Read ኢሳያሳ ቲንቢቴ 66

ኢሳያሳ ቲንቢቴ66gmv_etw

ፒርዳኔ ሂዶታ

¹ጎዳይ፥ «ሳሎይ ታስ ኣራታ፤ሳኣይካ ታስ ዬዛሶ፤ሂስቲን ኢንቴ ታስኬጻና ኬኔታ ሼምፓና ሶይ ኣዋይሴ?²ሃይታ ኡባታ ኩሼይ ኦቤኔ?ሃይቲ ቤታና ማላ ኦዳይታና ጊዲኪና?ታኒ ኣሽኬ፤ዎዚናይ ሜቂዳዴኔታ ቃላስካ ኮኮሪዛዴኮታ ጼላይስ።

³«ጊዶ ኣቲን ታስ ቦራ ያርሺዛዴይኣስ ዎዛዴ ማላ፥ዶርሳ ላቃ ያርሺዛዴይካና ጩሊ ዎዛ ኣሳ ማላ፤ካ ያርሾ ሺሺዛዴይ፥ጉዱን ሱሺሺዛዴ ማላ፤ቆፊሶስ ኤጻኔ ታስ ጩኣሲዛዴይ፥ኤቃ ጾስ ጎይኒዛ ኣሳ ማላ፤ኢስቲ ባንታ ኦጌ ዶሪዳ፤ኢስታ ሼምፖያካኢስታ ቱናቴን ኡፋዬታዉስ።⁴ሄሳ ጊሻስ ሜቶታ ኢስታ ቦላ ጋና፤ኢስቲ ያዪዳ ሚሺካታ ኢስታ ቦላ ኤሃና፤ጋሶይካ ታ ጼይጊዛ ዎዴኢስቲ ኮዪቤቴና፤ታ ዮቲሺን ኢስቲ ኤዝጊቤቴና፤ታ ሲንን ኢታ ሚሽ ኦዳ፤ታና ኢቲዛ ሚሽ ዶሪዳ» ጌስ።

⁵ኢንቴኖ ቃላስ ኮኮሪዛይቶ፥ሃይሳ ጎዳ ቃላ ሲዪቴ፤«ኢንቴ ኢሻንቲኢንቴና ኢጺዳይቶ፥ታ ሱን ጊሻስኢንቴና ኬሲ ዬጊዳይቶ!ኢንቴና፥ ‹ኣኔ ጎዳይቦንቼቶ!ኣኔ ኢንቴ ኡፋይሳካ ቤኦስ› ጊዳ፤ጊዲኮካ ኢስቲዬላታናይሲ ኣቴና።⁶ሄሳ ካታማን ዲዛ ዋሶዛ ሲዪቴ፤ጾሳ ኬን ዲዛጫባ ሲዪቴ፤ሄሲካ ጎዳ ጬንጉርሳ፤ኢዚ ባ ሞርኬታስቤሲዛ ዋጋ ቃንጻና።⁷ሚጻታናፔ ካሴታ ዬላዉስ፤ሚጻ ዋዬ ቤኦንታ ዳሼኣቱማ ና ዬላዉስ።⁸ሄሳ ማላ ዮኦ ሲዪ ኤሪዛይ ኦኔ?ሄሳ ማላ ዮኦቤኢ ኤሪዛይ ኦኔ?ዴሬይ ኢሲ ጋላስ ሜቲ ኤሪዜ?ዎይኮ ካዎቴቲቂጲዳ ኣይፌይጼላናሼ ጋካናስቤቲ ኤሪዞ?ጺዮኖ ቡሮ ሚጻይ ኦይኪሺንሄራካ ባ ናይታ ዬላዉስ።⁹ዬሌታና ማቲዳይሳዬሌቶንታ ማላታኒ ዲጋዚና?» ጌስ ጎዳይ።«ዬሊሺን ዬሊዛ ኡሎታ ጎርዳ ኤራዚና?»ጌስ ኔ ጎዳይ።¹⁰«ኢንቴኖ ዬሩሳላሞሲቂዛ ኡባቶ፥ኢዚራ ኡፋዬቲቴ፤ኢንቴ ኢዚራ ሆምቦጪቴ፤ኢዚስ ዬኪዳ ኡባቲኢዚራ ኬሂ ኡፋዬቲቴ።¹¹ሚንዛ ኢዚ ንኢንቴ ሚዲ ካላና፤ኢንቴስ ጊዳናሼ ጋካናስኢንቴ ኡያና፤ኬሂፔ ዳሮ ጊዲዳኢዚ ዱሬቴንኢንቴ ኡፋዬታና» ጌስ ጎዳይ።

