Read Isaia 50

Isaia50bqc_sim

¹Ma Dii ma mɛ̀,kɛ́ a mɛ̀ ma á da yà,aà gínzila kú má ni?Ma fĩade kpele ma á yíawài?Aawo! Á duuna yã́i ma á yiai,á tàaeↄ yã́i ma á da yài.²Kɛ́ ma mↄ, bↄ́yãi mi gbɛ̃e eo ni?Kɛ́ ma lɛzùázi,àkɛa á gbɛ̃e i weao ni?Ma ↄ kɛ̀ geseũ a fↄ̃ á bↄo yã̀?Má gbãa vĩ mà á bo noa?Ma ísia lèle, ↄ̃ gugii bↄ̀,má tò swa gↄ̃̀ lán gbáawa.A kpↄↄ gàga isai yã́i,ↄ̃ aa yaikɛ̀ kɛ́ í kuo yã́i.³Mi to gu si gbɛ̃́ↄnɛ,mi zwã̀a sia da musuɛ.

Dii zↄ̀blena lɛ̀ àaↄ̃de

⁴Dii Lua ma gba lɛ́ mà yãdaonɛ́mà yã́ pↄ́ ì gbɛ̃́ pↄ́ bùsaↄ gba sↄ̃ o.Ìↄ ma vu lá gu lɛ́ dↄ,ì ma swã́ nakṹ,kɛ́ mà yãma lán yãdadana pↄ́wa.⁵Dii Lua ma swã́ wɛ̃̀,mi zazakũo, mi pↄ̀ↄbↄzãkɛo.⁶Ma a kpɛ tò lia gbɛ̃́ pↄ́ aalɛ ma gbɛ̃́ↄnɛ,ma a gɛɛ tò dↄa gbɛ̃́ pↄ́ aalɛ a kã́ woloↄnɛ.Kɛ́ aalɛ ma sↄ̃sↄ̃, aalɛ lɛ́'ikákaa,mi a wɛ́ ga ma sↄ̃òo.⁷Ma gɛɛ a gↄ̃ kpa ma wɛ́io,kɛ́ Dii Lua lɛ́ dↄmalɛ yã́i.A yã́i ma aɛ dↄ súsu lán gbɛsiwa,má dↄ̃ kɛ́ wí a ma kũo.⁸Lua ma yãnakpamade kumanↄ kãi.Démɛ a bↄbↄmanↄi?Wà aɛdↄkↄ̃wa!Démɛ ma káalakɛna ũi?Aà sↄ̃ kãi!⁹Dii Lua mɛ́ ì dↄmalɛ,démɛ a fↄ̃ yãdamalai?Ampii aa kɛ yáiyai lán pↄkasawa,kↄ̀ↄↄ mɛ́ a ń sóso.

¹⁰Á démɛ Dii vĩa vĩì aà zↄ̀blena yãmai?Tó a bɛ gusiau filia í sai,aà Dii náaikɛ,i sↄ̃kpalɛ a Luazi.¹¹À ma, á gbɛ̃́ pↄ́ i tɛ́ka ázĩaɛi sɛ̃̀ tɛ́ dↄↄ,à gɛ àↄ bɛ á tɛ́pi vuaige sɛ̃ pↄ́ a tɛsↄ̃̀wà gupuai.Yã́ pↄ́ a bↄ ma ↄzĩ à á len kɛ:Áↄ wúlɛa gu wãwãdeu!

Isaia 50 / bqc_sim

Dii zↄ̀blena lɛ̀ àaↄ̃de

Isaia50bqc_sim