Kitsariyaxi53hch_wb2
1¿Kemɨ'ane taniukitsie yuri pɨtiuta'eri,kemɨ'ane Yawé tɨrɨkariyaya puxeiyatsitɨarie?2Mɨkɨ hɨxie putawerixɨ yɨrari mɨyɨri hepaɨ,makuwakitsie tiwiyatɨ.Witsipɨka'anekai meta pɨkamariwekai,kemɨtiyuxexeiyakai pɨkaheiwa'anekaimeta witsipɨkatiyuxexeiyakai pɨkaheiwe'eriwakai.3Teɨteri mepinanaimakai mepɨka'inaki'eriekai,pɨtiukakukuinekai, mɨtiuka'eniwanikɨ pɨ'ayumiemetɨkai.Nixewitɨ pɨka'ixeiyamɨkɨkai,putixani'eriwaxɨ, mariweme tepɨka'eriekai.4Peru yurikɨ takwiniya putitɨ,kukuiniya tahetsiemieme punewi,peru tame tiukwinitɨarieme teputa'eri,Kakaɨyari 'enayewaxɨame teputa'eri meta tixaɨtɨ kareyeitɨame.5Matsi mɨkɨ putsekie 'aitsika temutitsanaxɨakɨ,temɨxiki payeitɨarie 'axatemɨte'uyurikɨ,mɨkɨ hetsie pɨtiunakixɨ mɨtikwinitɨarienikɨ, kemɨraye'akai kayuwatɨ temu'uwanikɨ,pamɨpariyutsi mɨtiukwinitɨariekɨ kɨmana 'aixɨa teteheu'erietɨ tepayeitɨarie.6Teyunaitɨ tepeuyexɨriekai, muxatsi wahepaɨ,teyuxexuitɨ tepu'uwakai kemɨtatinake,peru Yawé hetsiena pɨtiɨhɨanaime 'axatemɨte'uyurikɨ.7Pɨtiukwinitɨarie, nitixaɨtɨ pɨkarayeitɨarie,peru 'etsiwatɨma pɨka'utaniu,muxa nunutsi hepaɨ, pehanie memierienikɨ,muxa 'uka mɨxikie hepaɨ, pɨka'utatsua,meta 'etsiwatɨma pɨka'utaniu.8Hikɨ me'iwiyakari meta me'itaxanetaka, mekanimieni,xewitɨ pɨkayuti'iyaritɨa nuiwarieya hepaɨtsita mukumawerekɨ.Kanawitekieni 'ena kwiepa teɨteri memanu'uwatsie,kaniukuweiyaxɨani teɨteri 'axamemɨte'uyurikɨ.9Pukateukie 'axateyuruwamete watsata,meta pumierie 'axateyuruwamete wahamatɨa,tsepa hatsuaku 'axamɨkatiuyuri,meta nanaimarika tetana mɨka'utixuawerixɨ.10Peru Yawé puyuwaɨri temɨxiki meyeitɨanikɨ meta mɨtika'enitsitɨanikɨ,matsi mɨkɨ yutukari 'itiya mawariyari mayeitɨakɨ,yunuiwari puwaxeiya, tukari waɨkawa pɨpitɨarieni,meta yapɨtiyurieneni Yawé kemɨtinake.11'Arikeke tikwineme,hekɨariya kanixeiyamɨkɨ meta 'iyarieya 'aixɨa kaniyɨmɨkɨ,mɨrakumatekɨneti'uximayatsiriwame heitserie mexeiya heitserie kaniwapitɨamɨkɨ yuwaɨkawame,'axamemɨte'uyurikɨ pɨranukɨtɨni.12'Ayumieme, nepipitɨani mariwemekɨ mɨti'aitanikɨ,piinitɨarika mɨra'iwaxɨ memɨtɨrɨkawi wahamatɨa pɨtiyetuiriyarieni,yutukari mɨyetuakɨ tsepa mumierie,'axatiyuruwame payeitɨarie.Yumɨiretɨ ke'axamemɨte'uyuri putitɨ,'axateyuruwamete wahetsie putanua.