Read ዒሲያሴ ማፃኣፖ 62

ዒሲያሴ ማፃኣፖ62mdy_twf

ፂዮኔኮ ዓኮ ሱንፆ

¹ዒዞም ዎጊንታንዳ ዎጋ ሳዓ ካሪሢጉዲ ፖዓንዳኣናዻቂንታ ዔኤታ ኩሻጉዲ ፖዒሳንዳያ ሄላንዳኣናታኣኒ ፂዮኔ ዛሎ ዚቲ ጋዓዓኬ፤ዬሩሳላሜ ዛሎዋ ማሊፆ ሃሺ ሃውሻዓኬ።²ዴራ ኔኤም ዎጊንታ ዎጎ፥ ካኣታኣ ቦንቾ ኔኤኮ ዛጋንዳኔ፤ናንጊና ናንጋ ጎዳ ኔኤም ጌሣ ዓኮ ሱንፆና ኔኤኒ ዔኤሊንታንዳኔ።³ኔኤኒ ናንጊና ናንጋ ጎዳኮ ኩጮይዳ ዓኣካኣታ ቶኦካ ዓጋ ቦንቾ ባኮጉዲ ማዓንዳኔ።⁴ሃካፓ ሴካ ኔ «ሃሺንቴዞ» ጌይ ዔኤሊንታዓኬ፤ሳዓኣ ኔኤኮ «ጉሪ ቤሲ» ጌይንቲንዱዋሴ፤ኔኤኒ ዔኤሊንታንዳ ዓኮ ሱንፃ፦«ናንጊና ናንጋ ጎዳ ኔኤና ዎዛዻኔ» ጌይንታያ ማዓንዳኔ፤ሳዔላኣ ኔኤኮ «ዓኒ ዓኣያ» ጌይንታንዳኔ፤ናንጊና ናንጋ ጎዳ ኔኤና ዎዛዻንዳኔ፤ሳዔላ ኔኤኮ ዓኒ ዓኣ ላኣሊጉዲ ማዓንዳኔ።⁵ዼጌ ኩሙሢ ዉዱሮ ናይ ዔኪ ዑኡታዻሢጉዲኔኤኮ ናኣታ ኔና ዔካንዳኔ፤ዑኡታሢ ዑኡቴሎ ዔኬሢሮ ዎዛዻሢጉዲፆኦሲ ኔኤና ዎዛዻንዳኔ።

⁶ዬሩሳላሜ! ኔኤኮ ኬኤሎ ዲፆ ዑፃ ካፓ ዓሶ ታ ዴይሤኔ፤ሮኦሮንታ ዋኣንቶንታ ፔቴታዖ ዔያታ ዚቲ ጋዓዓኬ፤ዒንሢ ናንጊና ናንጋ ጎዳ ሺኢቃዞንሢሃውሺ ዚቲ ጌይፖቴ።⁷ዬሩሳላሜ ዒ ጊንሣ ማዣንዳያ ሄላንዳኣናዓጮ ቢያይዳ ዔርቴ ካታማ ዒዞ ዒ ማሃንዳያ ሄላንዳኣናሃውሹዋዖ ዒዛም ኬኤዙዋቴ።

⁸ናንጊና ናንጋ ጎዳ ፔኤኮ ዎልቄና ቢታንቶና ሂዚ ጌዒ ጫኣቄኔ፦«ሃካፓ ሴካ ሃኣኮ ኔኤኮ ሞርካ ሙዓንዳጉዲ ታ ዒንጋዓኬ፤ኔኤኒ ላቤ ዎይኖ ዑዦ ኔኤኮ ሜሌ ዓጫፓ ሙኬ ዓሳዑሽካንዳጉዲ ታ ማሃዓኬ።⁹ጋዓንቴ ኮና ዔያታ ዋሄ ሃኣኮ ፔኤሮ ሙዒታና ናንጊና ናንጋ ጎዳ ጋላታንዳኔ፤ዎይኖ ቲቂ ዔኪ ኮሼ ዎይኖ ዑዦ ዔያታ ፔኤሮዓሳ ቡካ፥ ታኣም ዱማዼ ጶኦካ ዑሽካንዳኔ።¹⁰ጌሎ ዲሮ ካሮ ባንፆና ዓኣዹዋቴ፤ዓሶም ጎይፆ ጊኢጊሹዋቴ፤ዳልጎ ጎይፆዋ ኮሹዋቴ፤ሹጮዋ ቡጊ ኬሱዋቴ፤ባንዴሮዋ ዴሮም ዼጊዲ ሱፁዋቴ።»¹¹ናንጊና ናንጋ ጎዳ ዓጮም ቢያ፦«ዓውሳሢ ኔኤኮ ሙካኔ፤ማዼሢ ዛሎ ዓሶም ዒዚ ጪጋንዳያና ዒንጋንዳ ባኮ ዔኪ ዬዓኔጌዒ ፂዮኔ ዉዱሮ ናዔሎም ኬኤዙዋቴ» ጌዔኔ።¹²ዬኖ ዎዶና ዔያታ፦ «ፆኦሲም ዱማዼ ዴሬ፤ናንጊና ናንጋ ጎዳ ዓውሴዞንሢ» ጌይንታንዳኔ፤ኔኤኒ ኮይንታያ፥ ሃካፓ ሴካ ሃሺንቱዋ ካታማ ጌይንታንዳኔ።

ዒሲያሴ ማፃኣፖ 62 / mdy_twf

ፂዮኔኮ ዓኮ ሱንፆ

ዒሲያሴ ማፃኣፖ62mdy_twf