Read ዒሲያሴ ማፃኣፖ 61

ዒሲያሴ ማፃኣፖ61mdy_twf

ዻቂንታ ዛላ ኬኤዛ ኮሺ ሃይሴ

¹ናንጊና ናንጋ ጎዳኮ ዓያና ታኣና ዓኣኔ፤ማንቆ ዓሶም ኮዦ ሃይሶ ታ ኬኤዛንዳጉዲዒዚ ታና ዶኦሚ ቲሽኬኔ፤ዒና ሜቄዞሢ ታ ኮኦላንዳጉዲዲዒንቲ ዔውቴ ዓሶም ዓይላታፓ ኬስኪሢቱኡቲ ዓኣ ዓሶም ቡሊንቲሢሃይሴ ታ ኬኤዛንዳጉዲ ዒ ታና ዳኬኔ።²ናንጊና ናንጋ ጎዳኮ ማኣሪፆ ሌዖናኑ ፆኦዛሢ ኮሞ ኮፃንዳ ኬሎ ዛሎዋ ታ ኬኤዛንዳጉዲዬኤካ ዓሶ ቢያ ታ ዶዲሻንዳጉዲ³ፂዮኔይዳ ዖያ ዓሶም ኮይሳ ባኮ ዒንጋንዳጉዲዲቢንፆ ቤዛ ሚዛጶ ቶኦካ ዓጎ ባኮ ታ ዔያቶም ዓጋንዳጉዲዬኤፖ ቤዛ ዎዛሳ ዛይቶ ቲዦ ዔያቶ ቶኦካ ታ ዋሃንዳጉዲዖያ ዓያኖ ቤዛ ጋላታ ዓይኑሞ ታ ዒንጋንዳጉዲ ዒዚ ታና ዳኬኔ።ዔያታ ዒዛኮ ቦንቾ ፔጋሳያ ማዓንዳጉዲ«ናንጊና ናንጋ ጎዳ ቱኬ ፂሎ ሻኣቢ» ዔያታ ጌይንታንዳኔ።⁴ዔያታ ሚና ዶዒ ሻሂንቴ ካታሞ ማሂ ማዣንዳኔ፤ቤርታዺ ጋፒ ባይቄ ባኮ ጊንሣ ዔያታ ኮሻንዳኔ፤ኬስኬ ኬስኬ ሾይንቶና ሻሂንቴ ካታሞ ዔያታ ዓካሳንዳኔ።

⁵ሜሌ ዓጫፓ ሙኬ ዴራ ዒንሢኮ ቆልሞ ሄንቃንዳኔ፤ጎዦዋ ዒንሢኮ ዔያታ ጎሽካንዳኔ፤ዎይኖዋ ዔያታ ኮሺ ኮሺ ካፓንዳኔ።⁶ዒንሢ ጋዓንቴ «ናንጊና ናንጋ ጎዳኮ ቄኤሶ» ጌይንታንዳኔ፤ዓሳኣ ዒንሢ «ፆኦሲም ማዻዞንሢ» ጋዓንዳኔ፤ዴሮኮ ቆሎ ዔኪ ዒንሢ ዎዛዻንዳኔ፤ዔያቶ ዖርጎቼ ባኮ ዒንሢሮ ማሂጋፓ ዒንሢ ቦንቺንታንዳኔ።⁷ታ ዴራ ቦርሲንቴ ቤዞ ጳንጬ ቦንቾ ዴንቃንዳኔ፤ዻውሲንቴ ቤዞዋ ዔያቶም ዒንጊቴ ባኮና ዎዛዻንዳኔ፤ዔያቶኮ ቤርታኣ ሳዖፓ ጳንጬ ማዔ ሳዓ ዔካንዳኔ፤ናንጊና ናንጋ ዎዛኣ ዔያቶም ማዓንዳኔ።

⁸ታኣኒ ናንጊና ናንጋ ጎዳ ፒዜ ዎጌ ናሽካኔ፤ቡሪሢና ፑርታ ማዾ ታ ዒዒፃኔ፤ዔያታ ማዼሢ ዛሎ ዔያቶም ኮይሳሢጉዴያ ዒንጋንዳኔ፤ዔያቶና ዎላ ናንጊና ናንጋ ጫኣቁሞ ታ ጫኣቃንዳኔ።⁹ዔያቶኮ ዜርፃ ካኣቶናናኣታኣ ዔያቶኮ ዴሮ ባኣካ ዔርቴያ ማዓንዳኔ፤ዛጋ ዓሳ ቢያ ናንጊና ናንጋ ጎዳ ዔያቶ ዓንጄያታሢ ዔራንዳኔ።

¹⁰ታኣኒ ናንጊና ናንጋ ጎዳና ኮሺ ዎዛዻኔ፤ሼምፓሢ ታኣኮ ፆኦዛሢና ዎዛዻኔ፤ዑኡታሢ ፔና ኮሻኒ ዓፒላ ቶኦካ ማራሢጉዲዑኡቴላ ፔኤኮ ሚዛጶ ፓልማሢና ፓልሚንታሢጉዲዻቂንታ ዓፒላ ታና ዒ ማይሴኔ፤ፂሉሞ ማኣዖዋ ዒ ታ ዑፃ ቃሲ ቃሲ ኩሌኔ።¹¹ሳዓ ዔኤቢ ባቃልሳሢጉዲቱኮ ባኣዚ ቱኮ ጎዣ ዱማ ዱማ ሚፆ ዑጊሳሢጉዲናንጊና ናንጋ ጎዳ ፂሉሞንታ ጋላታንታዴሮፓ ቢያ ዓልቃንዳጉዲ ማሃንዳኔ።

ዒሲያሴ ማፃኣፖ 61 / mdy_twf

ዻቂንታ ዛላ ኬኤዛ ኮሺ ሃይሴ

ዒሲያሴ ማፃኣፖ61mdy_twf