1Ma Dii ma mɛ̀à ma yãma yã́zɛdeyanaↄ,á gbɛ̃́ pↄ́ álɛ ma kĩ́i wɛɛlɛↄ!À wɛ́pɛ gbɛsi pↄ́ wà á bↄ́ a guuwa,à gu gbɛde pↄ́ wà á yↄ̃́u yãda.2À làasookɛ á dezi Ablahaũ yã́wań aà na Sala pↄ́ á bui kɛ̀o,asa gↄↄ pↄ́ ma aà sìsi, a nɛ́ vĩo,ↄ̃ ma báaadàaàgu,má tò à kpàsa kàlɛ.3Màa ma Dii, má Siↄna nↄ̀sɛ níniɛ̀,má wɛ̃nakɛɛ̀ a gbooa yã́ musu.Má aà gbáaↄ lilɛ lán Edɛniwa,aà gugbaigbaiↄ gↄ̃ lán ma swaluwa.Pↄna ń yaalↄo aↄ ku a guu,sáaukpaa ń lɛtɛ̃o aↄ dↄu.4Ma gbɛ̃́ↄ, à laaidↄ ma yã́wa,ma kpàsa, à swã́kpa ma yã́i,asa yã́zɛde a bↄ ma kĩ́iɛ,ma ikoyã aↄ dɛ buiↄ gupua ũ.5A gɛ̃gɛ̃o má tó yã́ bↄ ń gbɛ̃́ↄ na,ma gbɛ̃́ suabaa ye kái.Má yã́gↄ̃gↄ̃ buiↄnɛ a zɛ́wa,ísiabaadeↄ i sↄ̃́amazi,an wɛ́ dↄi mà ń suaba.6À wɛ́sɛ luabɛ gwa,í zĩ́lɛ gwa lↄ,asa luabɛ a gɛ̃zɛa lán súɛlɛwa,dṹnia a kɛ yáiyai lán pↄkasawa.A gbɛ̃́ↄ gaga lán kↄ̀ↄtɛ̃ↄwa,ãma gbɛ̃́ pↄ́ ma ń suabàↄ aaↄ ku gↄↄpiiɛ,ma toa yã́ bↄańnↄ na gbooa vĩ bauo.7À ma yãma yã́zɛdedↄ̃naↄ,á gbɛ̃́ pↄ́ á ma yãdanɛ kũa á sↄ̃uↄ!Ásu vĩakɛ sↄ̃́sↄ̃aɛo,ásu to gbɛ̃́ↄ á tↄbɛ̃ɛsia diwáo.8Kↄ̀ↄↄ ń sóso lán pↄkasawa,blɛ́ↄ ń ble lán ulawa,ãma ma toa yã́ bↄańnↄ na láaa vĩo,gbɛ̃́ pↄ́ ma ń suabàpiↄ aaↄ ku gↄↄpiiɛ.9Vu iu, vu iu Dii,fɛlɛ ń n gã̀sa gbãao.Vu iu lá ń kɛ̀ yãadeↄ gↄↄwa.Ḿmɛ n kwãsa zↄ̃̀ɛzↄ̃ɛo lò?N dalagↄ̃ↄpi zↄ̃̀.10Ḿmɛ n gugii bↄ̀ ísiauo lò?Ísi zↄ̃ↄ í pi!N zɛbↄ̀ ísia lutuũnaugbɛ̃́ pↄ́ n ń bↄ́ↄnɛ aa bùau.11Gbɛ̃́ pↄ́ Dii ń bóↄ ɛa su Siↄna ń kúkuakɛao.Pↄna láasai aↄ kú ń musu,pↄna ń yaalↄo a gɛ̃ńzi,pↄsia ń wɛ̃nao a gɛ̃zɛa.12Ma Dii, mámɛ má á nↄ̀sɛninina ũ.Àkɛa álɛ vĩakɛ gbɛ̃nazĩmmikãdↄɛ pↄ́ a wɛ̃ni dɛ koaoɛi?13Mapi á Kɛna ma musu kpàlɛ,ma dṹnia zĩ́napɛ̀lɛ,ↄ̃ ma yã́ sã̀água?Bↄ́yãi iↄ ku gili guu lá gu lɛ́ dↄgbɛ̃wɛtãna pↄ́ zɛ̀ ń á midɛao pↄfɛ̃ yã́ii?Gbɛ̃wɛtãnapi pↄkũma tↄ́n lai?14Gbɛ̃́ pↄ́ an kↄ̃́ↄ bↄ̀ↄ gↄ̃ ńzĩaɛ tia,aa ga ń gbãauo,pↄblea a kɛ̃́sãmá lↄo.15Ma Dii á Lua mi ísia í fɛlɛ,a ikooaↄ kↄ̃fĩkɛ.Ma tↄ́n Dii Zĩgↄ̃de!16Ma a yã́ↄ sòso má kàɛ́ á lɛ́u,ma ↄkùála ma á dↄ̃́a.Ma musu kpàlɛ, ma dṹnia zĩ́napɛ̀lɛ,ↄ̃ má ò Siↄnadeↄnɛ aa dɛ ma gbɛ̃́ↄ ũ.
Dii pↄ weea Siↄnadeↄwa
17Vu iu, vu iu! Yelusalɛũ fɛlɛ zɛ!N pↄkũma toona pↄ́ na Dii ↄzĩ í mì,n aà kɛɛona pↄ́ ì ń kɛ tàlaatalaa í lɛ̀u ń a gbↄ̃o.18Nɛ́ pↄ́ wà ń í n guuↄ kee i fↄ̃ zɛmikũ̀nɛo,nɛ́ pↄ́ wà ń gwá n guuↄ kee i e dↄ̀ n ↄwao.19Músi mɛ̀n plaɛ beeↄ gɛ̃̀nzi:Wà n gboo n gↄ̃ bɛzia ũ,mɛ́ imina ń fɛ̃ndao n gbɛ̃́ↄ dɛ̀dɛ.Démɛ fↄ̃ ↄ́ↄlↄnɛi?Démɛ fↄ̃ n nↄ̀sɛ níninɛi?20Yɛ̃̀ɛɛsai n gbɛ̃́ↄ nɛ̀,aa kálɛa n zɛ́kpaaↄu píi.Aa gↄ̃̀ yeelɛa lán kpòo gbↄwa.Dii pↄkũma tↄ̃̀má, n Lua ń wɛtã̀.21A yã́i ma yãma sa wɛ̃́lɛ wɛ̃nade!Í zↄ̃̀lɛma, i kɛ vɛ̃ɛ no.22Má Dii n Lua, mi zɛ ń ma gbɛ̃́ↄ.Ma mɛ̀ má a pↄkũma toona bↄ n ↄzĩ,ńyↄ̃ kɛɛona pↄ́ ì ń kɛ tàlaatalaa í mi bau lↄo.23Má kpa n ĩadamadeↄwaɛ.Aa ònɛ yãa ǹ wúlɛ wà táa'oma,ↄ̃ n kɛ bùsu ũ,aa táa'ò n kpɛsɛa lán tↄↄlɛwa.