ዒሲያሴ ማፃኣፖ49mdy_twf

ፆኦሲ ዓይላሢ

1ዋኣፆ ሳዛ ዓኣ ሳዖይዳ ናንጋ ዴራ ዋይዙዋቴ!ዒንሢ ሃኬ ዓጫ ዓኣ ዓሳ ማሊ ጶቂሡዋቴ፤ናንጊና ናንጋ ጎዳ ታኣኒ ሾይንቱዋንቴ ቤርታ ታና ዔኤሌኔ፤ዒንዶ ጎጳ ዓኣንቴ ሱንፆ ታኣኮ ዒ ጌሤኔ።2ዒንዲርዞ ታኣኮ ዓዳ ዋርቂንቴ ጬንቾ ዓፓሮጉዲ ማሄኔ፤ፔኤኮ ኩጮ ሺቦ ዴማ ታና ዓኣቼኔ፤ዓጬ ሂኢሺ ማሂ ካቲሎይዳ ዒ ታና ዓጌኔ።3ዒዚ ታና፦ «ዒስራዔኤሌ! ኔኤኒ ታኣኮ ዓይላሢኬ፤ኔ ዛሎሮ ሜሌ ዴራ ታና ቦንቻንዳኔ» ጌዔኔ።4ታኣኒ ጋዓንቴ፦ «ጉሪ ላቤኔ፤ዔኤቢ ፓሣ ባኣዚ ባኣንቴ ጉሪ ዎልቆ ታ ጋፒሴኔ፤ጋዓንቴ ዬያ ዛሎ ፆኦሲ ታኣም ዎጋንዳኔ፤ታ ላቢፆኮ ዒንጎንዶ ባካ ናንጊና ናንጋ ጎዳ ኮራኬ» ጌዔኔ።5ናንጊና ናንጋ ጎዳ ቤርታ ታኣኒ ቦንቺንቴኔ፤ዒዚ ታኣኮ ዎልቃሢ ማዔኔ።ዒዛ ዓይሌ ማዓንዳጉዲ ዒንዶ ጎጳ ዓኣንቴ ታና ማዤሢያይቆኦቤ ታኣኒ ዒዛ ባንሢ ማሃንዳጉዲዒስራዔኤሌያ ዒዛ ባንሢ ቡኩሳንዳጉዲታና ዶኦሬ ጎዳሢ ሂዚ ጋዓኔ፦6ዒዚ፦«ያይቆኦቤ ፃጶኮ ቦንቾ ጊንሣ ማሂፃፒኢጫዺ ዓቴ ዒስራዔኤሌ ዓሶ ማሂ ዔኪ ሙኪፃታ ዓይሌ ማዒ ኔኤኮ ማዺፃኔኤም ኮሺ ሼሌዔ ባኣዚኬ፤ዬያፓ ባሼ ጋዓንቴታኣኮ ዓውሲፃ ዴንዲ ዓጮኮ ጋፖ ሄላንዳጉዲሜሌ ዴሮም ቢያ ፖዒ ኔ ማዓንዳጉዲታኣኒ ኔና ዬያም ዒንጌኔ» ጌዔኔ።7ኔና፥ ዴሮና ቶኦቺንቴሢና ዒፂንቴሢናምዎይሣ ዓሶኮ ዓይሌ ማዒ ማዻሢምዒስራዔኤሌ ዓውሳ ዱማዼ ፆኦዛሢ ሂዚ ጋዓኔ፦«ካኣታ ኔና ዛጋዖ ኔኤም ዔቃንዳኔ፤ካኣቶ ናኣታ ኔኤም ዚጋንዳኔ፤ዬይ ያዺ ማዓንዳሢ ኔና ዶኦሬዒስራዔኤሌኮ ዱማዼ ጉሙርቂንታ ፆኦዛሢ ዛሎሮኬ።»

ዒስራዔኤሌ ዓሶኮ ጊንሣ ፔ ቤዞ ማዒፆ

