Read ኤርምያስ 1

ኤርምያስ1gaz_ebi

¹ኩን ዱቢ ኤርምያስ እልመ ህልቅያ ከን ሉቦተ ብየ ቤንያም ኬሰ መጋላ አናቶት ጅራተን ኬሳ ቶኮ ተኤ ሰናት።²ዱቢን ዋቀዮ በረ ዮስያስ እልመ ኣሞን ሞትቸ ይሁዳ ኬሰ ወጋ ኩዸ ሰደፋት ገረ ኤርምያስ ዹፌ፤³አከሱመስ በረ ዬሆያቂም እልመ ዮስያስ ሞትቸ ይሁዳቲ ጀልቀቤ ሀመ ዹመ በረ ዜዴቅያ እልመ ዮስያስ ሞትቸ ይሁዳ ወጋ ኩዸ ቶኮፋት ወጋ ሰነ ኬሳስ ሀመ ጅአ ሸነፋት፣ ዬሮ ሰብን ዬሩሳሌም ቦጅአሜት ዱቢን ኩን ገረሳ ዹፋ ቱሬ።

ዋመሙ ኤርምያስ

⁴ዱቢን ዋቀዮ አከነ ጄዼ ገረኮ ዹፌ፦⁵“አን ኡቱ ገደሜሰ ኬሰት ስ ህንኡምን ዱረ ስ ቤኬ፤ኡቱ አት ህንዸለትን ዱረ አዳን ስባፈዼ፤አከ አት ሰቦታፍ ራጂ ታቱፍስ ስሙዴ።”⁶አንስ፣ “ወዮ፣ ያ ዋቀዮ ጎፍታ አን አከምት አከን ዱበዹ ህንቤኩ፤ አን ሙጫ ጥኖዸ” ነንጄዼ።⁷ዋቀዮ ገሩ አከነ ናን ጄዼ፤ “አት፣ ‘አን ሙጫ ጥኖዸ’ ህንጄዽን። አት ገረ ነመ አን እት ስኤርጉ ሁንዳ ዸቅጤ ዋን አን ስ አጀጁ ሁንደ ዱበቹ ቀብደ።⁸አት ጀረ ህንሶዳትን፤ አን ስ ባሱፍ ስ ወጅነን ጅራቲ” ጄዸ ዋቀዮ።⁹ኤርገሲስ ዋቀዮ ሀርከሳ ሂጠቴ አፋንኮ ቱቄ አከነ ናን ጄዼ፤ “ኩኖ፣ አን ዱቢኮ አፋንኬ ኬሰ ካኤረ።¹⁰እላ፣ አን አከ አት ቡቅፍቱፊ ዲግዱፍ፣ አከ በርበዴስቱፊ ገረገልችቱፍ፣ አከ እጃርቱፊ ዻብዱፍ ሀርአ ሰቦታፊ ሞቱሞተረት ስ ሙዴረ።”¹¹ዱቢን ዋቀዮ ገረኮ ዹፌ፣ “ኤርምያስ፣ አት ማል አርጋ ጅርተ?” ናን ጄዼ። አንስ ዴብሴ፣ “ደሜ ሙከ ለዉዚ አርጉትን ጅረ” ጄዼ።¹²ዋቀዮሞ፣ “አት ስሪት አርግቴ፤ አን አከ ዱቢንኮ ፊጣን በኡፍ ኩተዼ ከኤራቲ” ናን ጄዼ።¹³ዱቢን ዋቀዮ አመሌ ገረኮ ዹፌ፣ “አት ማል አርጋ ጅርተ?” ናን ጄዼ። አንስ ዴብሴ፣ “ጡዌ ደንፋ ጅሩ ከን ካበራ አስ ገረገሌ ጅሩ ቶኮ ነንአርገ” ጄዼ።¹⁴ዋቀዮ አከነ ናን ጄዼ፤ “ገረ ካባቲ በላን ወረ ብየቲ ኬሰ ጅራተን ሁንደት ንቡአ።¹⁵ኩኖ ሰቦተ ሞቱሞተ ካባ ሁንደ ወልት ነንዋመ” ጄዸ ዋቀዮ።“ሞቶትንሳኒ ዹፈኒ ከረወን ዬሩሳሌም ዱረቴሶወንሳኒ ንዻበቱ፤እሳን ደላወን ናኖሼሁንዳፊ መጋላወን ይሁዳ ሁንደ መርሱ።¹⁶ሰበቢ እሳን ነ ዺሰኒዋቆተ ብራፍ እጣነ ኣርሱዻንዋን ሀርክሳኒ ሆጄቴ ዋቄፈቹዻን ሀምነ ሆጄተኒፍአን ሰበኮት ሙርቲ ነንለብሰ።¹⁷“አት ገሩ ሙዺኬ ህዸዹ ከኢቲ ዋን አን ስ አጀጁ ሁንደ እሳንት ህም። አት ጀረ ህንሶዳትን፤ አት እሳን ሶዳናን አን ፉለሳኒ ዱረት ሶዳ ስትን ቡሳ።¹⁸አከ አት ጉቱ ብየቲቲን ጄቹንስ ሞቶተ ይሁዳቲን፣ ቆንዳልቶተሼቲን፣ ሉቦታፊ ኡመተ ብየቲቲን ሞርምቱፍ አን ሀርአ መጋላ ደላ ጀባን መርፈምቴ፣ ኡቱባ ስቢላቲፊ ደላ ናሲ ስታስሴረ።¹⁹እሳን ስ ሎሉ፤ ገሩ ስ ህንሞአተን፤ አን ስ ባሱፍ ስ ወጅን ጅራቲ” ጄዸ ዋቀዮ።

ኤርምያስ 1 / gaz_ebi

ዋመሙ ኤርምያስ

ኤርምያስ1gaz_ebi