Daannatuwaa5dwr_ltw

Dibooranne Baaraak'a Yetsaa

1He gallassi Dibooranne Abino'aama na'ay Baaraak'i ha yetsaa yes's'eeddino.2«Israa'eeliyaa asaakaaletsiyaawanttu kaaletseedda diraw,Asaykka dosiide,bare huup'iyaa aatsiide immeedda diraw,Med'inaa Godaa galatite!
3«Hinttenttoo kaatetoo, hawaa sisite!Hinttenttoo deriyaa mooddiyaawanttoo, hayzitte!Taani Med'inaa Godaw yes's'ana.Med'inaa Godaw Israa'eeliyaa S'oossawgalataa yetsaa yes's'ana.4Abeet Med'inaa Godaw,neeni Se'iira Deriyaappe denddeedda wode,Neeni Eedooma biittaappe kesseedda wode,biittay k'aas's'eedda.Saluwaappe iray bukkeedda;ee, haatsay shaaretuwaappe duge soosoteedda.5Med'inaa Godaa sintsan deretuu k'aas's'eeddino;Haray attina, Siinaa Deriikka Med'inaa GodaaIsraa'eeliyaa S'oossaa sintsan kokkoreedda.
6«Anaata na'aa Shamggaana wodenne,Yaa'eela wode c'aanaa mehiyaa laaggiyaa,zal"anchchatuu he biittaana aad'd'ibeykkino.Ogiyaanna biyaawanttukka ogiyaa aggiide,loossuwaana beeddino.7Israa'eeliyaa katamatuu Asay de'enna sa'aa gideeddino.Taan Diboora, taan Israa'eeliyaa asaw,aatto gidaade denddana gakkanaw ooninne attibeena.8Israa'eeliyaa Asay allaga s'oossatuwaa dooreedda wode,gadiyaan olay denddeedda.Oytamu sha"a Israa'eeliyaa olanchchatuwaa gidduwaanitti gonddallii woy itti toori beettibeenna.9Ta wozanay Israa'eeliyaa ola gadaawatuwaana de'ee.Asaa giddon dosiide barentta aatsiide immeeddawanttuna de'ee.Med'inaa Godaa galatite!10Hinttenttoo, bootsa haretuwaa toggiyaawantto,Hinttenttoo, gilaasiyaa bollan uteeddawanttoo,ogiyaanna hamettiyaawanttoo,hawaa sisite!11Haatsaa ollatuwaa matan shiik'eedda yetsanchchatuwaa yetsaa sisite.Unttunttu Med'inaa Goday s'illotetsaa oosuwaabaa yes's'iino;k'ay Israa'eeliyaa olanchchatuwaa s'illotetsaa oosuwaabaa yes's'iino.«Hewaappe guyyiyaan, Med'inaa Godaa asaykatamaa geliyaa penggetuwaakko duge wod'd'eedda.12Dibooree! Beegotta! Beegotta!Beegotta! Beegottaade mazimuriyaa yes's'a.Baaraak'a, dendda!Neenoo, Abino'aama na'aw, ne omooduwaa akkaade ya.