8ናንጊና ናንጋ ጎዳ ሂዚ ጋዓኔ፦«ታኣኒ ኮዓ ዎዶና ኔ ሺኢጲፆ ዋይዛንዳኔ፤ኔኤኮ ዻቂንቶ ኬሎና ኔና ታ ማኣዳንዳኔ፤ዓጬሎ ጊንሣ ማሂ ኔ ዔቂሳንዳጉዲቆይዳ ማዔ ሳዖ ኔኤኒ ጊኢጊሻንዳጉዲታኣኒ ጫኣቂ ዴሮም ኔና ዒንጌኔ።9ኔኤኒያ ቱኡዞ ዓሶ፦ ‹ቡሊንቲ ዓኣዹዋቴ›ዹሞይዳ ዓኣ ዓሶዋ፦ ‹ሃኒ ፖዖ ኬስኩዋቴ› ጋዓንዳኔ፤ጎይፆ ዓጫ ዔያታ ሙዖ ባኣዚ ዴንቃንዳኔ፤ቦምቦንቄያ ማዒ ናንጌ ጌሜራ ዔያቶም ሄንቆ ቤሲ ማዓንዳኔ።10ናይዚና ዼኤቢና ዔያቶ ሄላዓኬ፤ዳውሎኮ ዖይዾ ዢባራ፥ ጊንሣ ሃሣ ዓባኣ ዔያቶ ዔኤቢ ዎኦታዓኬ፤ዬይ ያዺ ማዓንዳሢ ዔያቶ ሚጪንታሢዓልቃ ዋኣፃ ዓኣ ቤዞ ዔኪ ዓኣዻንዳሢሮኬ።»
11«ዹኮ ታኣኮ ታ ባኣሲ ጎይሢ ማሃንዳኔ፤ዳልጎ ጎይፃኣ ሌካ ዼጊ ጋዓንዳኔ።12ዴራ ሃኬ ዓጪፓ ሙካንዳኔ፤ፔቴ ፔቴ ዓሳ ኬዶ ባንፃፓዛላ ዓባ ጌላ ባንፃፓሃንጎዋታ ሃሣ ሲኒሜይዳፓ ሙካንዳኔ።»
13ናንጊና ናንጋ ጎዳ ዴሮ ፔኤኮ ዶዲሻሢሮሜታዺ ዋኣያዞንሢማ ሚጪንታንዳሢሮጫሪንቺዮ! ዓይናዹዋቴ፥ ሳዔሌ! ዎዛዼ፥ ዹካኣ ዒላሹዋቴ።
14ፂዮኔ ዴራ ጋዓንቴ«ናንጊና ናንጋ ጎዳ ኑና ሃሼኔ፤ኑ ፆኦዛሢ ኑና ዋሌኔ» ጌዔኔ።15ናንጊና ናንጋ ጎዳ ሂዚ ጋዓኔ፦«ዒንዳ ፔኤኮ ዻንሢሣ ናይ ዋላኒ ዳንዳዓ?ዒዛ ፔኤኮ ሾዔ ናዖ ሚጪንቱዋዓዳ?ዒዛ ዋላኒ ዳንዳዓኔ፤ታኣኒ ጋዓንቴ ዒንሢ ዋላዓኬ።16ዬሩሳላሜ! ታ ኩጮኮ ቃኣቆይዳ ታ ኔና ቆኦቄኔ፤ኔኤኮ ኬኤሎ ዲሮዋ ቢያ ዎዴ ታ ጶቂሣኔ።»
17«ኔና ጊንሣ ማዣንዳዞንሢ ዑኬና ሙካንዳኔ፤ዶይሲ ኔና ባይዜዞንሢ ጋዓንቴ ዴንዲ ባይቃንዳኔ።18ዼጊ ጌዒ ኮሮ ኔኤኮ ዛጌ፤ናኣታ ኔኤኮ ቡኪ ሃንጋ ኔ ባንሢ ሙካኔ፤ታኣኒ ናንጊና ናንጋ ጎዳ ባይቁዋያ ማዔ ጎይፆና ሂዚ ጋዓኔ፦‹ቢያሢ ማኣዖጉዲ ኔኤኒ ዔያቶ ማይንታንዳኔ፤ዑኡታ ፓልሞ ፓልማሢጉዲ ኔኤኒያ ዔያቶ ፓልማንዳኔ።›»
