Wasemi5kdc_pbt

Wila wa Debola na Balaki

1Abaho siku dijo Debola na Balaki mwanage Abinoamu, wemba wila uno.2“Vilongozi viwawalongoze Waizilaeli kuing'hondo,wanhu viwailavile kwa kulonda wenyego,Mndewa Imulungu yatogolwe!
3Hulikeni, mweye iwandewa!Tegelezeni, mweye iwakulu!Nomwimbila Mndewa Imulungu.Nomtowela lukenze Mndewa Imulungu, Imulungu wa Izilaeli.
4Go, Mndewa Imulungu, viulawile kulugongo lwa Seili,viusegele mwiisi ya Edomu,isi igwaya,ulanga ulagaza mazi,ona mawingu kalava mvula.5Vigongo vitigisika mgameso ga Mndewa Imulungu,ona kigongo cha Sinai kitigisika mgameso ga Mndewa Imulungu, Imulungu wa Izilaeli.
6Mna ikipindi cha Shamugali, mwanage Anati,mna ikipindi cha Yaeli,miyanza ikala kuduhu mzinzila zing'hulu,wanhu wabitila mnzila za kuvisolo.7Walimaji waleka kulima,na waleka mbaka vinizile niye Debola,niye nili kamba mama wa Waizilaeli.8Waizilaeli viwasolile imilungu iyagwe,ng'hondo ivika kuulwivi lwa dibuga.Lakini kukala kuduhu munhu yeli na panga hebu ngao,mna iwanhu elufu alobaini wa Izilaeli.9Nowatogola ivilongozi wa Waizilaeli,nowatogola iwanhu wailavile kwa kulonda wenyego.Mndewa Imulungu yatogolwe!
10Mweye mukwelaga vihongwe wazelu,na mukalilaga migolole inogile,mweye mugenda mnzila.11Tegelezeni sauti za iwanhu weli hana gamasima gamazi,viwolonga viyahumile Mndewa Imulungu,ukuhuma kwa iwanhu wa Izilaeli.Abaho wanhu wa Mndewa Imulungu wahumuluka kuulwivi lwa dibuga.
12Lamuka, lamuka, Debola!Lamuka! Lamuka wimbe wila!Lamuka, Balaki mwanage Abinoamu,usole wanhu uwasolile kuna ing'hondo.13Iwanhu wasigale wachola kwa iwakulu,wanhu wa Mndewa Imulungu weza kumwangu niye na ivilongozi,14Kulawa Efulaimu wahumuluka kubonde,wawakweleleza ndugu zao wanhu wa Benjamini,kulawa Makili wahumuluka awo ivilongozi wa kuna ing'hondo,kulawa Zabuloni wahumuluka iwakulu wa kuna ing'hondo.15Iwakulu wa wakalizi kulawa kwa Isakali wamkweleleza Debola,wanhu wa Isakali awo otamanilwa na Balaki,wakweleleza kuno okimbila mbaka kubonde.Lakini mna iwanhu wa kabila da Lubeni,kukala na wanhu osinhagila.16Habali wasigala mna gamabumba?Ili wategeleze vifengwa va ng'hondolo?Mna iwanhu wa kabila da Lubeni,wanhu wasinhagila ng'hani.17Kabila da Gadi disigala umwambu wa Yolidani.Kabila da Dani disigala mzimeli.Kabila da Asheli disigala ako kuna imwhani ya bahali,wakala mmaloko.18Wanhu wa Zabuloni wauhonza ugima wao.Vivija wanhu wa Nafutali wauhonza ugima wao,na kuitowa mna imigunda.
19Ako Taanaki, behi ya nzasa za Megido,wandewa weza, waitowa,wandewa wa Kanaani waitowa,lakini hawapatile chochose.20Nhondo za kuulanga vivija ziwatowa,kulawa kuko kuzikalile ziitowa na Sisela.21Ng'humbi ya lwanda lwa Kishoni iwazola mbaka kutali,ona ikidibo cha lwanda lwa Kishoni.Niye nogenda kumwande kwa nguvu!
22Falasi wabita kuno okwangula hasi,watowa hasi na mibang'ho yao.23Msenga wa Mndewa Imulungu kalonga vino,‘Diduwileni buga da Melosi,waduwileni wenekae wake,kwavija hawezile kumtaza Mndewa Imulungu,hawamtazile Mndewa Imulungu mbuli ya iwanhu wene nguvu.’
24Yamwede kubanza watwanzi wose,Yaeli, mwehe wa Hebeli, Imkeni.Ona, yamwede kubanza watwanzi wose iwokala mvibanda.25Sisela kampula mazi,na heyo kamgwaa maziwa,kamgalila siagi mdibakuli da iwageni.26Mkono wa kumoso kagoga kigingi cha ikibanda,na mkono wa ukudila kagoga nyundo ya ufundi,kambiga Sisela kudipala,kamtula ikihanga.27Sisela kaidulika, kalagala,kawasa tuluu mmagulu gake.Aho hayaidulike aho hayalagalile,baho kadanganika!
28Mamake Sisela kasungulila mdidilisha,kaiyalala,‘Habali mtuka wake ukawa kuvika?Habali ukuduma kwa mituka yake kukawa kuvika?’29Iwatwanzi wake iwabala wamwidika.Kaiuza mwenyego miyanza mingi viwamwidike vino,30‘Ona ozahila na kuigolela vija viwasolile,mndele imoja hebu wabili kwa kila mkalizi,kiwalo cha langi mbuli ya Sisela.Kiwalo kigeligwe ulembo,na viwalo vinogile mbuli ya singo!’
31Go, Mndewa Imulungu, iwanhu okwihila wapotele!Lakini awo okunogela gweye wawe kamba zuwa,vidilawa na kumwemwesa ng'hani!”Isi ikala itindiwale kwa miyaka malongo mane.
expand_more
Search