Yoftaahenne Efreema Asaa
1Efreema asay ola baanaw xeegetidi, Yordaanose shaafa pinnidi, Xafoona gakida wode Yoftaaheko, “Amooneta olanaw zawa pinnada bashe nuuni neera baana mela ayis xeegabikii? Nuuni ne bolla gordidi ne keethan tama yeddana” yaagidosona.2Yoftaahey entako, “Taaninne ta asay Amoonetara daro baaxen gelida wode hintena xeegas; shin hinte tana entafe ashshibeketa.3Hinte tana ashshonaysa be7ida wode zawa pinnada ta shempuwas qadhetonna Amooneta olanaw bas; Goday enta ta kushen aathidi immis. Yaatin, hinte hachi ayis tana olanaw yidetii?” yaagis.4Yoftaahey Galada asa ubbaa shiishidi, Efreema asaara oletin Galada asay xoonidosona. Efreema asay kase enta, “Hinte Galada asay kase Efreemanne Minaase kochata kaddidi yidaysata gideketii?” yaagosona.5Efreema asay kessi ekonnaada Yordaanose shaafa pinuwa ubbaa Galadati oykidosona. Kessi ekanaw koyiya Efreema asi pinnanaw oychiya wode Galadati, “Neeni Efreema asee?” yaagidi oychoosona. I, “Gidike” giiko,6enti, “Ane, ‘Shiboleete’ ga” yaagosona. Shin i, “Shi” geetetiya pidaliya loythi xeeganaw danda7onna gisho, “Siboleete” yaagees. I hessa giya wode oykidi, Yordaanose shaafa pinniya bessan wodhoosona. He wode yan Efreema asaape oytamanne nam7u mukulu asay hayqis.7Yoftaahey Isra7eele asaa usupun laythi aysis. Galada addey Yoftaahey hayqidi Galadan de7iya issi kataman moogetis.Ibxana, Eloona, Abdoona
8Yoftaahepe kaallidi, Beetelemen Ibxani Isra7eele asaa haaris.9Ibxanas hastamu adde naytinne hastamu macca nayti de7oosona. I ba macca nayta ba koche gidonna adde naytas immis; ba adde naytas ba koche gidonna macca nayta giigisidi immis. Ibxani Isra7eele laapun laythi aysis.10Hessafe guye, Ibxani hayqidi Beetelemen moogetis.11Ibxanape kaallidi Zabloona koche gidida Elooni Isra7eele asaa tammu laythi haaris.12Hessafe guye, Elooni hayqidi Zabloona biittan de7iya Ayaloonan moogetis.13Eloonape kaallidi, Piratoona addey, Hilaala na7ay Abdooni Isra7eele aysis.14Abdoonas laapun tammu baqulota toggiya oytamu adde naytinne hastamu na7a na7i de7ees. Abdooni Isra7eele hospun laythi aysis.15Hessafe guye, Hilaala na7ay Abdooni hayqidi derey dariya Amaaleqan, Efreema biittan, Piratoona geetetiya duufon moogetis.