عَننَبِ عٍسَيِ66sus_apb

كِيتِ نُن كِسِ

1مَرِفِ شَ مَسٍنيِ نَن يَ،«كٌورٍ نَن نَ ﭑ مَ كِبَنيِ رَ،دُنِحَ نَن نَ ﭑ سَن تِدٍ رَ.بَنشِ مْولِ مُندُن نْمَ تِدٍ ﭑ تَن بّ؟يِرٍ مُندُن نْمَ قِندِدٍ ﭑ مَلَبُدٍ رَ؟2ﭑ بّلّشّ نَن سٍيٍ بِرِن نَقَلَشِ نَشٍيٍ نَ دُنِحَ.»عَلَتَلَ شَ مَسٍنيِ نَن نَ كِ.«مِشِ نَشَن نَقَن ﭑ مَ،عَ قِندِشِ يّتّ مَفٌرٍ نَن نَ،عَ فَاشُ ﭑ يَ رَ، عَ ﭑ شُي سُشُ.3كْنْ مِشِ نَشَن نِنفٍ بَمَ سّرّشّ رَ فبَنسَن،نَ تَن لُمَ نّ عَلْ قَشّتِ.مِشِ نَشَن يّشّي بَمَ سّرّشّ رَ فبَنسَن،نَ تَن لُمَ نّ عَلْ مِشِ نَشَن بَرٍ كْنيِ فِرَ مَ.مِشِ نَشَن سَنسِ شْرِ بَمَ سّرّشّ رَ فبَنسَن،نَ تَن لُمَ نّ عَلْ مِشِ نَشَن شْسّ وُلِ بَمَ سّرّشّ رَ.مِشِ نَشَن سُرَيِ فَنمَ سّرّشّ رَ فبَنسَن،نَ تَن لُمَ نّ عَلْ كُيٍ بَتُي.عٍ بَرَ عٍ شَ كِرَ سُفَندِ،كِرَ نَشَن قِندِشِ سّنِيّنتَرٍحَ شْنشِ رَ.4نَ كُي ﭑ قَن عٍ حَشَنكَتَمَ نّ،ﭑ قٍ مَفَاشُشِ رَفٌرٌ مَ نّ عٍ مَ،بَرِ مَ ﭑ تٌ عٍ شِلِ، عٍ مُ ﭑ مَ شِلِ رَتِنشِ،ﭑ تٌ وْيّن، عٍ مُ عٍ تُلِ مَتِ ﭑ نَ.عٍ بَرَ قٍ حَاشِ رَبَ ﭑ يَ شْرِ،عٍ بَرَ كِرَ سُفَندِ، نَشَن مُ رَقَن ﭑ مَ.»
5وٌ شَ وٌ تُلِ مَتِ عَلَتَلَ شُي رَ،وٌ تَن نَشٍيٍ فَاشُشِ عَ يَ رَ،«وٌ نفَشَكٍرٍنيِ نَشٍيٍ وٌ شْنمَ،عٍ وٌ كٍرِ ﭑ شِلِ شَ قٍ رَ، عٍ نَشّ،‹وٌ شَ عَلَتَلَ تَنتُ عَلَكٌ مُشُ شَ وٌ شَ سّيوّ تٌ.›كْنْ عٍ قَمَ نّ يَافِدٍ.6وٌ بَرَ نَ سْنشْي مّ كٍلِقٍ تَا كُي،كٍلِقٍ عَلَ شَ هْرْ مْبَنشِ كُي؟عَلَتَلَ نَ عَ يَشُييٍ سَرٍ قِقٍ.نَ قِندِشِ نَ شُي نَن نَ وٌ نَشَن مّمَ.»
7بٍينُ دِ بَرِ شْنّ شَ عَ لِ،عَ حَن فّ دِ بَرِدٍ.بٍينُ تْورّ شَ قَ،عَ حَن بَرَ دِ شّمّ سْتْ.8ندٍ سِنفٍ بَرَ يِ قٍ مْولِ مّ؟ندٍ سِنفٍ بَرَ يِ قٍ مْولِ تٌ؟حَمَنّ نْمَ قِندِدٍ عَ رَ لْشْي كٍرٍن كُي؟بْنسْي نْمَ سّنبّ سْتْدٍ تّمُي كٍرٍن كُي؟كْنْ سِيٌنِ بَرَ قٌيٍ تٌ كٍرٍن نَ.9وٌ مَرِفِ عَلَتَلَ نَشّ،«ﭑ مِشِ مَلِمَ هَن عٍ دِ بَرِ تّمُي، ﭑ قَ عٍ رَبٌلٌ نَ كُي؟فِنّ قُرِ نَ مْ، ﭑ مُ قَمَ نَ دِ بَرِ سْونّيَدٍ شّ؟»10وٌ تَن دَرِ سَلَمُ رَقَن نَشٍيٍ مَ،وٌ شَ سّيوَ عَ شَ قٍ رَ.وٌ تَن نَشٍيٍ وَ مَ عَ بّ،وٌ شَ حّلّشِن عَ شَ قٍ رَ.11وٌ قَمَ نّ عَ شِحّ مِندٍ هَن وٌ لُفَ،وٌ بْحّسَ سْتْ عَ سَابُي رَ،عَ وٌ هَيِ بِرِن قَن.12عَلَتَلَ شَ مَسٍنيِ نَن يَ،«ﭑ بْحّسَ قِمَ نّ عَ مَ عَلْ شُرٍ شُنفبٍ،ﭑ حَمَنّ نَاقُلِ شَنِنمَ نّ عَ شْن مَ عَلْ بَنبَرَنيِ.عَ قَمَ نّ مّينِدٍ وٌ مَ عَلْ دِنفّ مّينِمَ عَ شَ دِ مَ كِ نَشّ.13ﭑ وٌ شَ تْورّ بَمَ نّ وٌ مَ عَلْ دِنفّ عَ شَ دِ شَ تْورّ بَمَ كِ نَشّ.نَ بِرِن تٌمَ نّ دَرِ سَلَمُ.»