13«Hewaappe guyyiyaan, atteeda asatuukaappatuwaakko duge wod'd'eeddino.Med'inaa Godaa asatuu olettanaw giigiideDiboorikko yeeddino.14Amaaleek'a zaratuu beni de'eedda sa'aan de'iyaa,Efireema asatuu yeeddino.K'ay Biiniyaama asatuu unttuntta kaalleeddino.Kaappatuu Maakira zaratuwaappenne,Ola gadaawatuu Zaabiloona zaratuwaappe duge wod'd'eeddino.15Yisaakoora kaappatuu Diboorina yeeddino;ee, Yisaakoora asaynne Baaraak'ikka yeedda;unttunttu Aa geeduwaa kaalliide, zanggaaraa geleeddino.Shin Roobeela zaratuu k'ofaan shaakettiide,yaanawaa agganawaa k'achchibeykkino.16Unttunttu ayaw atteeddinoo?Dorssatuwaa heemmiyaawanttu imbbilittaa sisanaw atteedinooyye?Roobeela zaratuu k'ofaan shaakettiide,yaanawaa agganawaa k'achchibeykkino.17Gala'aade asatuu Yorddaanoosa shaafaappe hefintsan atteeddino.Daana zaratuu markkabatuu matan atteeddino.Aaseera zaratuu barenttu de'iyaa sa'aan,Meeditiraane Abbaa lank'k'iyaan atteeddino.18Zaabiloona zaratuu barenttu shemppuwaa hayk'k'oo aatsiide immeedda asatuwaa.Nifttaaleema zaratuukka unttunttuwaadan ola dembban barenttu shemppuwaa aatsiide immeeddino.19Kaatetuu yiide, Magido pulttotuwaa matan de'iyaa Taa'inaakan oletteeddino.He Kanaane kaatetuu yaan olettiide,omooddanaw ayaa biraanne demmibeeykkino.20Saluwaan de'iyaa s'oolinttetuukka oletteeddino.Barenttu yuuyyiyaa yuushshan unttunttu Sisaarana oletteeddino.21K'iishoona Shaafay, benippe,eretteedda K'iishoona Shaafay kuntsiide,he kaatetuwaa shokiide afeedda.Ta shemppattee, simmi minna;sintsaw gaallifa.22Hewaappe guyyiyaan, paraa asatuu andaraasetiidde yeeddino.Paratuu barenttu kottiyaan gadiyaa giirisseeddino.23Med'inaa Godaa kiitanchchay,‹Merooza shek'k'ite!Yan de'iyaa asaa iissiide shek'k'ite!Ayaw gooppe, unttunttu Med'inaa Godaw ek'k'anaw yibeykkino.Aa wolk'k'aama morkkatuwaanna olettanaw kesibeykkino› yaageedda.
24«K'eena Hebeera machchataYaa'eela mac'c'a asaa ubbaappe anjjetteedaano gidu.Dunkkaane giddon de'iyaa mac'c'a asaa ubbaappe iza anjjetteedano gidu.25Sisaari izo haatsaa oochchina,maatsaa aw immaaddu.Lo"o k'arabbaan me"eedda maatsaa ahaadu.26Itti kushiyaa yeddaade dunkkaaniyaa shikaaliyaa,ushechcha kushiyan oosanchchatuwaa martteeluwaa oyk'k'aaddu.Sisaara huup'iyaan d'ogaaddu;haytsa kariyaana kantsa kessaaddu.27Yaatina, I bolk'k'u giide kunddeedda.I he izi gediyaa matanbolk'k'u giide kunddeedda.He kunddeedda sa'aan hayk'k'eedda.28Sisaara daaya maskkootiyaanna s'eellaaddu.‹Ta na'aa paraa gaarii ayaw gam"eedee?Paratuu elleelliidde ayaw simmibeykkino?›yaagaadde oochchaaddu.29Izi aad'd'eeda eranchcha mac'c'a asatuu Izi ooshaa zaareeddino.Shin iza bare k'ofaan zaara zaaraadekka hawaadan yaagaaddu;30Unttunttu omoodiide shaakkiyaawaa demmennaan aggikkino.Itti itti olanchchaa itti itti woy laa"u laa"u wodoratuu gakkennan aggikkino.Sisaaraw unttunttu lo"iyaa mayuwaa immana;k'ay tawukka k'ood'iyaan s'aas'anaw,s'ilifiyaan alleek'k'ettiide lo"iyaa mayotuwaaunttunttu ahana yaagaaddu.
31«Abeet Med'inaa Godaw, ne morkketuu ubbay hewaadan hayk'k'iino!Shin ne siik'atuu guura doliyaa awaadan p'oolino;away bare wolk'k'aan kesiyaawaadan» yaageeddino.Hewaappe guyyiyaan, gadii oytamu laytsaa woppaa demmeedda.
expand_more
Search