Isayaasa Maxaafa49gof_ltw

Godaa Aylle

1Hinteno, yuushoy abban teqetida biittato,taani odeysa si7ite.Hinteno, haahoson de7iya kawotethato akeekite;taani yeletanaape kase Goday tana xeegis;ta aaye ulon de7ishin, ta suntha sunthis.2Ta inxarsaa qara mashshi oothis;ba kushiya kuyan tana genthis.I tana poshetida donge yiishshi oothidiba shoohuwan tana qottis.3I taako, “Isra7eele, neeni ta aylle;taani ta bonchuwa nenan qoncisana” yaagis.4Shin taani, “Taani coo daaburas;ta wolqaa go77i baynabaninne hadaban wursas.Gidoshin, ta pirday Godaa matana;ta gatey ta Xoossaa matana” yaagas.
5Taani Godaa ayfe sinthan bonchetida gisho,ta Xoossay taw wolqa gidida gisho,Yayqooba iyako zaaranawIsra7eele iyako shiishanaw,taani iya aylle gidana melatana ta aaye ulon doorida6Goday taako haysada yaagees;Neeni Yayqooba kochaa denthanawIsra7eelepe attida guuthata zaarada ehanawneeni taw aylle gideysi daro guuthaba.Hessafe aathada, ta atotethay biitta gaxa gakana melataani nena kawotethatas poo7o oothana.
7Kadhetidaysasinne ixetidaysasqassi kawotethata haariya aylliyas,Isra7eele woziya Goday,Isra7eele Geeshshay haysada yaagees;Ammanthiya Godaa gisho,nena doorida Isra7eele Geeshsha gishokawoti be7idi dendi eqana;deriya haareysati be7idi goyinnana.

Yerusalaamey Ooraxana

8Goday yaagees;“Taani doorida woden ne oysha zaarana;atotetha gallas taani nena maadana.Taani nena naagana;neeni biitta zaarada essana mela;asi doonna biitta neeni laatisana melataani nena asaas caaqo oothada immas.9Di7etidaysata, ‘Keyite!’dhuma qashon de7eyisata, ‘Birshetite!’gaana mela taani nena oothana.Enti oge matan heemetana;mela dere bolla heemetiya bessi demmana.10Enti koshatokona woyko saamotokona;enta mela biitta mishay xuuggenna;away enta meenna.Entaw qadheteysi enta kaalethana;pulto haathaako enta laaggana.11Taani ta dereta ubbaa oge kessana;ta wogga ogeta dhoqu oothana.12Heko, ta asay haahosoope yaana:pudeha baggaafenne wuloha baggafe,qassi Aswaana biittafe yaana” yaagees.
13Hinteno saloto, ufaysan yexite;neno biittaw ufayta.Hinteno dereto, ililite!Goday ba asa minthethis;ba metootetida ba asaas qadhetis.14Shin Xiyooney, “Goday tana aggis;Xoossay tana dogis” yaagasu.
15Aayiya ba dhanthiya na7aa doganaw danda7ay?Ba ulope keyida na7as qadhetekee?Iya dogikoka, taani nena dogike!16Heko, taani nena ta kushe qaaqan xaafa wothas;ne dirsa gimbeti ubba wode ta sinthan de7oosona.17Nena zaaridi keexeysati ellesidi yaana;nena laallidaysati neepe haakana.18Ane dhoqu gada ne yuushuwa xeella;ne nayti ubbay issife shiiqidi neeko yaana.Taani Goday, tanan caaqas:neeni enta ubbaa alleeqoda ma7ana;gelanaw haniya maccasi alleeqeteysadaneeni entan alleeqetana.19Neeni laaletada baysa gidikoka,ne biittay dhaykoka,ha77i nenan de7iya asaas daro xuummana;nena laallidaysati neepe haakana.20Neeni kayotiya laythannew yeletida nayti ne haythan,“Haysi bessay nuus daro xuunthu gidiya gisho,nu daana dalga bessi imma” yaagana.21Neeni ne wozanan, “Ha nayta ubbaa taw oone yeliday?Taani yelada dhonthu gidas; taani di7etas, ixetas.Yaatin, haysata oone dichiday?Taani tarka attas;yaatin ha nayti ubbay awupe yidona? yaagana.”22Ubbaa Haariya Goday haysada yaagees:“Heko, taani kawotethata mallata bessaana;asaas ta bandira essana.Enti ne adde nayta idimmidi,ne macca nayta banta hashiyan tookidi ehana.23Kawoti nena dichiya aawata gidana;enta macca kawoti nena dhanthiya aayo gidana.Enti gufannidi new goyinnana;ne toho baana laaccana.Taani Godaa gideysa neeni hessan erana;tanan ammanetidi naageysati yeellatokona” yaagees.
24Olanchuwafe di7o yegisanaw,wozan iita asa kushepe di7etida asikessi ekanaw danda7etiyee?
25Shin Goday yaagees:Olancho kushepe di7etida asi kessi ekanaw,wozana mino asape di7o yegisanaw danda7etees.Neera oleteysatara taani oletana;ne naytaka ashshana.26Nena un7etheysati banta ashuwa maana mela oothana;woyne uyidi mathoteysadaenti banta suuthaa uyidi mathotana.He wode asa ubbay taani Godaa,nena Ashshiya, Woziyanne Yayqooba Wolqaamaagideysa erana.
expand_more
Search