14وٌ نَ نَ تٌ، وٌ بْحّ سّيوَ مَ نّ،وٌ شَ قٍ سْونّيَ عَلْ حٌوفٍ نَشَن تٌمَ قِيلِ مَ.عَلَتَلَ عَ سّنبّ مَسٍنمَ نّ عَ شَ كٌنيِيٍ بّ،عَ يَشُي قَمَ نّ عَ شَ شْنّ كٌلٌندٍ.15عَلَتَلَ نَن نَ كِ، عَ نَ قَقٍ تّ شْورَ،عَ حّرّ مَ قٌيٍ شُنفبٍ قَرِ.عَ عَ شَ شْنّ رَفٌرٌ مَ نّ سّنبّ رَ،عَ حَشَنكَتّ تِ تّ رَ.16عَلَتَلَ عَ شَ كِيتِ سَمَ نّ تّ نُن سَنتِدّفّمَ رَ،عَ قَ مِشِ فبٍفبٍ سْنتْدٍ.17عَلَتَلَ نَشّ، «مِشِ نَشٍيٍ سّرّشّ بَمَ وٌندِ كُي، عٍ قَ شْسّ نُن بَلٍ سُبٍ دٌن، عَ نُن دٌنسٍ سّنِيّنتَرٍ فبّتّيٍ عَلَتَلَ نَشٍيٍ شْنشِ، عٍ شَ قٍ قَمَ نّ رَحْندٍ كٍرٍنيِ رَ.»18«ﭑ قَمَ نّ سِ بِرِن مَلَندٍ، سِ نَشٍيٍ شُي وُيَشِ قَلَمَ، ﭑ قَ ﭑ مَ نْرّ مَسٍن عٍ بّ عٍ شَ قٍ رَبَشِيٍ نُن عٍ شَ مَحْشُنيِيٍ شَ قٍ رَ.19ﭑ تْنشُمَ ندٍ لُمَ نّ عٍ تَفِ، ﭑ قَ عٍ شَ مِشِ كِسِشِيٍ شّي بْنسْييٍ تَفِ، عَلْ تَرَ سِسِ، ثُلُ، لُدُ شَلِ وٌلِيٍ، تُبَلِ، يَوَنِ، نُن سِ فبّتّ نَشٍيٍ نَ يِرٍ مَكُيٍيٍ، نَشٍيٍ مُ ﭑ شِلِ كٌلٌن، نَشٍيٍ مُ ﭑ مَ نْرّ تٌشِ سِندٍن. ﭑ مَ شّيرَيٍ قَمَ نّ ﭑ مَ نْرّ مَسٍندٍ عٍ بّ.20عٍ مَن قَمَ نّ وٌ نفَشَكٍرٍنيِيٍ رَ نَشٍيٍ تٌمَ نَ حَمَنّيٍ تَفِ. عٍ قَمَ نّ عٍ رَ ﭑ مَ فٍيَ سّنِيّنشِ قَرِ عَلْ سّرّشّ قَمَ كِ نَشّ. عٍ قَمَ نّ عٍ رَ سٌييٍ نُن حْشْمّيٍ قَرِ، عٍ تِشِ سَرّتِيٍ كُي. عٍ قَمَ نّ نَ بِرِن نَ عَلْ عِسِرَيِلَكَيٍ قَمَ عٍ شَ هَدِيَيٍ رَ سٍسَسٍ سّنِيّنشِيٍ كُي كِ نَشّ عَلَتَلَ شَ هْرْ مْبَنشِ كُي.21ﭑ سّرّشّدُبّ ندٍيٍ سُفَندِ مَ نّ عٍ قَن يَ مَ، عٍ شَ لُ لٍوِ بْنسْي سّيتِ مَ.»22«ﭑ تَن عَلَتَلَ، ﭑ شَ عَ قَلَ وٌ بّ، عَ ﭑ قَمَ نّ كٌورٍ نّينّ نُن بْشِ نّينّ يَءِلَندٍ وٌ بّ. نَ بُمَ كِ نَشّ، وٌ شِلِ نُن وٌ بْنسْي بُمَ نَ كِ نّ عَبَدَن.23كٍلِ كِكٍ نّينّ سّرّشّ مَ هَن كِكٍ نّينّ سّرّشّ فبّتّ، كٍلِ مَلَبُ لْشْي مَ هَن مَلَبُ لْشْي فبّتّ، عِبُنَدَ مَ بِرِن قَمَ نّ سُيِدِدٍ ﭑ يَ عِ.24عٍ مِشِ قَشَشِيٍ تٌمَ نّ نَشٍيٍ مُرُتَشِ ﭑ مَ. نِمَسٍيٍ عٍ قُرٍيٍ دٌنمَ نّ، تّ قَن عٍ سُبٍ فَن، عٍ قَ قِندِ قٍ مَفَاشُشِ رَ عَدَ مَدِيٍ بّ.»
expand_more
Search