1Beno yina ke zingaka na bisanga, beno kuwa munu!Beno bantu yina kele ntama, beno teka makutu!Yave bokilaka munu katuka kivumu ya mama ya munu,Yave bokilaka nkumbu ya mununtangu mu vwandaka ntete na kati ya kivumu ya mama ya munu.2Yandi salaka ti yinwa ya munu kuvwanda mbele ya mvita yina ke na meno,yandi me fuka munu na mpewo ya diboko ya yandi,yandi salaka ti munu vwanda dyonga ya nsongi,yandi bumbaka munu na nkutu ya yandi ya madyonga.3Yandi tubaka na munu: «Nge kele kisyelo ya munu, Isayeli,ni na nge mu ke lakisa nkembo ya munu.»4Kasi, munu, mu tubaka:«Mu me sala kaka kisalu ya mpamba,ya tsyelika ya kele kaka ya mpamba mu me manisa ngolo ya munu.Kasi Yave ke nungisa munu,mpe musendo ya munu kele na sika ya Nzambi ya munu.»5Na ntangu yayi Yave ke na kutuba,yandi yina yidikaka munu na kivumu ya mama ya munu,samu ti mu vwanda kisyelo ya yandi,samu ti mu vutula Yakobi na kisika ya yandi,mpe na kuyonzika Isayeli pene-pene na yandi,mu ke vwanda ya kuzituswa na meso ya Yave,mpe Yave kele kisika ke katukaka ngolo ya munu.6Yandi tubaka na munu:Nge ke vwanda ve kaka kisyelo ya munu,samu na kuvutula dyaka bifumba ya Yakobi mutindu yawu vwandaka ntete,mpe kuvutula bantu ya Isayeli yina mu bumbaka.Kasi mu soolaka nge mpe samu ti nge vwanda mutindu mwinda ya bayinsi nyonso,samu ti mpulusu ya munu kuma,tii na bandilu ya ntoto.
Mvutukulu ya nene ya bantu yina ba nataka na ngolo na yinsi ya nzenza
7Yave ke na kutuba,yandi yina ke kuulaka Isayeli,yandi kele Nzambi ya Longo,yandi ke na kutuba na muntu yina ba vwezaka,muntu yina bantu nyonso me yina,muntu yina bamfumu me kitula mundongo ya bawu:Bantinu ke tala nge, bawu ke telama na bakiti ya bawu ya kintinu,bamfumu ke tala, mpe bawu ke fukama,samu na Yave yina me lunga ti ba tula kivuvu na yandi,samu na Muntu ya Longo ya Isayeli, ni yandi soolaka nge.8Yave ke na kutuba:«Na ntangu ya mbote, mu kuwaka nge,mpe na kilumbu ya mpulusu,mu kwizaka sadisa nge.»Mu ke keba nge, mu ke byeka ngesamu na kusala ngwisani na bantu,samu na kuvumbula yinsi,samu na kukabula bimvwama yina mwanganaka,9samu na kutuba na bankole: «Beno basika!»Mpe na bayina ke na kitombe: «Beno talana!»Bawu ke kuzwa matiti ya kudya na bisika nyonso na banzila,bawu ke kuzwa madya na zulu ya myongo ya fyoti.10Bawu ke tala dyaka nsatu ve,bawu ke vwanda ve na mpwila ya maza,tiya ya yinsi ya kuyuma mpe ntangu ke talisa dyaka bawu mpasi ve,samu ti muntu yina ke fwilaka bawu kyadi ke twadisa bawu,mpe yandi ke nata bawu na bayinto ya maza.11Myongo ya munu nyonso mu ke kitula yawu banzila,mpe mu ke bongisa dyaka banzila ya munu.12Bawu yayi, bawu me katuka na bayinsi ya ntamaba ya nkaka me katuka na node,ba ya nkaka na kisika yina ntangu ke lalaka,ba ya nkaka dyaka na yinsi ya Sinime.13Mazulu, beno looka na nsayi!Ntoto beno vwanda na nsayi ya kulutila!Myongo, beno looka na kilengi,samu ti Yave me bomba dikanda ya yandimpe yandi me fwila kyadi na bayina kele na mpasi.
