Isayaasa Maxaafa60gof_ltw

Xiyoone Bonchuwa

1Ne poo7oy yida gisho, dendada poo7isa;Godaa bonchoy ne bolla poo7ana.2Heko, dhumi sa7aa, sakana dhumi asaa kammana;shin Goday ne bolla dendana;iya bonchoy ne bolla poo7ana.3Kawotethati ne poo7uwako,kawotika ne wonta xolqethaako yaana.
4Dhoqu gada ne yuushuwa xeella;ubbay issife neeko yaana.Ne adde nayti haahope yaana;ne macca nayti ba7etidi neeko yaana.5He wode neeni be7ada ufaytana;ne wozanay ufaysan noocu gaana.Abbaa bolla de7iya shaloy neeko yaana;kawotethata duretethay nebaa gidana.6Midiyaamepenne Efa biittafe yida,gimale wudey ne biitta kammana.Worqanne ixaane eheysatiGodaa galataa awaajishe Saabape yaana.7Qedaarenne Nebayoota dorsa wude ubbay,ta yarsho bessa neeko yaana;taani ta boncho keethaa bonchana.
8“Haysati shaarada woyko holledabanta keethako paalleysati oonee?9Tuma yuushoy abban teqetida biittati,tanan ufaysi wothana;Isra7eele geeshshay, Goday hinte Xoossay,hintena bonchida gisho,Tarsesa markabeti sinthati keyidi,ne nayta haaho biittafe enta biraranne worqaraXoossaa bonchuwas ehana.
10“Allaga biittati ne dirsaa gimbana;enta kawoti new oothana.Nena taani ta hanquwan kase shocas,shin ha77i ta qadhiyan nena maaras.11Ne pengeti ubba wode dooya daana;kawotethata duretethaynneenta kawoti di7etidi neeko yaana melagallasinne qamma gordetokona.12New oothonna asiwoyko kawotethi ubbay dhayana.13Ta keethaa bessaa loythana melaLibaanose boncho gidida zigay,xiiddaynne xaythay neeko yaana;taani ta tohuwa wothiya bessaa bonchana.14Nena un7ethida asaa nayti yidi new hokana;nena kadhida ubbay ne sinthan goyinnana.Enti nena, ‘Godaa Katame, Xiyoone,Isra7eele, Geeshsha Katame’ yaagidi xeegana.
15“Haysafe kase oonika ne giddora kanthonna melayegetadasanne ixetadasa.Shin ha77i taani nena merinaw gita oothana;yeletethaa ubbay nenan ufaytana.16Neeni kawotethata maatha uyana;kawota dhantha dhammana.Goday, nena Ashsheysa, wozeysanneYayqooba wolqaama gideysa neeni erana.17Naase birata gisho worqa,birata gisho bira, mitha gisho naase birata,shucha gisho birata taani new ehana.Taani, sarotethi nena ayseysa,xillotethi new halaqa oothana.18Geellatethi ne biittan, dhayoy woyko boshine zawan si7etenna.Neeni ne dirsa gimbiya, ‘Atotethaa’,ne pengiya, ‘Galata’ yaagada xeegana.19Gallas awa poo7o, qamma ageena poo7o new koshshenna;Goday new merinaa poo7o,ne Xoossay new boncho gidana.20Awi nam7antho wullenna;ne ageenay poo7o aggenna.Goday new merinaa poo7o gidana;neeni yeekida gallasati new gidana.21Ne asa ubbay xillo gidana;enti biitta merinaw laattana.Enti taani ta bonchuwa qoncisanaw tokida puutota;ta kushe oosota.22Hinte giddon issi keethan de7iya guutha asata darsana;ubbaafe guuthaa gita kawotethi oothana.Taani Godaa; wodey gakiya wode,taani hessa eeson polana” yaagees.
expand_more
Search