Daannatu Maxaafaa5wal_sim

Deboorinne Baaraaqa Yettaa

1He gallassi Debooranne Abino7aama na7ai Baaraaqi ha yettaa yexxidosona.2“Israa7eela asaa kaalettiyaageetikaalettido gishshau,asaikka dosidi,ba huuphiyaa aattidi immido gishshau,GODAA galatite!3Inttenoo kawotoo, hagaa siyite!Inttenoo deriyaa haariyaageetoo, ezggite!Taani GODAASSI yexxana.GODAASSI Israa7eela Xoossaassigalataa yettaa yexxana.4Abeet GODAU, neeniSe7iira Deriyaappe denddido wode,neeni Eedooma biittaappe kiyido wode,biittai qaaxxiis.Saluwaappe irai bukkiis;ee, haattai shaaratuppe duge soosiis.5GODAA sinttan dereti qaaxxidosona;harai attin, Siinaa Dereekka GODAAIsraa7eela Xoossaa sinttan kokkoriis.
6“Anaata na7aa SHamggaara wodenneYaa7eeli wode caana mehiyaa laaggiyazal77anchchati he biittaara kanttibookkona.Ogiyaara biyaageetikka ogiyaa aggidi,loossuwaara biidosona.7Israa7eela katamatiasi de7enna baisa gididosona.Nenoo Debooraa, neeni Israa7eela asaayyoaayo gidada denddana gakkanaashin onidi attidosona.8Israa7eela asai allaga xoossatadoorido wode,biittan olai denddiis.Oitamu sha7u Israa7eela olanchchatu giddonissi gonddallee woikko issi toori beettibeenna.9Ta wozanai Israa7eelaola gadaawatuura de7ees.Asaa giddon dosidi banttana aattidiimmidaageetuura de7ees.GODAA galatite!
10“Inttenoo, gilaasiyaa wottidobootta hareta toggiyaageetoo,inttenoo, ogiyaara hemettiyaageetoo,hagaa siyite!11Haattaa ollatu matanshiiqida yettanchchatu yettaa siyite.Eti GODAI xoonidoogaa yexxoosona;qassi Israa7eela asai xoonidoogaa yexxoosona.Hegaappe guyyiyan, GODAA asaikatamaa geliyo penggetukko duge wodhdhiis.
12“Debooraa! Beegotta! Beegotta!Beegotta! Beegottada mazamuriyaa yexxa.Baaraaqaa, dendda!Nenoo, Abino7aama na7au,ne omooduwaa ekkada ya.
13“Hegaappe guyyiyan, attida asatihalaqatukko duge wodhdhidosona.GODAA asati olettanau giigidiBaaraaqakko yiidosona.14Amaaleeqa zaretibeni de7ido sohuwande7iya Efireema asati yiidosona.Qassi Biniyaama asatieta kaallidosona.Halaqati Maakira zaretuppenne,ola gadaawati Zaabiloona zaretuppeduge wodhdhidosona.15Yisaakoora halaqatiDebooriira yiidosona;ee, Yisaakoora asai yiis.Baaraaqikka yiis;yin eti a geeduwaa kaallidi, zanggaaraa gelidosona.SHin Roobeela zareti qofan shaahettidi,yaanaagaa agganaagaa qachchibookkona.16Eti aibissi attidonaa? Dorssata heemmiyaageetu imbbiliitiyaasiyanau attidonaayye?Roobeela zareti qofan shaahettidi,yaanaagaa agganaagaa qachchibookkona.17Gala7aade asati YorddaanoosaSHaafaappe hefinttan attidosona.Daana zareti markkabetu matanattidosona.Aseera zareti bantta de7iyosanMeediteraane Abbaa lanqqen attidosona.18Zaabiloona zaretibantta shemppuwaa haiquwauaattidi immida asata.Nifttaaleema zaretikka etaagaadanola dembban bantta shemppuwaa aattidi immidosona.
19“Kawoti yiidi, Magiddo pulttotu matande7iya Taa7inaakan olettidosona.He Kanaane kawoti yan olettiiddi,omooddanau aiba biranne demmibookkona.20Saluwan de7iya xoolinttetikkaolettidosona.Bantta yuuyiyo yuushshaneti Sisaaraara olettidosona.21Qiishoona SHaafai, beniisappeerettida Qiishoona SHaafai kixxidi,he kawota shokkidi efiis.Ta shemppee, simmi minna;minnada sinttau horddofa.
22“Hegaappe guyyiyan, paraasatiadaraasissiiddi yiidosona.Parati bantta kottiyanbiittaa giirissidosona.
23“GODAA kiitanchchai,‘Merooza qanggite!Yan de7iya asaa iissidi qanggite!Aissi giikko, eti GODAAmaaddanau yibookkona.A wolqqaama morkketuura olettanaukiyibookkona’ yaagiis.
24“Qeenaa Hebeera machchiyaaYaa7eela macca asa ubbaappeanjjettidaaro gidu.Dunkkaane giddon de7iya maccaasa ubbaappe a anjjettidaaro gidu.25Sisaari o haattaa oichchin,maattaa ayyo immaasu.Lo77o xibbuwan meqqida maattaa ehaasu.26Issi kushiyaa yeddadadunkkaaniyaa xishiyaa, ushachcha kushiyanoosanchchatu madooshaa oiqqaasu.Oiqqada Sisaara huuphiyan xishaasu;xishada haitta kariyaara kantta kessaasu.27Yaatin, i bolqqu giidi kunddiis.I he i tohuwaa matanbolqqu giidi kunddiis.He kunddido sohuwan haiqqiis.
28“Sisaara aayyiyaamaskkootiyaara xeellaasu.Xeellada, ‘Ta na7aa paraa gaareeaibissi gam77idee?Parati eesotidi aibissi simmibookkona?’yaagada oichchaasu.29I aadhdhida eranchcha macca asatii oishaa zaaridosona.SHin a ba qofan zaara zaaradakkahagaadan yaagaasu;30‘Eti omooddidishaakkiyoobaa demmennan aggokkona.Issi issi olanchchaa issi issi woikkonaa77u naa77u geela7oti gakkennan aggokkona.Sisaarayyo eti lo77iya maayuwaa immana;qassi taayyookka qooriyan xaaxanauxilifiyan alleeqettidi lo77iya maayotaeti ehaana’ yaagaasu.
31“Abeet GODAU, ne morkketi ubbaihegaadan haiqqona!SHin ne siiqotimaallado mokkiya awaadan phoolona”yaagidosona.Hegaappe guyyiyan, biittai oitamu laittaa woppaa demmiis.
expand_more
Search