¹²ጎዳይ፥ «ቤኢቴ፥ታኒ ኢዚስ ሳሮቴጊታ ሻፋ ማላ ጎጊሳና፤ካዎቴታ ኣቆታሻፋ ሃ ማላ ጎጊሳናኢንቴ ኢዚ ኪኦንኢዲሜቲ ማና፤ኢዚ ኪኦን ኡቲዲ ኢንቴ ጉፓና።¹³ኣያ ባ ና ኣልኢሲዛ ማላታካ ኢንቴና ኣልኢሳና፤ኢንቴ ዬሩሳላሜንሚኔታና» ጌስ።

¹⁴ኢንቴ ሄሳ ቤኢዛ ዎዴኢንቴ ዎዚናይ ኡፋዬታና፤ኢንቴ ሜቄይካማታ ማላ ጪሊላና፤ቃሴ ጎዳ ኩሼይኢዛ ኣይሌታ ቦላ ዲዛይሲ ኤሬታና፤ኢዛ ሃንቆይ ጊዲኮኢዛ ሞርኬታ ቦላ ቆንጫና።

¹⁵ሄኮ ጎዳይ ታማ ላጮን ያና፤ኢዛ ፓራ-ጋሬቲ ጎቴ ጫርኮ ማላ፤ኢዚ ባ ዪሎ ሃንቆን፥ባ ሴራ ታማ ላጮን ቆንጪሳና።¹⁶ታማኒኔ ማሻንጎዳይ ባ ፒርዳኣሳ ኡባ ቦላ ኤሃና፤ዳሮቲ ጎዳማሻን ሹኬታና።¹⁷ጎዳይ፥ «ኣታኪልቴይ ዲዛሶሆ ቢዲ ኢስታፌ ኢሳስ ጎይናናስ ባና ጌሺዛይቲኔ ዱማሲዛይቲ፥ ጉዱን ኣሾኔ ኤጬሬ ኣሾ፥ ቱኒዳ ሚሻታ ሚዛ ኡባቲ ባ ፒርዳ ዉርሴን ኢሲፌ ኤካና» ጌስ።¹⁸«ታኒ ኢስታ ኦሶኔ ኢስታ ቆፋ ኤሪዛ ጊሻስ፥ ካዎቴታ ኡባኔ ዱማ ዱማ ቃላን ሃሳይዛ ኡባታ ኢሲፌ ሺሻናስ ያና፤ ኢስቲካ ዪዲ ታ ቦንቾ ቤኣና።¹⁹ታኒ ኢስታ ጊዶን ማላታ ኦና፤ ኢስታፌ ኣቲዳ ኢሲ ኢሲኔታ ጌዴ ካዎቴታኮ፥ ታርሴሴ፥ ፑጼ፥ ዎንዳፌን ኦሌቲዛ ኤሬቲዳ ሉዴታኮ፥ ቱባሌኔ ያዋኔ ሄሳካ ታ ጎባቴ ሲዮንታይታኮኔ ታ ቦንቾ ቤዮንታይታኮ ሃኮን ዲዛ ኣባ ጊዶን ዲዛ ሃሩሮታኮ ታ ዬዳና፤ ታ ቦንቾ ካዎቴታ ጊዶን ዮታና።²⁰ጎዳስ ያርሾ ጊዳና ማላ ኢንቴ ኢሻታ ኡባታ ካዎቴታፔ ቦንቼቲዳ ታ ዙማ ዬሩሳላሜ ፓራን፥ ፓራ-ጋሬኒኔ ጋሬን፥ ባቁሎኒኔ ጋሜላን ኢስታ ኤሃና። ኢስራኤሌ ኣሳይ ካ ያርሾ ዎጋን ዲዛ ማላ ጌሻ ሚሻን ዎዲ ጎዳ ኬ ሺሺዛ ማላ ሃይታካ ሺሻና።²¹ታኒካ ኢስታፌ ባጋይታ ቄሴታኔ ሌዌታ ጊዳና ማላ ታ ዶራና» ጌስ።²²ጎዳይ፥ «ታኒ ሜና ኦራ ሳሎቲኔ ኦራ ሳኣይ ታ ሲንን ሚኒ ዳናይሳ ኢንቴ ሱንኔ ኢንቴ ዜሬ ሱን ሄሳ ሚኒ ዳና።²³ኣጊና ጼሮፔ ቢዲ ሃራ ኣጊናይ ጼራና ጋካናስ፥ ኢሲ ሳምባታፔ ቢዲ ሃራ ሳምባታ ጋካናስ፥ ኣስ ጊዲዳ ኡባይ ታስ ጎይናና ያና።²⁴ኢስቲ ኬዚዲ ታ ቦላ ማካሊዳ ኣሳታ ኣሃ ቤኣና። ኢስታ ሚዛ ጉጹኔይካ ሃይቄና፤ ኢስታ ሚዛ ታማይካ ቶኤና። ኢስቲ ኣሳ ዜሬ ኡባስ ሃራሲዛዝ ጊዳና» ጌስ።

ኢሳያሳ ቲንቢቴ 66 / gmv_etw

ፒርዳኔ ሂዶታ

ኢሳያሳ ቲንቢቴ66gmv_etw