawu.
expand_more
Search