Read እሳያሳ ማፃፋ 48

እሳያሳ ማፃፋ48gof_etw

ስሞና እፅዳ እስራኤለ

¹“ህንተኖ፥ ያይቆባ ሶ አሳዉ፥እስራኤለ ሱንን ፄገትዳይሳቶ፥ይሁዳ ኮቻፈ ይዳይሳቶ፥ ሀይሳ ስእተ።ህንተ ጎዳ ሱንን ጫቀታ፤እስራኤለ ፆሳ ፄገታ፤ሽን ቱማተንነ ፅሎተን ግደና።²ህንተ፥ ‘ኑኒ ጌሻ ካታማን ደኦስ፤እስራኤለ ፆሳን ዘምፖስ፤እያ ሱንይ ኡባፈ ዎልቃማ ጎዳ’ ”ያግድ ጬቀተታ።

³ታኒ ስንፈ ሀናናባታ ዳሮ ዎደፐ ካሰ ኦዳስ።ታ ዶናፐ ኤንቲ ከይን፥ኤንቲ ኤሶን ፖለታና መላ ኦስ።⁴ኔኒ ኦድን ስኦናይሳ፥ነ ሞርገይ ብራታ መላ ግደይሳነ ሶምኦይ ናሰ ብራታዳሌቃሞናይሳ ታኒ ኤራይስ።⁵ሄሳ ግሾ፥ ኔኒ፥ “ሀይሳ ታ ኤቃይ ኦስ፤ታ ማሰትዳ ምስለት፥ ታ ሼሻዳ ኦዳ ምስለት ኦዶሶና” ጎናዳ፥ታኒ ሄሳ ነዉ በንፐ ዶማዳ ኦዳስ።ኤንቲ ሀናናፐ ስን ታኒ ኤንታ ነዉ ኤርሳስ።⁶“ታ ካሰ ኦድዳይሳ ነ ስአዳሳ፤እ ፖለትዳይሳ በአዳሳ፥ያትን እያ ቱማተ ኤክኪ?ህዛፐ ነ ኤሮና ኦራባታ ታ ነዉ ኦዳና።⁷ኤንቲ በን መትዳባ ግዶናሽንሀእ መትዶሶና።ኔኒ፥ ‘ታኒ ኤንታ ኤራይስ’ ጎናዳሀይሳፈ ካሰ ኔኒ ኤንታባ ስአባካ።⁸ኔኒ ስአባካ፤ ኤራባካ፤ነ ሀይይ በንፐካ ዶየትቤና።ኔኒ አይ ጭምያ አሴኮ ታኒ ኤራይስ፤ኔኒ የለቶሳፐ ጌላ ጌተታዳ ፄገተይሳ ኤራይስ።⁹ታ ሱን ግሾ፥ ታኒ ታ ሀንቁዋ ዛራና፤ታ ቦንቹዋ ግሾ ነና ይሶና መላታ ሀንቁዋ ተቃና።¹⁰ታኒ ነና ፓጫስ፤ብራዳ ግዶናሽንታኒ ነና መቶ ታማን ፓጫስ።¹¹ታኒ ታ ግሾ፥ ሀይሳ ኦና፤ታ ሱንይ ቶሸታና መላ ኮይከ፤ታኒ ታ ቦንቹዋ ሀራስ እምከ።”

ባብሎነፐ ከስ

¹²“ነኖ ያይቆባ፥ ታኒ ፄግዳ እስራኤለ፥ታኒ ኦድያባ ስአ፤ታኒ እያ፤ ኮይሮይካ ታና፤ ዉርሰይካ ታና።¹³ታ ኩሸይ ቢታ ባሱዋ መስ፤ታ ኡሻቻ ኩሸይ ሳሎታ ምጭስ።ታኒ ኤንታ ፄግያ ዎደኤንቲ እስፈ ኤቆሶና።

¹⁴“ህንተ ኡባይ እስፈ ሺቅድ ስእተ፤ኤቃታፐ ሀይስ ሀናናይሳ ስንትድ ኦድዳይ ኦኔ?ጎዳይ ዶርዳይስ እያ ቆፋ ባብሎነ ቦላ ፖላና፤እያ ቀሰይካ ባብሎነ ቢታ ቦላ ግዳና።¹⁵ታኒ፥ ታ ሁጰን እያዉ ኦዳስ፤ እያ ፄጋስ፤ታ እያ ኤሀና፤ እ ኦያባ ኡባይ እያዉ ፖለታና።¹⁶“ታኮ ሃ ሺቅድ ሀይሳ ስእተ፤“ታኒ ኮይሮፐ ዶማዳ ጌማን ኦዳብከ፤ሄስ ሀንዳ ዎደፐ ዶማዳ ታኒ ያን ደአይስ” ያጌስ።ሀእካ ኡባ ሃርያ ጎዳይነእያ አያናይ ታና ኪትዶሶና።¹⁷ነና ዎዝያ ጎዳይ፥እስራኤለ ጌሻይ ሀይሳዳ ያጌስ፦“ነና ማድያባ ታማርሰይነ ባናዉ በሲያ ኦግያ ነ ካለይ፥ታና ነ ጎዳ፥ ነ ፆሳ።¹⁸ኔኒ ታ ኪታ ስእዳባ ግድያኮ፥ነ ሳሮተይ ሻፋ ሃዳ ጎጋናሽን፤ነ ፅሎተይ አባ ቤታዳ ሀናናሽን።¹⁹ነ ኮቻይ አባ ሻፈዳ፥ነ ናይት ታይበቶና ባና መላ ዳራናሽን፤ኤንታ ሱንይ ታ ስንፈ የና፤ ክቸናሽን” ያጌስ።²⁰ባብሎነ ቢታፈ ከይተ፤ባብሎነፐ ባቃትተ!ቃላ ቁ ኦድ፥ኡፋይሳን ሀይሳዳ ያግድ ዋስተ።ሳኣ ጋፃፐ ጋፃ ጋካናዉ ሀይሳ ኪትተ፤“ጎዳይ ባ አይልያ ያይቆባ ዎዝስ” ያግድ ኦድተ።²¹እ ኤንታ መላ ቢታራ ካለዳ ዎደሳሞትቦኮና።ዛላፈ ሃ ኤንታዉ ፑልትስ፤እ ዛላ ጳልቅን ሃ ቅስ።²²“ኢታታስ ሳሮይ ባዋ” ያጌስ ጎዳይ።

እሳያሳ ማፃፋ 48 / gof_etw

ስሞና እፅዳ እስራኤለ

ባብሎነፐ ከስ

እሳያሳ ማፃፋ48gof_etw