Isayaasa Maxaafa57gof_ltw

1Xillo asi hayqees;shin hessa qopey baawa.Bantana Xoossas immida asay biittafe eketoosona,shin xillo asi iiti yaanape sinthatidi,eketeysa oonika akeekenna.2I, bidi sarotethi de7iya bessi gelees;suuretethan hemeteysati hayqidi,shempo demmoosona.3“Hinteno, maro nayto, hinteno laammiyannelaymatiya zareto, haa yiite.4Hinte oona qelqiseetii?Hinte oona boreetiii?Hinte inxarsaa oodde bolla kesseetii?Hinte geellatanne wordancho nayta gideketii?5Hinte wolaa garsaninnedaashsha mitha garsan amon xuugeteeta.Hinte nayta zangaaraninnezaalla qophon shukidi yarsheeta.6Zangaaran de7iya liiqo shuchati hinte xoossata;Hinte entaw ushsha yarsho tigideta.Kathaa yarshoka immidetayaatin, taani haysan hanqetikina?7Zumaa huuphen hiixa yeggideta;yan yarshanaw keydeta.8Hinte pengiyafenne gobanetapesoo baggara eeqa misileta essideta.Tana aggidi hinte arsa dalgisidi, yaa keydeta;entara caaqideta; yaatidi enta arsa dosideta;enta kalluwa be7ideta.9Zaytenne shitto ekidi Moloka geetetiya eeqako bideta;hinte kiitanchota haaho soo kiittideta;hari attoshin si7oole gakanaw wodhideta.10Hinte hara xoossata koyishe daaburideta;shin, ‘Ufaysi baawa’ gibeeketa.Hinte wolqay haa ooraxis;hessa gisho, labbanidi kundibeeketa.
11“Hinte oona yayyidi, taw wordotidetii?Hinte tana qopibeketa;hinte wozanan qopibeketa.Hinte taw yayyonna ixidaytaani daro wode si77i gida gisho gidennee?12Taani hinte xillotethaanne hinte oosota awaajana;shin hintena aykoka go77okona.13Hinte maado demmanaw waassiya wodehinte shiishida eeqati hintena ashshena!Enta ubbaa carkoy efana;issi toho carkiya carkoy enta punnidi dhaysana.Shin tana baw baqatidi attiya besse oothiyauray biitta laattana;ta geeshsha zumaa ekana”yaagees.

Wozani Meqida Asaas Minthetho

14“Baasite, baasite! Oge giigisite;ta asaa ogiyape dhubiyaba ubbaa diggite”yaagees Goday.15Merinaw de7eysi, gitay, dhoqa bessan de7eysi,iya sunthay Geeshsha geeteteysi, yaagees:“Kawuyida asaa ayyaana denthethanaw,meqida wozani de7eyisata koolanaw,kawuyidanne meqida ayyaani de7eysara daana.16Ta medhida asa ayyaanaynne shempoy,ta sinthan docconna mela taani merinaw mootike;ubba wode hanqetike.17Enta nagaraa gaason taani enta hanqetada seeras;ta som7uwa entafe genthas;shin enti ha77ika banta wozanaa qofan bidosona.18Taani enta ogiya be7as;shin taani enta pathana, kaalethana;iyawunne iya gisho yeekeyisata minthethana.19Isra7eele biittan yeekeyisata,mettershan galata kunthana.Haahoninne matan de7eysatas,saroy giddo; taani enta pathana”yaagees Goday.20Shin iitati urqanne silimo kessiya,wopu gaanaw danda7onna abba beeta mela.21“Iitatas saroy baawa”yaagees ta Xoossay.
expand_more
Search