यरमियाह1hne_twf

1हिलकियाह के बेटा यरमियाह, जऊन ह बिनयामीन के देस म अनातोत छेत्र के पुरोहितमन ले एक झन रिहिस ओकर ये बचन अय।2यहोवा के बचन ह यरमियाह करा आमोन के बेटा, यहूदा के राजा योसियाह के सासन के तेरहवां साल म आईस,3अऊ एकर बाद योसियाह के बेटा यहूदा के राजा यहोयाकीम के सासन के जरिये, येह योसियाह के बेटा यहूदा के राजा सिदकियाह के सासन के गियारहवां साल के पांचवां महिना तक आईस, जब यरूसलेम के मनखेमन बंधुवई म गीन।

यरमियाह के बुलावा

4यहोवा के ये बचन मोर करा, ये कहत आईस,5“गरभ म रचे के पहिले ही मेंह तोला जानत रहेंव ,तोर जनम के पहिले ही मेंह तोला अलग करे हंव;मेंह तोला देस-देसमन बर अगमजानी ठहिराय हंव।”6तब मेंह कहेंव, “आह, हे परमपरधान यहोवा, मेंह नइं जानंव कि कइसे गोठियावंव; मेंह अभी बहुंत छोटे हंव।”7पर यहोवा ह मोला कहिस, “झन कह, ‘मेंह उमर म बहुंत छोटे हंव।’ तोला ओ जम्मो झन करा जाना हे, जेमन करा मेंह तोला पठोहूं अऊ जऊन हुकूम मेंह तोला दूहूं, ओला बता।8ओमन ले झन डरबे, काबरकि मेंह तोर संग हवंव अऊ मेंह तोला बचाहूं,” यहोवा ह ये घोसना करत हे।9तब यहोवा ह अपन हांथ ला बढ़ाके मोर मुहूं ला छुईस अऊ मोला कहिस, “मेंह अपन बचन ला तोर मुहूं म डाल दे हंव।10सुन, मेंह आज तोला देसमन अऊ राजमन ऊपर ठहिरावत हंव कि तें ओमन ला उखानके गिरा दे, ओमन ला नास करके फटिक दे, ओमन ला बना अऊ बसा दे।”11तब यहोवा के ये बचन मोर करा आईस: “हे यरमियाह, तोला का दिखत हवय?” मेंह कहेंव, “मोला बादाम के एक रूख के डारा ह दिखत हवय।”12तब यहोवा ह मोला कहिस, “तोला सही दिखत हवय, काबरकि मेंह ये देखे बर धियान लगाय हंव कि मोर बचन ह पूरा होवय।”13तब यहोवा के बचन ह मोर करा फेर आईस: “तोला का दिखत हवय?” मेंह जबाब देंव, “मोला डबकत एक बरतन दिखत हवय, जेह उत्तर दिग ले हमर कोति झुकत हवय।”14तब यहोवा ह मोला कहिस, “ये देस म रहइया जम्मो झन ऊपर उत्तर दिग ले बिपत्ति डाले जाही।15मेंह उत्तर दिग के राजमन के मनखेमन ला बलानेचवाला हंव,” यहोवा ह ये घोसना करत हे।“ओमन के राजामन आहीं अऊ यरूसलेम के कपाट के प्रवेस दुवार मअपन सिंघासन लगाहीं;ओमन ओकर चारों कोति के जम्मो दीवारमन के बिरूधअऊ यहूदा के जम्मो नगरमन के बिरूध आहीं।16मेंह अपन मनखेमन ऊपर नियाय के हुकूम दूहूंकाबरकि ओमन मोला तियागके,आने देवतामन बर धूप जलाकेअऊ अपन हांथ ले बनाय मूरतीमन के अराधना करके दुस्टता करे हवंय।17“एकरसेति तेंह तियार हो जा! उठ अऊ जऊन बात के हुकूम मेंह तोला देवत हंव, ओला ओमन ला सुना। ओमन ले झन डर, नइं तो मेंह तोला ओमन के आघू म डरवा दूहूं।18आज मेंह तोला ये जम्मो देस के बिरूध—यहूदा के राजामन, येकर करमचारी, येकर पुरोहित अऊ देस के मनखेमन के बिरूध ठाढ़ होय बर एक किलाबंद सहर, एक लोहा के खंभा, अऊ एक कांसा के दीवार बनाय हवंव।19देस के मनखेमन तोर बिरूध म लड़हीं, पर तोला जीत नइं सकहीं, काबरकि मेंह तोर संग हवंव अऊ मेंह तोला बचाहूं,” यहोवा ह ये घोसना करत हे।
expand_more
Search