1Alatala yiin mi dungi,a yi ɛ rakisi.Tuli xɔri mi a ranaxan mi ɛ xuiin namɛ.2Koni ɛ hakɛne nan ɛ masigama ɛ Ala ra,ɛ yulubine nan a yɛtagin luxunma ɛ ma,naxan a ligama a mi ɛ xuiin namɛma.3Bayo faxa ti wunla ɛ yiine ra,ɛ yiine hakɛ feene yi,wulena ɛ dɛ,tinxintareya falan nan ɛ lɛnna ma.4Muxu yo mi a mawugama tinxinni,muxu yo mi kitin yɛbama ɲɔndini,muxune yigi saxi e fala fuune nun wule falane nin.Fe kobin muxune kuialo e fudi kanna na a ra,e yi lu hakɛne barɛ.5E koso xɛlɛne birama,e yalane yitɔnma muxune yɛɛ raalo simisamana.Naxan na e xɛlɛne don,na yi faxa,anu xa keden bɔ,saɲi ɲaxin nan minima a kui.6E fan mi yalani tɔnma dugin xan na de,e mi nɔɛ e ragenla luxunɲɛ e yii fɔxɔne ra.Hakɛne nan ne ra,gbalon nan tun e yiine ra.7E sanne e rasigan fe ɲaxini mafurɛn!E mafura sɔntarene wunla raminɛ,e miriyane ɲaxu,gbalon nun kalan nan e kirane xɔn.8E mi bɔɲɛ xunbenla kiraan kolon.Kiti kɛndɛn mi e kiraan xɔn.E kira yifuxine nan nafalama e yɛtɛ xa,naxan yo na siga e xɔn,na mi bɔɲɛ xunbenla sɔtɔma.
Alaa yamaan yi e ti e yulubine ra
9Nanara, kiti kɛndɛn makuya en natinxinna mi a masoma en na.En yengi kɛnɛnna ma,koni en dimin nin!Kɛnɛnna na,koni en sigan tima banban dimin nin.10En tantanmaalo danxutɔne nɛma sigan tiyɛ banxin xɔn,a luxi alo en yɛɛ mi na,en tantanma.En na en sanna radinma yanyin naalo fitirin na a ra.En luxi nɛnalo faxa muxune niiramane yɛ.11En sɔnxɔma alo kanko xaɲɛne,en kutunma alo ganbane.En yengi a ma kiti kɛndɛn xa sa en xa,koni na mi ligama!En yengi kisin ma,koni a makuya en na!12Amasɔtɔ nxɔ matandine gbo i tan Ala yɛtagi,nxɔ yulubine sereyaan bama nxu xili ma,nxɔ matandine nxu fɔxɔ ra,nxu nxu hakɛne kolon:13Nxu bata murutɛ,nxu Alatala yanfa,nxu yi nxu masiga nxɔ Ala ra.Nxu gbalo feene nun murutɛ feene nan falama,nxu wulene fala nxu bata naxanye yitɔn nxu bɔɲɛni.14Nanara, nxu nxu mɛma kiti kɛndɛn na,tinxinyaan yi masiga nxu ra pon!Lannayaan bata kala yamani,ɲɔndi fala mi na.15Lannayaan bata lɔ ayi,naxan na a mɛ fe ɲaxin na,na yi findi muxu kansun daxin na.Ala fama Yerusalɛn yiAlatala yi a to a kiti kɛndɛn mi fa na mumɛ,na yi raɲaxu a ma.16A yi a to a muxu faɲi keden peen mi na.Na yi a ratɛrɛnafa fala a solona muxu mi na.Nayi, a yɛtɛɛn yi marakisin ti,a tinxinyaan yi findi a mali seen na.17A yi tinxinyaan findi a kanke yɛ masansanna ra,a yi kisin findi a xunna makantan wure kɔmɔtin na,a gbee ɲɔxɔn yatɛ a dugin na,a yi a yɛtɛ rabilin a xanuntenya gbeen naalo doma gbeena.18A muxune birin kɛwanla saranma e ra nɛn,a yi fitinan nagidi a yɛngɛ faane maa yi a gbeen ɲɔxɔ a yaxune ma,a yi ige tagi bɔxɔne saranalo a lan e ma kii naxan yi.19Nayi, muxune gaxuma nɛn Alatala xinla yɛɛ rasa keli sogeteden mahan sa dɔxɔ sogegododen na.Yaxune na fa alo baana,Alatala dɛ foyena e radinma ayi nɛn.20Xunba tiin fama nɛn Siyon taani Yaxuba yixɛtɛne xanaxanye na xɛtɛ e Ala matandine fɔxɔ ra.Alatalaa falan nan na ra.21Alatala naxa, “N ma layirin ni ito ra nxu nun ne tagi: N ma Nii Sariɲanxin naxan ɛ ma, e nun n ma falane n naxanye rasoxi ɛ dɛ, ne mi bama ɛ dɛ, e mɔn mi bama ɛ diine dɛ, e mɔn mi bama ɛ diine yixɛtɛne dɛ keli iki ma han habadan!” Alatala naxa na kiini.