عَننَبِ عٍسَيِ54sus_apb

سِيٌنِ شَ شُننَكٍلِ

1«دِبَرِتَرٍ، نَشٍيٍ مُ نْمَ دِ بَرِدٍ، وٌ شَ سّيوَ،وٌ شَ بّيتِ بَ، وٌ تَن نَشٍيٍ مُ دِ سْتْشِ سِندٍن.وٌ قَمَ نّ دِ وُيَشِ سْتْدٍ دَنفِقٍ فِنّ فبّتّيٍ رَ.عَلَتَلَ شَ مَسٍنيِ نَن نَ كِ.»
2«وٌ شَ وٌ شْنيِ رَشُنفبٌ،وٌ شَ ندٍ سَ وٌ شَ بَنشِيٍ شَ فبٌي شُن،وٌ شَ نَ بِرِن يَءِلَن عَ قَنيِ رَ،3بَرِ مَ وٌ يِرِوَ مَ نّ يِرٍقَنيِ نُن كْولَ مَ وٌ شَ بْشِ كُي.وٌ شَ مِشِيٍ حَمَنّ ندٍ مِشِيٍ كٍرِ مَ نّ،عٍ قَ سَبَتِ عٍ شَ تَايٍ كُي.4هَلِ وٌ مُ هَنمّ، وٌ مُ يَافِ يٌ سْتْمَ.وٌ نَشَ فَاشُ نَ يَ رَ، وٌ شَ قٍ مُ رَفٌرٌ مَ نّ.وٌ قَمَ نّ نّيمُدٍ نَ يَافِ شَ قٍ رَ وٌ نَشَن سْتْ وٌ قٌنِكٍ تّمُي،وٌ مُ لُ رَ مَحْشُن نَ وٌ شَ كَاحّ قٍ رَ،5بَرِ مَ وٌ دَالِ مَنفّ مّينِمَ وٌ مَعَلْ شّمّ مّينِمَ عَ شَ فِنّ مَ كِ نَشّ،نَشَن شِلِ قَلَمَ وٌ مَرِفِ عَلَتَلَ سّنبّمَ،نَشَن قِندِشِ عِسِرَيِلَ شَ سّنِيّنتْي رَ،نَشَن وٌ رَكِسِمَ،نَشَن شِلِ عَلَ دُنِحَ كَنيِ.6عَلَتَلَ قَمَ نّ وٌ رَفبِلٍندٍ عَ مَ،عَلْ فِنّ نَشَن نُ بَرَ رَبٌلٌ، عَ قَ لُ تْورّ كُي،عَلْ سُنفبُتُنيِ نَشَن شَ مْرِ بَرَ مّي عَ رَ.عَلَتَلَ شَ مَسٍنيِ نَن نَ كِ.»
7«عَلَ نَشّ، ‹ﭑ عِ رَبٌلٌ نّ تّمُي دُنكٍ دِ،كْنْ ﭑ مَن عِ مَسٌمَ نّ ﭑ نَ ﭑ مَ شَنُنتٍيَ شُنفبٍ كُي.8ﭑ عِ كٍرِ بْحّتٍ شُنفبٍ نَن كُي تّمُي دُنكٍ دِ،كْنْ ﭑ مَن كِنِكِنِمَ نّ عِ مَ مَرَقَنيِ كُي عَبَدَن.›ﭑ تَن عَلَتَلَ وٌ كَنتَمَ شَ مَسٍنيِ نَن نَ كِ.»
9«عَ لُمَ نّ ﭑ بّ عَلْ نُهَ شَ تّمُي،ﭑ تٌ ﭑ كَلِ عَ بَنبَرَنيِ مُ دُنِحَ كَنَمَ سْنْن.ﭑ بَرَ ﭑ كَلِ عَ ﭑ مُ شْنْمَ وٌ مَ، ﭑ مُ وٌ سْنتْمَ سْنْن.10هَلِ فٍيَيٍ سَ سّرّنقٍ نّ، تٍنتٍنيِيٍ نَشَ فِرَ عَ رَ،ﭑ مَ شَنُنتٍيَ مُ نْمَ شُرُندٍ وٌ بّ،ﭑ مُ مَ بْحّسَ سَاتّ كَنَمَ ﭑ نَشَن تٌنفٌشِ وٌن بّ.عَلَتَلَ شَ مَسٍنيِ نَن نَ كِ نَشَن كِنِكِنِمَ وٌ مَ.»
11«وٌ تَن بْنسْي حَشَنكَتَشِ،نَشٍيٍ بَرَ تْورْ كِنِكِنِتَرٍحَ كُي،ﭑ مَن وٌ شَ تَا تِمَ نّ فّمّ قَنيِ قَرِ،ﭑ وٌ رَشُنمَ دِيَمَن نَ،12ﭑ وٌ شَ يِرٍ عِتٍشِ يَءِلَنمَ فّمّ تٌقَنيِيٍ نَن نَ،ﭑ وٌ شَ نَادّيٍ رَشُنمَ فّمّ رَيَبُشِيٍ رَ،ﭑ وٌ شَ تّتّ تِ فّمّ يَنبَشِيٍ رَ.13وٌ شَ دِيٍ بِرِن بِرَ مَ نّ عَلَتَلَ قْشْ رَ،عٍ شَ قٍ بِرِن سْونّيَ.14ﭑ تٌ وٌ فبٍ حْشْمَ، وٌ مَن قَمَ نّ تِدٍ سّنبّ رَ.وٌ يَشُييٍ مُ وٌ تْورْ مَ سْنْن،وٌ مُ لُمَ فَاشُي كُي.وٌ مُ فَاشُمَ قٍقٍ يَ رَ سْنْن.15شَ فٍرٍ سَ بُلَ وٌ شِلِ مَ،نَ مُ كٍلِشِ ﭑ تَن شَ مَ.ﭑ شَ عَ قَلَ وٌ بّ، وٌ فٍرٍقَيٍ شَ قٍ كَنَمَ نّ.16ﭑ تَن نَن شَبُي دَا،نَشَن وُرٍ رَشُنُمَ تّ رَ، عَ قَ فٍرٍ سٌسٍ يَءِلَن.نَ كُي ﭑ مَن قَ سْورِ دَا، نَشَن عَ يَشُييٍ شَ قٍ كَنَمَ.17كْنْ فٍرٍ سٌسٍ نَشَن بِرِن يَءِلَنشِ وٌ تَن شِلِ مَ،ﭑ عَ نِيَمَ نّ عٍ مُ وٌ لِ قٍقٍ مَ.نَشَن يٌ وٌ تْوحّفّ، كِيتِ نَن كَنَمَ نَ كَنيِ رَ.عَلَتَلَ عَ شَ كٌنيِيٍ فبٍ حْشْمَ نّ.عَلَتَلَ شَ مَسٍنيِ نَن نَ كِ.»
expand_more
Search