19«ሻሂንቲ ኔኤኒ ጉሪ ማዓንዳጉዲሳዓ ኔኤኮ ካይሲ ማዓንዳጉዲዔያታ ማዼያታቴያማዒ ሙካ ኔ ጊዳ ናንጋዞንሢም ኩንዓያ ኔኤኒ ማዓንዳኔ፤ኔና ሻሂ ዶይሴ ዓሳ ኔጊዳፓ ሃኪ ዓኣዻንዳኔ።20ሾይ ዎዺሼያ ማዒ ኔ ዓኣንቴ ሾይንቴ ናኣታኔኤኮ ዋያ ዋይዛንቴ፦‹ሃይ ቤዛ ኑኡም ሚርጌ ኩንዔያ ማዔሢሮኑኡኒ ናንጋንዳ ዳልጊ ቤሲ ኑኡም ዒንጌ› ጋዓንዳኔ።21ኔኤኒያ ኔ ዒኖና ሂዚ ጋዓንዳኔ፦‹ሃያ ናኣቶ ዖ ታኣም ሾዔይ?ሚርጌ ናይ ታ ባይዚ ናይ ባኣያ ማዔንቴዳውሲንቲ ዴንዲ፥ ታና ናሽካ ዓሲያ ታ ባይዜንቴዓካሪ ሃያ ናኣቶ ዲቼሢ ዖናዳይ?ታኣኒ ታኣሮ ሌሊ ዓኣንቴዓካሪ ሃይ ናኣታ ዓንካፓ ሙኬይ?› »
22ናንጊና ናንጋ ጎዳ ሂዚ ጋዓኔ፦«ኔኤኮ ዓቲንቆ ናኣቶ ዔያታ ፔ ሾኦጳ ቃልሲዉዱሮ ናኣቶዋ ፔ ጌኤቶይዳ ኬዲ ሙካንዳጉዲካኣቶም ታኣኒ ማላታ ቤኤዛንዳኔ፤ዴሮማኣ ታኣኒ ባንዲራ ዻዋንዳኔ።23ዬይ ካኣታ ኔና ዲቻ ዓዶንሢ ማዓንዳኔ፤ዔያቶኮ ጌኤሾንሢያ ዲቻ ዒንዶንሢ ማዓንዳኔ፤ዔያታ ፔኤኮ ባሊቶ ሳዖ ባንሢ ሂርኪዲ ኔኤም ዚጋንዳኔ፤ኔኤኮ ቶኮ ሲላሎ ዔያታ ላኣዓንዳኔ፤ዬያሮ ታኣኒ ናንጊና ናንጋ ጎዳ ማዔሢ ኔ ዔራንዳኔ፤ታኣኮ ማኣዳሢ ጉሙርቂ ካፓዞንሢ ፔቴታዖ ቦርሲንታዓኬ።»
24ጎኦባ ዓሲ ኩቺዳፓ ዲዒ ዔካኒ ዳንዳዒንታ?ሃንጎ ሃሣ ጫርሺ ዓሲ ኩሽካፓ ዲዒንቴሢ ቶሊሳኒ ዳንዳዒንታንዳ?
25ናንጊና ናንጋ ጎዳ ጋዓንቴ ሂዚ ጋዓኔ፦«ዶዲ ማዔ ጎኦቦ ዓሶይዳፓ ዲዒንቴ ዓሳ ዔዔውታኔ፤ጫርዦ ኩጫፓኣ ዲንቴሢ ቶቶሊሲንታኔ፤ኔና ዖላዞንሢ ታኣኒ ዖላንዳኔ፤ናኣቶዋ ታ ኔኤኮ ዓውሳንዳኔ።26ሄርቂ ኔና ዎይሣዞንሢ ፔ ዓሽኮ ታ ዔያቶ ሙኡዛንዳኔ፤ዎይኔ ዑሽኪ ማሢንቶሢጉዲ ፔ ሱጉፆ ዑሽኪ ዔያታ ማሢንታንዳኔ፤ዬያሮ ታኣኒ ናንጊና ናንጋ ጎዳ ኔኤኮ ዼኤሻሢና ዓውሳሢያይቆኦቤኮዋ ዼኤፖ ፆኦዛሢታሢ ዓጮ ዴራ ቢያ ዔራንዳኔ።»
expand_more
Search