Isayaasa Maxaafa5gof_ltw

Woyne Gade Leemiso

1Ta dosiya addiya woyne gadiyaba,siiqo yethi yexana.Taani dosiya addiyas,aradda zuma bolla iyaw woyne gadey de7ees.2Biitta bookidi, shuchaa qori kessidi,lo77o woyne tokis.Naago shako iya giddon shakis;woyniya gum7iya bessaa giigisis.Hessafe guye, lo77o ayfe ayfana gidi naagis;shin caala ayfe ayfis.3“Hinteno, Yerusalaamen de7eysato,hinteno Yihuda asaw,taapenne ta woyne gadiya giddonde7iya odaa ane pirdite.4Taani ta woyne gadiyas oothidaysafeharaa ay oothanabay attidee?Lo77o ayfe ayfana gada naagas,shin ayis caala ayfe ayfidee?5Ha77i taani ta woyne gadiya bollaoothanaba hintew odana.Taani iya dirsaa diggana;woyney dhayanaada oothana.Taani gimbiya laallana;woyne gadey yedhetana.6Taani he gadiya quu7e oothana;woyney xintetenna, harmetenna.He bessan kinchoteynne agunthi dolana;Iri iya bolla bukonna melataani shaara kiittana” yaagis.
7Ubbaafe Wolqaama Godaawoyne gadey Isra7eele asaa.I, ufaytiya atakilte bessay Yihuda asaa.Enta suure pirdoosona gidi naagis;shin suuthi gussidosona.Xillotethi oothosona gidi naagis;shin un7a waasoy darana mela oothidosona.

Iitata Ayye!

8Bessi dhayin, hinte xalaala biitta bolla daana gakanaw,keethe keetha bolla, gade gade bolla,gujeysato hintena ayye!9Ubbaafe Wolqaama Goday haysada gidi caaqishin ta si7as.“He gita keethati kaysatana;he lo77o keethatan daanaw asi dhayana.10Tammu waaxan tokida woyniyape,issi oto gum7etha woyne xalaala ekana.Hospun tammu kilo giraame zerida gadepe,tammanne hospun kilo giraame xalaala ekana” yaagis.11Mathoya ushsha koyanawwonta guura dendeysatannewoyne ushshay xuuggana gakanaw,yan qamisiya asaa ayye!12Enta imatuwan maasinqoy,diithi, karaaboy, suusul7eynnewoyne ushshi de7ees.Shin enti Godaa oosuwa be7ibookona;iya kushe oosuwa akeekokona.13Hiza ta asay akeeka dhayida gisho, di7etana;ayseysati koshan hayqana; asay saamon xuugetana.14Duufoy ba gompaa dalgisis;ba doona zawi bayna dooyis.Yerusalaamen de7iya gita asaa, daro asaa,wocameysatanne ufayteyisata mittana.15Asi tooshetana; asa koche ubbay kawuyana; otortiya ubbay guuxana.16Shin Ubbaafe Wolqaama Goday, ba suure pirdan dhoqu dhoqu gaana; Xoossaa geeshshatethay iya xillotethan qoncana.17He wode dorsati he bessan heemetana; dorsa urgeti laaletida keetha bessatan maana.18Cimo wodoron nagara, gaare wodoron iitatethi goocheyisata ayye!19“Ane Xoossay elleso! Nuuni be7ana mela ba oosuwa eesoyo! Nuuni erana mela Isra7eele Geeshshay qopida qofaa polo” yaageyisata ayye!20Iitaa lo77o, lo77uwa iita; dhumaa poo7o, poo7uwa dhuma; camuwa mal7o, mal7uwa camo geyisata ayye!21Bantana cincanne qara geyisata ayye!22Woyne ushshan eretida asaanne mathoyiya ushshu walakanaw wozani mino gidida asaa ayye!23Qohida uraa xillisanaw wodhaafe ekidi, xillo asaa suure pirdaa geellayeyisata ayye!24Enti Ubbaafe Wolqaama Godaa higgiya ixida gishonne Isra7eele Geeshshaa qaala kadhida gisho tama lacoy kale oykeysadanne buurey taman meetetidi dhayeysada enta xaphoy wooqana. Enta ciishshay baanada laaletidi dhayana.25Hessa gisho, Godaa hanqoy iya asaa bolla eexis; iya kushey dendidi, enta dhaysis. Dereti qaaxidosona; hayqida asaa ahay oge bolla buureda hanis. He ubbanka iya hanqoy simmibeenna; iya kushey ha77ika dendida bessan de7ees.26Goday haaho son de7iya kawotethatas malla dhoqan essis; sa7aa gaxan de7iya asaa suyqidi xeegis; enti dirgishe puttu goosona.27Enta giddon daabureynne dhubetey baawa; entafe issoyka dhiskenna woyko zin7enna. Xeessan dancida saqey birshetena; enta caamma wodoroy duuxenna.28Enta tooray qara; enta dongeyka waaxetidi de7ees. Enta parata tohoy qara shucha mela; enta para gaareta gertoy gote mela.29Enti gaammo mela guummoosona; wodala gaammo mela gudoosona. Enti sarbuqishe miyaba oykidi, tooki ekidi boosona; entafe wothidi ekey oonika baawa.30He wode enti gita abba guunthada Isra7eele bolla guummana. Issi asi he biitta xeelliya wode dhuminne waayey be7ana; poo7oy shaaran mitettana.
expand_more
Search