Read እሳያሳ ማፃፋ 60

እሳያሳ ማፃፋ60gof_etw

ፅዮነ ቦንቹዋ

¹ነ ፖኦይ ይዳ ግሾ፥ ደንዳዳ ፖእሳ፤ጎዳ ቦንቾይ ነ ቦላ ፖአና።²ሄኮ፥ ም ሳኣ፥ ሳካና ም አሳ ካማና፤ሽን ጎዳይ ነ ቦላ ደንዳና፤እያ ቦንቾይ ነ ቦላ ፖአና።³ካዎተት ነ ፖኡዋኮ፥ካዎትካ ነ ዎንታ ፆልቀኮ ያና።

⁴ቁ ጋዳ ነ ዩሹዋ ፄላ፤ኡባይ እስፈ ኔኮ ያና።ነ አደ ናይት ሃሆፐ ያና፤ነ ማጫ ናይት ባኤትድ ኔኮ ያና።⁵ሄ ዎደ ኔኒ በአዳ ኡፋይታና፤ነ ዎዛናይ ኡፋይሳን ኖጩ ጋና።አባ ቦላ ደእያ ሻሎይ ኔኮ ያና፤ካዎተታ ዱረተይ ነባ ግዳና።⁶ምድያመፐነ ኤፋ ቢታፈ ይዳ፥ግማለ ዉደይ ነ ቢታ ካማና።ዎርቃነ እፃነ ኤሄይሳትጎዳ ጋላታ አዋጅሸ ሳባፐ ያና።⁷ቀዳረነ ነባዮታ ዶርሳ ዉደ ኡባይ፥ታ ያርሾ በሳ ኔኮ ያና፤ታኒ ታ ቦንቾ ኬ ቦንቻና።

⁸“ሀይሳቲ ሻራዳ ዎይኮ ሆለዳባንታ ኬኮ ፓለይሳት ኦኔ?⁹ቱማ ዩሾይ አባን ተቀትዳ ቢታት፥ታናን ኡፋይስ ዎና፤እስራኤለ ጌሻይ፥ ጎዳይ ህንተ ፆሳይ፥ህንተና ቦንችዳ ግሾ፥ታርሰሳ ማርካበት ስንት ከይድ፥ነ ናይታ ሃሆ ቢታፈ ኤንታ ብራራነ ዎርቃራፆሳ ቦንቹዋስ ኤሀና።

¹⁰“አላጋ ቢታት ነ ድርሳ ግምባና፤ኤንታ ካዎት ነዉ ኦና።ነና ታኒ ታ ሀንቁዋን ካሰ ሾጫስ፥ሽን ሀእ ታ ቃያን ነና ማራስ።¹¹ነ ፐንገት ኡባ ዎደ ዶያ ዳና፤ካዎተታ ዱረተይነኤንታ ካዎት ድኤትድ ኔኮ ያና መላጋላስነ ቃማ ጎርደቶኮና።¹²ነዉ ኦና አስዎይኮ ካዎተ ኡባይ ያና።¹³ታ ኬ በሳ ሎይና መላልባኖሰ ቦንቾ ግድዳ ዝጋይ፥ፂዳይነ ፃይይ ኔኮ ያና፤ታኒ ታ ቶሁዋ ዎያ በሳ ቦንቻና።¹⁴ነና ኡንኤዳ አሳ ናይት ይድ ነዉ ሆካና፤ነና ካዳ ኡባይ ነ ስንን ጎይናና።ኤንቲ ነና፥ ‘ጎዳ ካታመ፥ ፅዮነ፥እስራኤለ፥ ጌሻ ካታመ’ ያግድ ፄጋና።

¹⁵“ሀይሳፈ ካሰ ኦንካ ነ ግዶራ ካንና መላየገታዳሳነ እፀታዳሳ።ሽን ሀእ ታኒ ነና መርናዉ ግታ ኦና፤የለተ ኡባይ ነናን ኡፋይታና።¹⁶ኔኒ ካዎተታ ማ ኡያና፤ካዎታ ን ማና።ጎዳይ፥ ነና አሸይሳ፥ ዎዘይሳነያይቆባ ዎልቃማ ግደይሳ ኔኒ ኤራና።¹⁷ናሰ ብራታ ግሾ ዎርቃ፥ብራታ ግሾ ብራ፥ ም ግሾ ናሰ ብራታ፥ሹቻ ግሾ ብራታ ታኒ ነዉ ኤሀና።ታኒ፥ ሳሮተ ነና አይሰይሳ፥ፅሎተ ነዉ ሀላቃ ኦና።¹⁸ጌላተ ነ ቢታን፥ ዮይ ዎይኮ ቦሽነ ዛዋን ስኤተና።ኔኒ ነ ድርሳ ግምብያ፥ ‘አቶተ’፥ነ ፐንግያ፥ ‘ጋላታ’ ያጋዳ ፄጋና።¹⁹ጋላስ አዋ ፖኦ፥ ቃማ አጌና ፖኦ ነዉ ኮሸና፤ጎዳይ ነዉ መርና ፖኦ፥ነ ፆሳይ ነዉ ቦንቾ ግዳና።²⁰አው ናምአን ዉለና፤ነ አጌናይ ፖኦ አገና።ጎዳይ ነዉ መርና ፖኦ ግዳና፤ኔኒ ዬክዳ ጋላሳት ነዉ ግዳና።²¹ነ አሳ ኡባይ ፅሎ ግዳና፤ኤንቲ ቢታ መርናዉ ላታና።ኤንቲ ታኒ ታ ቦንቹዋ ቆንጭሳናዉ ቶክዳ ፑቶታ፤ታ ኩሸ ኦሶታ።²²ህንተ ግዶን እስ ኬን ደእያ ጉ አሳታ ዳርሳና፤ኡባፈ ጉ ግታ ካዎተ ኦና።ታኒ ጎዳ፤ ዎደይ ጋክያ ዎደ፥ታኒ ሄሳ ኤሶን ፖላና” ያጌስ።

እሳያሳ ማፃፋ 60 / gof_etw

ፅዮነ ቦንቹዋ

እሳያሳ ማፃፋ60gof_etw