Read እሳያሳ ማፃፋ 47

እሳያሳ ማፃፋ47gof_etw

ባብሎነ ኩንደ

¹“ባብሎነ ጌላኤ፥ዱገ ዎዳ ባና ቦላ ኡታ።ባብሎነ ናተ፥ነ አራታ አጋዳ ሳአን ኡታ።ህዛፐ ጉየ ኔኒ ሳጶትያሮነባሎትያሮ ጌተታካ።²ዎፃ ተቃዳ ካ ጋጫ፤ነ ጉሉን ቃራ፤ነ አዱሳ ማኡዋ ከሳ፤ነ ዎድርያ ቃራዳ ሻፋ ፕና።³ነ ካሎይ ቃረታና፤ነ ፖኮይ በንታና።ታኒ ሀሎ ከያና፤ኦደስካ ቃትከ” ያጌስ ጎዳይ።

⁴ኑና ዎዝያ እስራኤለ ጌሻ ሱንይኡባፈ ዎልቃማ ጎዳ።

⁵“ባብሎነ ናተ፥ባዳ ማን ስእ ጋዳ ኡታ፤ህዛፐ ጉየ ኔኒ ካዎተታ ካውዉ ጌተታካ።⁶ታኒ ታ አሳ ሀንቀታስ፤ ታ ላታ ቱንሳስ፤ታኒ ኤንታ ነ ኩሸን አዳ እማስ።ኔኒ ኤንታዉ ቃታባካ፤ጭምዳይሳታ ቦላ ነ ዴፆ ቃምባራ ዎዳሳ።⁷ኔኒ፥ ‘ታኒ መርናዉ ካዎ ግዳና’ ያጋዳሳ፤ሽን ነ ኦዳ ኦሱዋነእያ ዉርሰይ ዋናነኮ ቆፓባካ።

⁸“ነኖ ዎፑ ጋዳ ኡትዳረነ ናገታዳ ደእዳረ ስአ። ነ ዎዛናን፥ ‘ታፐ አትሽን፥ ሀር ባዋ፤ ታኒ አምኦ ግድከ፤ ዎይኮ የላዳ ናእ ባይና አስ ግድከ’ ያጋዳሳ።⁹ሀ ናምኡባት ቆፖና እስ ጋላስ ነ ቦላ ያና። ነ ብታይ አይ ዳርኮካ፥ ነ ሙሩኖይ አይ ዎልቃምኮካ ኔኒ ነ ናይታፐ መላ አተይስነ አምኤተይ አተና።¹⁰“ኔኒ ነ ኢታተን አማነታዳ፥ ‘ኦንካ ታና በኤና’ ያጋዳሳ። ነ ኤራተይነ ጭንጫተይ ነና ባለን፥ ኔኒ ነ ዎዛናን፥ ‘ታፐ አትሽን፥ ሀር ባዋ’ ያጋዳሳ።¹¹ሽን ኔኒ ዋታዳ ነ ብታን ሃሳኔኮ ኤሮና ኢታይ ነ ቦላ ያና። ኔኒ ጋተ ቃንፃናዉ ዳንዳኦና ዮይ ነ ቦላ ዎና፤ ቃስ ኔኒ አይኮካ ቆፖና ጋዶይ ነ ቦላ ያና።¹²“አነ ኔኒ ነ ናአተፈ ዶማዳ ኦሸ ደእዳ ነ ብታነ ነ ሙሩኑዋ ሀእካ ኦ። ኦን ኤር ነ ቆፕዳይሳ መላ ሀናኔኮ ዎይኮ ኔኒ እያራ ዳጋንኔኮ።¹³ኔኒ ኤክዳ ዞረይ ኡባይ ዳቡርሳፈ አትሽን፥ ነና አይኮካ ማድቤና። ሳሎ ፆልንቶ ታይበይሳትነ እያ ፄልድ አጌናን አጌናን ሀናናባ ኦደይሳት አነ ነና አሾ።¹⁴ኤንቲ ቡረ መላ፤ ታም ኤንታ ማና። ኤንቲ ታማ ላጩዋፐ ባንታና አሻናዉ ዳንዳኦኮና። አስ ካያ ቦንቆይ ዎይኮ አስ እያ ስንን ኡትድ ሆእያ ታማ ግደና።¹⁵ኔኒ ኤንታራ ዳቡርዳይሳት፥ ናአተፈ ዶምድ ኔራ ዛልእዳይሳት ነዉ ሄሳ መላ። ኤንቲ እሶይ እሶይ ባ ባላን ባላን ኦይከታና፤ ነና አሽያ ኦንካ ባዋ።”

እሳያሳ ማፃፋ 47 / gof_etw

ባብሎነ ኩንደ

እሳያሳ ማፃፋ47gof_etw