Yelusalemi ke tungama dyaka mpe bantu ke fuluka dyaka kuna
14Na yina Siyone me tuba:«Yave me manga munu,ya tsyelika Yave me zimbana munu!»15Kento lenda zimbana mwana ya yandi,yina yandi ke na kupesa mabene?Yandi kele ve na kyadi ya mwana yina me basika na kivumu ya yandi?Ata ti mama zimbana mwana ya yandi,kasi munu, mu ke zimbana nge ve!16Tala, mu sonikaka nkumbu ya nge na diboko ya munu,bibaka ya nge kele ntangu nyonso na mantwala ya munu.17Bana ya nge, ke vutukila nge,kasi bayina bebisaka, mpe mwangisaka nge,bawu ke bika nge, mpe bawu ke kwenda ntama.18Losa meso na ba lweka nyonso mpe tala:Bawu nyonso ke na kuyonzama, mpe bawu ke na kwiza na sika ya nge.Ya tsyelika, mu me kudya ndefi na Nkumbu ya munu Yave, Nzambi ya moyo,Yave ke na kutuba:nge ke vwata bawu nyonso mutindu misanga,mpe nge ke kanga bawu na luketo mutindu ndumba,yina me kubama na makwela.19Yinsi ya nge yina ke ya kumwangana, na kati ya kyadi,ke kuma fyoti samu na bantu yina ke zingaka kuna,mpe bayina vwandaka kwamisa nge ke kima ntama na nge.20Bana ya nge, bayina ba botolaka nge, ke tuba na nge:«Kisika yayi kele fyoti samu na beto.Yidikila beto kisika, samu ti beto kuzinga awa!»21Na yina nge ke kukiyufula: «Nani me butila munu bana nyonso yayi?Mu vwandaka ve na bana, mu vwandaka kisita,mu kimaka na yinsi ya nzenza,mpe ba bingisaka munu,kasi bana yayi nani me kulisa bawu?Mu bikanaka kaka munu mosi,kasi bawu yayi, bawu vwandaka wapi sika?»22Yave ke na kutuba:«Mu ke nanguna diboko ya munu na sika ya bayinsi ya nzenza,mu ke telemisa kidimbu ya yinsi ya munu na sika ya makanda,Bawu ke natina nge bana ya nge na maboko ya bawu,mpe bawu ke tula bana ya nge ya ba kento na mapeka ya bawu.23Bantinu ke yundula nge mutindu bibuti ya nge,mpe bana ya bantinu ya bakento ya bawu ke vwanda bamama yina ke yundula nge.Bawu ke fukama na mantwala ya nge tii na ntoto,bawu ke pela fundu-fundu yina ke kangama na makulu ya nge.Ni kuna nge ke zaba ti munu kele Yave,mpe muntu yina ke tula kivuvu ya yandi na munu, yandi ke tala ve nsoni.»24Yina kinwani me baka, nani lenda botola yawu?Nani lenda kuula bankole na maboko ya mfumu ya ntima ya yimbi?25Yave ke na kutuba:ba ke botola bankole ya kinwani,muntu yina mfumu ya ntima ya yimbi kangaka ke kuzwa kimpwanza.Mu ke fundisa munu mosi bayina nwanisaka nge,mpe munu mosi, ke kuula bana ya nge.26Mu ke sala ti bayina ke kwamisaka nge kudya banzutu ya bawu mosi,mpe ti bawu kunwa menga ya bawu mosi mutindu malafu ya malu-malu.Ni kuna bantu nyonso ke zaba ti mu kele Yave,yina ke vuukisa mpe ke kuula nge,munu Nzambi ya Lulendo ya Yakobi.