Read ዒሲያሴ ማፃኣፖ 50

ዒሲያሴ ማፃኣፖ50mdy_twf

¹ናንጊና ናንጋ ጎዳ ሂዚ ጋዓኔ፦ዒንሢኮ ዒንዶ ታ ዓንጄያ ማዒፆ ዔርዛ ዋርቃታ ዎካዳይ?ዒንሢ ታኣኒ ዎያ ታኣም ሚኢሾ ታልዔሢም ሻንቼይ?ዒንሢ ዒንሢኮ ጎሞሮ ሻንቺንቴኔ፤ዒንሢ ዻቢንቶሮ ዒንሢኮ ዒንዳ ዓንጂንቴኔ።

²«ታኣኒ ሙኬያና ዓይጎ ዓሲያ ባኣሢ ዓይጎሮዳይ?ታኣኒ ዔኤሊንቴያና ዓይጎ ዓሲያ ዬሂባኣሢ ዓይጎሮዳይ?ታኣኒ ዓውሳኒ ዳንዳዑዋዓዳ?ዻቂሻኒ ዎልቄ ታኣኮ ባኣዓዳ?ባዞ ታኣኒ ጎሪ ሚጪሳንዳኔ፤ዎሮዋ ዓሲ ናንጉዋ ዳውሌ ታ ማሃንዳኔ፤ዬካ ዓኣ ሞላሢያ ዋኣፃ ባኣሢሮ ሃይቂ ዎዓንዳኔ።³ጫሪንጮ ታኣኒ ዹሚሻንዳኔ፤ሲዬ ዓፒላና ታ ዒዞ ጎኦቢ ዓኣቻንዳኔ።»

ፆኦሲ ዓይላሢኮ ዓይሢንቲፆ

⁴ላቤዞንሢ ቃኣሎና ዶዲሺሢ ታ ዔራንዳጉዲናንጊና ናንጋ ጎዳ ኮይሳ ባኣዚ ታ ጌስታንዳጉዲዔራቶና ጌስታ ዒንዲርሲ ታኣም ዒንጌኔ፤ጉቶ ጉቶ ጊንዓስካፓ ዒዚ ታና ጴቻኔ፤ዔኤቢ ዋይዚ ዔሪሢዳ ዓኣ ዓሲሮጉዲዋዮ ታኣኮ ዒዚ ቡላኔ።⁵ናንጊና ናንጋ ጎዳ ማሊ ጶቂሥሢ ታኣም ዒንጌኔ፤ታኣኒያ ዋይዚ ዒፃያ ማዒ ዒዛይዳፓ ሃኪባኣሴ።⁶ዢራኣፖና ታና ጳርቃ ዓሶም ዙሎቡኡጮ ታኣኮ ሜኤዳ ዓሶም ጋንጋሮዓኣሢ ታኣኒ ዒንጌኔ፤ጫሽኪ ታና ጩታ ዓሶይዳፓዓኣፖ ካሮ ታኣኮ ታ ሺርሺባኣሴ።

⁷ናንጊና ናንጋ ጎዳሢ ታና ማኣዳሢሮ ታ ዻውሲንቲንዱዋሴ፤ታኣኒ ታና ዓዳ ሳቆ ሹቺጉዲ ዶዲሻንዳኔ፤ታኣኒ ቦርሲንቲንዱዋሢያ ታ ዔራኔ።⁸ታኣም ዎጋንዳ ፆኦዛሢ ዑኬኬ፤ዓካሪ ታኣና ሞኦታሢ ዖናዳይ?ኑ ዎላ ሂንዳ ዎጎ ቤዞ ሺኢኮም።⁹ታና ማኣዳሢ ናንጊና ናንጋ ጎዳኬ፤ዖ ታና ኔ ዻቤኔ ጋዓንዳይ?ታና ሞኦታ ዓሳ ማኣዖጉዲ ጪንቃንዳኔ፤ቢላኣ ዔያቶ ሙዓንዳኔ።

¹⁰ዒንሢ ባኣካፓ ናንጊና ናንጋ ጎዳ ዒጊጫይዒዛኮ ዓይላሢ ቃኣሎም ዓይሢንታሢ ዖናዳይ?ፖዒባኣ ዹሚዳ ሃንታሢናንጊና ናንጋ ጎዳ ጉሙርቆንጎ፤ዒዚ ፔኤኮ ጉሙርቂፆ ፆኦዛሢዳ ማሆንጎ።¹¹ሃሢ ጋዓንቴ ዒንሢ ታሚ ዔኤሤኔ፤ቶኦካ ቶኦካ ዒንሢኮ ዔኤታ ኩሻ ዒንሢ ዓርቄኔ፤ዓካሪ ዬያ ዒንሢኮ ታሞ ፖዖይዳ ዓኣዹዋቴ፤ዒንሢ ዓይሤ ኩሾ ፖዓ ሃንቱዋቴ፤ዒንሢ ታ ኩጫፓ ዔካንዳ ባካ ዬያኬ፤ዬያ ሜቶና ዒንሢ ካራ ባይቃንዳኔ።

ዒሲያሴ ማፃኣፖ 50 / mdy_twf

ፆኦሲ ዓይላሢኮ ዓይሢንቲፆ

ዒሲያሴ ማፃኣፖ50mdy_twf