Read እሳያሳ ማፃፋ 50

እሳያሳ ማፃፋ50gof_etw

እስራኤለ ናጋራነ አይልያ ኪተተ

¹ጎዳይ ያጌስ፤“ታኒ ህንተ አይዉ የድዳ ፕርማ ዎርቃተይ አዉን ደኢ?ታኒ ኦደስ ህንተና ባይዛድና?ሄኮ፥ ህንተ ናጋራ ግሾ ህንተ ባይዘትደታ፤ህንተ ናቁዋ ግሾ ህንተ አይያ የደታሱ።²ታኒ ይዳ ዎደ፥ ሀይሳን አስ አይስ ይዴ?ታኒ ፄግዳ ዎደ፥ ‘ዬ!’ ጋናዉ አይስ አስ ይዴ?ታኒ ህንተና ዎዛናዉ ታ ኩሸይ ቃንዬ?ህንተና አሻናዉ ታዉ ዎልቅ ባወዬ?ታኒ አባ ሴራዳ መልሳይስ፤ሻፋታ መላ ቢታ ኦይስ።ሃ ይን ኤንታን ደእያ ሞሎት ዎቆሶና፤ሳሞይ ዎን ሀይቆሶና።³ታኒ ሳሎታ ማ ማይዛይስ፤ኤንታ ካማይ ካዮ ማኦ ዳኔስ” ያግስ።

⁴ዳቡርዳይሳ ታኒ ቃላን ምን ኤራና መላ፥ኡባ ሃርያ ጎዳይ ታዉ ታማርዳ እንፃርስ እሚስ።እ ታና ዎንታ ዎንታ ባርክስድ፥ታኒ ታማረዳ ስአናዳ ታ ሀይ ዶዬስ።⁵ኡባ ሃርያ ጎዳይ ታ ሀይ ዶይስ፤ታኒ ጌላ ግዳብከ፤ ጉየ ስማብከ።⁶ታኒ ታ ዞኩዋ ሾጨይሳታስ፥ታ ቡቻ ሾደይሳታስታ ጋጩዋ አዳ እማስ።ታ ቦላ ጩተይሳታፐነ ታና ካዉሸይሳታፐታ ሶምኡዋ ገንብከ።⁷ኡባ ሃርያ ጎዳይ ታና ማድያ ግሾ፥ታኒ ዬላትከ።ታኒ ታ ሶምኡዋ ሳሎ ሹቹ ኦስ፤ታኒ ዬላቶናይሳ ኤራይስ።⁸ታዉ ፕርደይስ ማታን ደኤስ፤ያትን፥ ታና ሞተይ ኦኔ?አነ ታራ ሞተታናዉ ኤቆ!⁹ኡባ ሃርያ ጎዳይ ታና ማዴስ፤ያትን፥ ታ ቦላ ፕርደይ ኦኔ?ኤንቲ ኡባይ ማኦዳ ጭማና፤ኤንታ ብል ማና።

¹⁰ህንተ ግዶፈ ጎዳ ያየይ፥እያ አይልያ ቃላስ ኪተተይ ኦኔ?ማን ሄመተይነ ፖኦይ ባይናይ እ ኦኔ?ሄ ኡራይ ጎዳ ሱንን አማነቶ፤ ባ ፆሳን ዘምፖ።¹¹ህንተኖ ታማ ኤያ ኡባቶ፥ላጮ ፆምፐ ህንተዉ ሺሸይሳቶ፥ህንተ ኤዳ ታማ ፖኡዋን ሄመትተ።ላጮ ፆምፕያን ስመረትተ፤ህንተ ታ ኩሸፐ ኤካናዉ ደኤይ ሀይሳ፤ህንተ ዎልቃማ መቶ ሴላን ዝንአና።

እሳያሳ ማፃፋ 50 / gof_etw

እስራኤለ ናጋራነ አይልያ ኪተተ

እሳያሳ ማፃፋ50gof_etw