Esaya9mkw_wbt

1Bantu yina vwandaka tambula na kati ya mpewo ya lufwa,bawu me tala nsemo ya nene,nsemo ke na kulezima na bayina vwandaka zinga na yinsi ya mpewo ya lufwa.2Yave nge me sala ti bantu ya nge kuma mingi,nge me fulusa bawu na nsayi mingi.Bawu ke na kuyangalala na mantwala ya nge, mutindu bantu ke yangalalaka na ntangu ya kuyonzika bambuma,mutindu bantu ke yangalalaka na ntangu, ya kukabula bimvwama na manima ya kununga mvita.
3Ya tsyelika, nge me kuula bantu ya nge na kizitu yina ba vwandaka na yawu,nge me kuula bawu na mufuna ya dema yina vwandaka na mukongo ya bawu,nge me kuula bawu na lukoti yina ba vwandaka bula bawu,nge me mwangisa nyonso yina mutindu nge salaka yawu kilumbu yina nge nungaka ba-Midyane.4Mapapa nyonso yina bambeni lwataka, mapapa yina vwandaka dyata ntoto,mpe binkuti nyonso yina vwandaka ya kufuluka na menga,ba ke yoka yawu na tiya.5Samu ti mwana me butuka samu na beto,ba me pesa beto mwana ya bakala,lutumu kele na zulu ya magembo ya yandi,ba ke pesa yandi nkumbu yayi: Mulongisi ya mambu ya ngitukulu,Nzambi ya lulendo,Tata ya mankululu, Mfumu ya kizunu.6Yandi ke yalumuna lutumu ya yandi, mpe ke pesa kizunu yina ke sukaka ve,samu na kiti ya kintinu ya Davidi mpe yinsi ya kintinu ya yandi,yandi ke vwandisa mpe ke syamisa yawu na kusungama mpe ludedomo,kubanda bubu yayi tii bantangu nyonso.Yayi ni mambu yina Yave Nzambi ya Binwani ke sala na luzolo ya yandi ya kulutila.

Nkele ya Yave samu na bantu ya yandi

7Yave me tuba dyambu samu na kutalisa Yakobi mpasi,yawu me bwidila Isayeli.8Bantu nyonso ke zaba yawu,Efalayime mpe bantu ya Samaliya,ke zonzaka na lunangu mpe matalana.9Bibaka ya bibiliki me kubwa,beto ke tunga dyaka yawu na matadi ya nene.Bantu me zenga bayinti ya sikomole,beto ke yingisa yawu na bayinti ya sedele.10Yave ke sala ti bambeni ya ntinu Lesine kununga bantu ya Isayeli,yandi me kindisa bawu.11Bantu ya Alame ke vwanda na esete,bantu ya filiseti ke vwanda na wesete,bawu ke bukuta Isayeli na mbala mosi.Ata nyonso yina, nkele ya yandi ke na kukuluka ve,diboko ya yandi kele kaka ya kulambuka.
12Bantu ke vutuka ve na yandi yina vwandaka bula bawu,bawu ke sosa ve Yave Nzambi ya Binwani.13Na yina, Yave ke zenga yintu ya Isayeli mpe mukila ya yandi,yandi ke zenga kintala ya diba mpe twandu,na kilumbu mosi.14Bakuluntu na bantwadisi ni bawu kele yintu,mimbikudi yina ke longaka mambu ya luvunu, kele mukila.15Bayina ke na kutwadisa bantu, ke na kuvuna bawu,bayina ba ke na kutwadisa ke na kulanda nzila ya yimbi.16Ni yawu yina, Yave ke na kuyangalala ve na matoko ya bawu,yandi ke vwanda ve na kyadi ya bansaana mpe mifwidi.Samu ti bawu nyonso kele bantu ya yimbi,bantu yina ke salaka kaka yimbi,bawu nyonso ke tubaka kaka mambu ya buzoba.Ata nyonso yina, nkele ya yandi ke na kukuluka ve,diboko ya yandi kele kaka ya kulambuka.
17Ya tsyelika, yimbi ya bawu ke na kulema mutindu tiya,mutindu tiya ke yokaka bansende ya mutindu na mutindu,yawu ke yokaka bayinti ya fyoti ya mfinda,kisika yina mulinga ke kwendaka na zulu.18Samu na nkele ya Yave Nzambi ya Binwani,yinsi nyonso me kuya na tiya,bantu mpe me kuya na tiya.Ata muntu ke tala mpangi ya yandi kyadi.19Bantu me baka bima ya ngana na ngolo na lweka ya lubakala,kasi bawu ke kaka na nsatu, ba me botola bima na lweka ya kento,kasi bawu me yukuta ve, bame kudya na diboko ya nkento,konso muntu ke na kudya musuni ya diboko ya yandi.20Dikanda ya manase ke nwanisa dikanda ya Efalayime,dikanda ya Efalayime ke nwanisa dikanda ya manase,makanda nyonso zole ke vukana samu na kwiza nwanisa Yuda.Ata nyonso yina, nkele ya yandi ke na kukuluka ve,diboko ya yandi kele kaka ya kulambuka.
expand_more
Search